¹ Kaanih mab'uah antih kananeh tah ana hujih ani mid'asuh aka kutah hedih ah kanih wah ana ani yedane , " kasah kei amaleh d'ekih hekaluh Waak'a ah maleh batileh eebuah fi dega bereh suuni kesa dulati suuni hediih. ² Amoh babala gara ifa hekaluh ah suuni hih hediini, malyenani hah dega takah jireena hid'akawina suuni iti kananeh. Isaleeni miiluma isanitih yaaneu sunumaani adoh k'uk'uloh ah geani adesa afurtamah lama tini. ³ Anileeni k'awih kinkih lama jaweena itih kanah isaleeni rhaagumah baasanih bulton elfuh tokah d'ibih lamah jata jatamatiini gara k'anaani guniah nekatanih. ⁴ K'awih ntuni mukih lamah kah zeitunih an yoh hirikisituh ibsan lama an tah dura Aaboh lafa ijajituh. Mala nam tokah ham tuh isaani tochah fed'u abadiini afaana isaanih kesah yaaeh amaleh deya nyaapia isaanih suuni lilikiimsah. ⁵ Nama tokuh kah ham tuh isaani tochah fed'u nama suuni hah duah ni maleh. ⁶ Dega k'awih ah nkuni jaweena kwani tah duumesa itisah sununi bokeeni hirowina wogah isaani rhaaguma baasanuh. Jaweena kawanih tah bisaana gagalachanuuni sunumaani iteu amaleh lafaa d'aanih ajiitih t'uut'umah mala isani fed'anuh. ⁷ Mala isaani adeefanoh isaanih leesanuuh, bineesa gara boola awantih ah tiini d'ufa suuni lola buusah isaani gula. Iniini isaani glapsateh amaleh isaani ijejesah. ⁸ Nafa isaani gara diibuh odoh guduyuh ah suni lafa ch'ich'iisah (kah sodamuh afi misrih yedanih wamaansuni) bereh Aboh isaani itih d'isanih suni. ⁹ Wagah bultoh sedih fi olmeh tokochah abotih anamah suuni, gosah ah, afaana isaani dewie lafa tiini nafa anamah dudue suuni ilalanih amaleh nafa suuni dibeh gara kaya arti arah itisanih. ¹⁰ Degah lafa nsuni teechuh higamadanih isaani gula afi amale jilfatanih sunumaani yooyah isaanumtiini wiliini galchanih malyenani rhaagah lamah suuni malsuh akuma aadah dega lafa nsuni teechu hansharsiteh. ¹¹ Amon wogah bultoh sedih ifi olmeh tokocha getunaani hara k'uk'uloh gara Waak'ah itih d'uptih amaleh isaani miiluma isaaniti kesah kakanah ijajanih. Sodah guduyuh n'ama d'egertih suuni itih d'uptih. ¹² Duuni k'oonk;oh degeani gara semah tiini wah ishiini yetuuni, " koya ah gara aranah kani" amaleh yaanih sunumaani gara sanmah dumesa kesa, ara nyaap'a isaanih isaani ilaluh. ¹³ Saa ni suni gecheeteh mumunuk'a lafah duduyuh iti itah amaleh jifuh tokochi tah kud'eenih tah odoh sunih lafa d'oochih. Anamah elfuh toibah hiijejesanih mumunuk'a lafah suni kesa sodah ni isaani isheentih amaleu Waak'a samah ah olfud'aani. ¹⁴ Eelah lamesah hah dawarteh ilalhih eelah sedeesah kuloh angafah d'uptih. ¹⁶ Duuni magundoh ilamah afurih kah barchuma hayuah ara tatau Waak'a dura ufamaani lafa ch'ich'iisaneh, aka fuula isaani lafa ilaluh, amaleh Waak'a dulataneh. ¹⁷ Wah isaani yedane " d'ud'ah sitih kaninah, Aboh Waak'ah, kah malsuu jiru, malyenani hah jaweena kenkeh duduyuh fed'eteh amaleh hah hayoma itih d'abdeh. ¹⁸ Dejoh hah dalanane, amoh dalansuh tenteh hah d'upte. Wagah hah d'upteh tah dega duduuteh adaawa d'akawanuh amaleh antih boojah tenteh rhaagah yooyah itih kanita, dega abadate, dega makah kenkeh sodateh, dega daansuma hikamne ifi amale dega dendeenchah. Amaleh wogah ni hah d'upte tah atih yakituh dega malsuh lafa yakituh ni.