Diigansa Yohaanah 10
1
Ana oojuh kesa malaika guduyuh samah kasah lafaati d'uptu d'erge. Duumesini ishih marse. Malsuni uleh ti matah ishiah ara jira. Fuula ishiah akuma aduh ah hangad'a. Miila isah wunih aka d'isah abida ati.
2
Iniini malsuni kitaawa dik'iyoh gogaa kah malsuni diigah k'au harkah k'awa. Iniini miila isah kah miidah maanya ara d'aawateh amaleh miilah isah kah bitaa lafa gogeechi ara d'aawate.
3
Iniini kee wunih tokooni kulise k'oonk'oh guduyuh ani, kuleesuh aka silah maandisuh neek'a ah. Mala iniininkulise, faafa toiba mandiite. Mandiisuh suni kesa dubih ana baranoh kafad'eeti kesa jira.
4
Ana malsuni dubih ana d'egeh suni bareesafi beh, amoh k'oonk'oh ni samah wah ishiini anaani yete, "D'osih kaayi wunih mandiisuh ni dubate!Himbareesini!"
5
Eegiah malaikah ana d'erge kah maanya afi lafa gogeechih ara ijetu harki isah kah miidah samah gula olfuud'eh,
6
amaleh wah iniini isa kah muumeh t'uut'umah jiruuni yed'e, kah samah afi wunih kesa jirtu t'uut'umah uume, kah lafa afi wunih t'uut'umah tah kesa jirtu, amaleh kah maanya afi wunih kesa jirtu t'uut'umah uuume- wunih iniini d'ek'eh dubatu d'ugah. Malaikah ni wah iniini yed'e d'uguma deewieh hinduwatuh wunih Waak'a ini kuteh hinuuma mid'aasa yed'e.
7
Mala wogah ni geeche tah malaikah toibeesah faagah isah d'oh, kutih Waak'a ah tah d'osih ah hink'it'eesani, akuma iniini duraanuh ergatuh isaatini yed'e, rhaagoleh isah.
8
Nama toko kah ana d'egeh samah kasah aanti dubate deewie aanti dubate. Wah iniini anaani yede, "Beenih d'ek'ih malaikah maanya afi lafa gogeechih ara ijetu tah kitaawa gogah k'abdu arah fuud'i."
9
Tanaani malaikah d'ek'eh amaleh kitaawa dik'iyoh gogaa aanti kani yed'eeni. Tanaani wah iniini anaani yed'e, " Fed'ed'ih nyaad'i. Afaani kenkeh kesa aka damah miyoochi, amoh garah kenkeh kesa hihad'oochi."
11
Ana malaikah kitaawa gogaa dik'iyoh arah fuud'eh nyaad'e. Afaani kinkih kesa himiyoochi aka damah amoh gara kesa hihad'oochi.
10
Nama samah kesah dubate wah anaani iniini yed'e, " Amaleh oduh Waak'a ah dubiani malte, gosa magaada ti, anamah ti, dega afaani aka magaadah dubatuuti, amaleh hayooleh ti."