¹ Deewie malaika sheneesah faagah dooche. Anileeni kee urjih samah arah d'niah ara buute derge. Urjih suni diijuh iti kanani tah gomarah ama gara gomarah boola awantiah. ² Ini kee diigeh gomarah boola awantiah suni, deewie k'ai furdah arani kasah yae gomarah suh kasah aka k'ai guduyuh abidih nanah. Aduh afi k'aasa hara tini dukani itaate k'ai gomorah kasah yae suniifi. ³ Kai suh kasah awaneesa ati kasah yae lafa ara, dewianih ududuh iti kanani tah aka k'aajibuh ah d'uniah ara. ⁴ Kaanih iti d'aamani buuyoh hi yakinih lafa tah arah yoh hinih magartuh buusani yoh muka, amoh dega t'uut'umah tah guwa Waak'a ah hink'amne adi fuula isaani arah. ⁵ Isaani dendeecha iti hinkanineh anamah suh ijeesah, amoh hinanaseesani adeesa shenih ini. Bobeh ishiah aka silah k'aajibuh anamah nyaateh yoh ishiini anamah ch'iniintu. ⁶ Guyah insuni yoh ini goh anamah ni duu barbadeh, amoh hi d'erguh. Duuah leh hinfed'ani, amoh isaani birah utalti ishiini. ⁷ Awaanesa ini suh aka silah farda magaada lolah ni shawaneesani matah isaani ara wunih aka silah goomfah tah k'aaaluh fakaatu dewie fuula isaanih akuma kah anamaah jira. ⁸ Sifansa isaanih aka kah nadeenih jira deewie ilkaani isaanih aka kah neek'ah jira. ⁹ Wunih aka wanteh ah k'awani aka wanteh sibiilah ginchah isaani ara yoh k'oonk'oh koola isaanih aka silah k'oonk'oh farda magadah ka h gaarih magada harkeseh lola gula bakatu fakaata. ¹⁰ Eegatih k'awani tah aka k'aajibuh ah anamah nyaatu, eegatih isaanih suuleh ni ududuh adeesa sheni anamah gaalgalchah k'abdi. ¹¹ Isaani hayuh k'wani kah isaani ara ijetu imileeni malaikah boola awantiah suni. Mak'ah isah gara Ebraniah Abaonih deewie kah Yunaniah mak'ah isa Apolioni yedanih waamani. ¹² Elah durah baiyah dawarte. Ilaali hirba suni, Gaalgaala lamah ti d'ufah deewie. ¹³ Malaika jaesah faagah isah d'eeh, deewie ana k'oonk'oh d'egeh tah gara gaafh d'akaacha baasih gudah tah k'aaluh ani ijarani tah fuula dura Waak'a ah jirtu. ¹⁴ K'oonk'oni waani ishini malaikah jaesah tah faagah k'abduni yete, " Gidid'isa malaikah afurani suni tah Galana guduyuh Efratiah suh arati hidaneh". ¹⁵ Malaika arfaani tah ama shawaneesani wogah sunuh maafi, guyah suniifi, adeesa suniifi, deewie gani sunifi, gidi d'iisaneh jifuh tokocha tah anamaa ijejesani. ¹⁶ Hedih miila marah tah dira fardah ara teechu malsa millionih diba lamah. ¹⁷ Anileeni hedih isaani d'egeh. Akiinukuh kah ana farda suh d'ergeeti ila tintih ksa yoh anamah ara tatau suuleh. Wanteh isaani ginchah ara diimtuh, hamtuh, bableenih guraacha, yoh magartuh aka okokaanih. Matah farda sunih matah neek'ah tini wili fakaata, deewie afaana isaanih ibidah ti kasah yah, k'ayah deewie kib'iritih. ¹⁸ Jifuh tokocha tah anamah sunih ijejesani ajitih sedeeni sunini, abida, k'ai ah, yoh kib'iritih ah kah ama afaana isaanih kasah yaau suni. ¹⁹ Malyenani jaweena farda sunih afaana isanih deewie eegeh isaanih keasa- egeeh isanih leeni bofa fakaatati, dewie matah isaani kah isaani anmah mad'esanu ni. ²⁰ Fiiit'a anamah, dega ama hi ijejesina suni ajitiah ni, ufa hi gaabineh huji isaani suni midaasanefi, akumsuleh hi lakimneh dulanoh babadaa ti yoh talaga k'aluah ti, fedah, maaldeah, dakaachah deewie mukah. Wumih dendeecha hi d'egereh, d'egeecheh, yoh hi ideemneh. ²¹ Ufa gabinsah leah hinjiranuh ijeechah isaani sunifi, direh isaamiah yoh, daaima isaani yoh dirbuh isaani tah hanah suniini.