¹ Suniifi aka nutini hujih Waak'a ah mid'aasnu hah naashud'ak'amne. Hirba nuh hinjacheinah. Nutini hahb hujih ch'eerah tah d'okatu dine. D'araani hiyaanuh, dubih Waak'a ah d'araani witi hindaruh. ² Woh nutiin tah d'ugaa mid'aasinu, ufa d'egersiisina gara anamah ti Waak'a dura. ³ Amoh woh oduh daansah tana d'osani, dega bede d'osani. Amoh Waak'a d'uniah tanah isaani balaase. ⁴ Tanaafi dendeanih ibsah jireena oduh daansah Kristoh hind'erganuh, kah Waak'a ani wilfaakatu. ⁵ Malyenani nutini ufa hiodeesinuh, amoh Kristoh Yeesuh aka Aaboh ah, amoh nutini aka ergatuh teesanih Yeesuh afi. ⁶ Malyenani Waak'a ini isa kah wah iniini yede, " Ibsah ani hih ibsiti dukana kesa." Iniileni hah ibse ona teena kesa, ibsah k'arumah tah gudina Waak'a ah kane Yeesuh Kristoh kesaani. ⁷ Amoh nutini hulteh dendeechah Waak'a ah okoteh kasah k'amna, suniifi taleh itaati aka jaweena guduyuh ni kah Waak'a ati amoh keenamuh. ⁸ Gara t'uut'umah hah ana k'uuk'ani amoh nuh hiinjemneh. Nuti hah hanshaare amoh oina ano hiduunuh. ⁹ Nutini hah nuh d'ipsani amoh nuh hinlakimneh. Hah nuh d'aanani amoh nuh hinleesineh. ¹⁰ Nutini guyah t'uut'umah nafa keena kesa duh Yeesuh baana, suniini d'egersiisani jwaeena Yeesuh ah nafa keena kesaati. ¹¹ Nuh kah jiru guyah t'uut'umah hah duh nuh kanani Yeesuh afi, suniini jireena nafa keena kasaati d'egersiisani. ¹² Ishih tanaafi, duutini hah hujih mid'aasite nuh kesa, amoh jireenni hujih mid'aasa isani kesa. ¹³ Amoh nutini haruma abdiah k'amna akuma ishih bareesani: "Ana hah abdad'e, amaleh suniifi dubad'e." Nuuleni hih abdana, amaleh hindubana. ¹⁴ Nuuleni himbeenya kah Aaboh Yeesuh kasah kaase nuuleh duh kasah nuh kaasa isaani wiliini. Nuulenbi himbeenya aka iniini isaniini wilti nuh jachaasu isa duraati. ¹⁵ Wunih t'uut'umah isaanifi itaati suniini, aka dada t'ilipsani anamah magaada gual, d'ud'ah gudaani iti daramti gudina Waak'a ati. ¹⁶ Suniifi aka nutini hujih Waak'a ah mid'aasnu hah naashud'ak'amne. Hirba nuh hinjacheinah. ¹⁷ Nutini hahb hujih ch'eerah tah d'okatu dine. D'araani hiyaanuh, dubih Waak'a ah d'araani witi hindaruh. ¹⁸ Woh nutiin tah d'ugaa mid'aasinu, ufa d'egersiisina gara anamah ti Waak'a dura.