¹ Hibenya yoh mina kena kah duniah yakanu, mina k'amna kah gara Waaka'a atih d'ufa. ² Mina harka himidansini mina mumeh k'au gara samah. ³ Akama feena wunih tah, malyenani yoh nutih ishih kayaani k'ula nuh hi derganu. ⁴ D'ugumah mala nutih mina kana kesa jiru, hiwawakina, uleena nuh ara kaayana. Aka k'ulah nuh kayaanu himfeenu. Amoh, waya hid'anoh feena. Malyenani wunih duh kesa jirtu wunih jirena k'abdu tih lik'imsa. ⁵ Nama nuh ishi tana gula nuh shwanese Waak'a kah hara nuti kane akuma namsa wunih d'uptuh. ⁶ Sunif guya tuutuma ufa jaweesa. Ufa k'aawad'a bira nutini waa jiru nafa kesa, bayah jira Aboh gula. ⁷ Nutini abdih anih yaana, wunih nutini d'egeruumuh. Tanafih jaweena k'amna. ⁸ Wayani nafa ara bayah yaana amale wari jira Aboh ani wulini. ⁹ Sunif ishih tana moma keena itatu, wora jiranuh yoh wora hinjiraatini, isa jelaachin. ¹⁰ Sunifu nutini dura barch'uma adaawa Kristo ah d'umna, suniini anamah tuuumah d'akawa kooda isah kah hiyih inniini mid'aase nafa isa kesa, yoh ishini daansah yoh hamtuh itatuh. ¹¹ Sunifi aka nutini sodah Aboh ah beenyu. anamah sosowana. Aka nuti jiru hid'egersiipti gara Waak'a. Gafiah gara kenekeeleh hid'egersiiti moma lenke kasaaleh. ¹² Isani hisosowanuh dewineh suniini aka d'uguma nuh degertani. Amoh nutini isaanti kanina wunih isaani nuh gula gamadanuni, suniini jalak'awinsa d'akabdani namna ufa olfuud'u wunih d'eg'ersiptu amoh wuni ona kesa jirtuumuh. ¹³ Yoh nutini moma kena kena kesa hinjireh, tah Waak'a ati. Amoh yoh nutini moma kena kesa jiru, ishintu isani gula. ¹⁴ Malyenani fed'ih Waak'a ah nuh rhujisiti, malyenani nutini d'ugah ishiah k'amna, aka nama toko anamah t'uut'uah afi duh suni, amaleh ishih suniifi anamah t'uut'uamh hah duduani. ¹⁵ Amaleh Kristoh ni anamah t'uut'umah afi due, suniini deg a jirtu suni deewanih ufiini hinjiirtinih. Urga ishiah, wah isah jiraatanuh kah dueh amaleh duh kasah kaasani. ¹⁶ Ishi tanfaafi, guya kanti d'awih anamah hih adaawina akka moma anamah tini akuma nuh durani leh Kristoh akana itifune. Amoh tentana anama hih adaawinuh aka kana deewineh. ¹⁷ Suniifi, kah Kristoh kesa jiru iniini umani hareesa. Wunih duraani ha dawarte. Ilaali, hah hareechih itaate. ¹⁸ Wunih ntuh t'ut'uuma gara Waak'a atih d'upti. Iniini hah nh wila d'ergerchiise Kristoh arani, amale hujih wild'egachiisah nuti kane. ¹⁹ Suniifi, Kristoh Waak'a kesa iniini lafa gula ufa k'wachiisa, deweh dirbu hatu isaani hiheduh isaani gula. Iniini hah aduh abdih wila k'wachiisah nuti kane. ²⁰ Suniifi hah nuh Kristoh fook'ane aka ara ijaajituh Kristoh ah akama Waak'a inih kadah nuh gula galchuh. Isani kad'anah aka Kristoh afi. "Waak'a gula ufa k'awach'iisah!". ²¹ Iniini Kristo sharaada kena toche napseh teenafi. Iniini kah takah napseh himid'asini. Tana nutih mid'aase suniini k'uk'ulina Waak'a d'ak'amanah isaafi.