¹ Hakeeka guduyuh samah kasah d'ergani. Malsuni nad'eni, tah wayah ishiah malsuni aduh ah. ² Adeesa ini malsuni miila ishiah jala jira. Matah ishiah ara malsuni goomfah dapsanoh ah kah urjih kud'enih lamah ara kaayate. Ishiini malsuni rhimeh ajooleh d'alah k'abdi, amaleh kaateh booche d'ukuh ch'iniimfuh afi. ³ Deewanih hakeeka d'iwih samah kasaati d'ergani. Malsuni changuuga guduyuh diimah. Malsuni matah toiba k'awa amaleh gaafa kud'eni k'awa. Matah tokocha isah goomfah hayuh ati ara jira. ⁴ Eegeh changuuagh jifuh tokocha tah urjih ah samah harteh lafa ati jisite. Changuuga ini suni nad'eeni ch'inimfate suni d'ek'eh dura ijete suniini woh ishiini d'altu ajooleh ishiah suni nyaata. ⁶ Eegiyah kaateh ajooleh d'iirah d'alte kah deejoh t'uut'umah hayuh iti itoh jaweena k'it'aani aka silah iniini kutah sibiilah tini. Waak'a ini ajooleh suni buteh gara barch'uma isah. ⁵ Amoh nad'itini kaateh diida ati kaate. Ishiini urga k'abdi tah Waak'a ini mid'aasefi suniini guyah 1,260 ilaalani. ⁸ Amoh malsuni gara samah ah suni lola ati bue. Mikaeli h afi malaikah isah kaaneh changuuga afi malaikah atini wili lolani. Changuuga afi malaikah isah kaaneh mikaelih afi malaikah atini lolani. ⁷ Amoh changuuga afi malaikah isah kaaneh dapsatani; Waak'a ini changuuga malaikah afi malaikah isah urga iti hinkanineh samah kesa. ⁹ Urga ishiah, Waak'a ini samah kasah darbate samah kasah. Changuuga ini suni bofa duraaniti, kah ekerah yed'anih waamanu suni kah d'uniah t'uut'umah sowe suni- hah lafa ati d'ataashani malaikah isaatini wiliini. ¹⁰ Eegiag ana nama toko d'egeh samah k'oonk'oh guduyuh d'egeh, "Teemtana Waak'a keena hah jaweena isaatini anamah isah jiraachise, amaleh anamah t'uut'umah iti hayooma! Teematana Kristoh isah, kah kah hayuh guduyuh ah kah Waak'a ini fook'e, jaweena k'awa tah urga t'uut'umah iti hayoomu malyenani Waak'a keena hah samah kasah gete kah aalatuh ebeleeni keenah. Changuuga ini kah isaani aalatu halkaniifi guyah Waak'a dura. ¹¹ Ebeleeni keena kah abdate isa dapstane malyenani hoolah ani hah d'iiga isah jiseh amaleh isaanifi due amaleh isaani d'ugah isah dubatani anamah d'iwihiti. Isaani lubuh ani hafaatih himbarbaaneh, amoh isaani malsuni dega isaafi isaani ijejeeptu wih hinsheinuh isaafi dubih d'ugaa dubanoah. ¹² Suniifi anamah t'uut'umah kah samah kesa jiru wah gamaduh. Amoh wunih hamtuni isani kah d'uniah kesa jirtuuti buuti amaleh maanya araati malyenani ekerah ni hah lafa ati buute isaanti. Iniini dalansuh hamtuh k'awa malyenani himbeeka aka iniini wogah dik'oo k'au suni ishiah kah Waak'a ini isa adaaweh amaleh isa galgaalchu. ¹³ Mala changuuga ini isah kah lafa ati d'ataashani barate kee nad'itih ajooleh d'iirah d'alte suni hordofe. ¹⁴ Amoh Waak'a ini nad'itih suni koola lama kah aka koola ilaatih guduyuah suniini dendeecheh diida kesa koola ani kaatuh. Malsuni urga Waak'a ini ishiah mid'aaseti jira. Bereh suni Waak'a ini gana sedih fi halwih ishih ilaale. Bofa ini, kah, changuuga ah, dendeeh ishih hingeenye. ¹⁵ Eegiah bofa ini bisaani afaana iufa kasah jise aka lagah suniini wah ishih bisaani isaatini ishih hak'uh. ¹⁶ Amoh lafa tiini kaateh nad'itih suni k'ak'aarte afaana banteh bisaani changuuga ini jise suni lik'imsite afaana isah kasah. ¹⁷ Eegiah changuuga ini kee nad'itih suunti dalane, d'ek'eh ajooleh ishiatini wili d'aanani- deaga seera Waak'a ah k'awate dega k'awih Yeesuh ah ka'awatu. ¹⁸ Eegiah changuuga ini d'ek'eh bih maanyaha ara ijete.