¹ Farisə yəmpa, kpiɔl wan Yesu, nən antauŋ təkarə mara ka wal liin Serusalem ² Wa na ι waratənkəra nampar ka wa tʋkʋ wa kpɔnʋ na asɨma, ntɔlι se wa ta sankə wa nii. ³ (wontə rιna Farisə yəmpa na Siufə yəmpa pə tʋkʋ tʋnɔ ka wa ta sankə wa nii rəkpəsəkpəsə ; wa rʋkʋnə antauŋ akinɖa yəntə. ⁴ Farisə yəmpa kʋrnə ayʋkʋŋ tɔ wontə na wa pə tʋkʋ tʋtə ka wa ta se lem rəcərcər. Wιrtə wι təmpə wa lakə tə ntɔli kɔpən lalʋ na nantɨli, na tə tən ñι wι sə wa lalə na) ⁵ Farisə nən Təkarə mara wɔsə Yesu sə,"Arlapa nι ña waratənkəra ɖa shəshιampa kɔta, wontə rιna wa tʋkʋ wa kpɔnən ka wa ta sankə wa niinə?" ⁶ ι kal wa sə, "Tιkəra mι, Esaι a ka rιsə Ashia təntənə ka mι riɔ tʋfələm s'amatə wona na. Yəra mpa ham ñamtə na wa nιsə kəna. Ama wa hɔya calən-m tən. ⁷ Ñamtə ntə wa ham tə na, tə ci fala yəntə kəna, wontə rι na wa wʋlʋ ñastə ntə yəra laʋ-tə na,sə tə ci Ashia təntəntə. ⁸ ι kɨsʋ Ashia ñastə n'ι ñɔŋ yəra wampa wʋltə. ⁹ Yesu tasə wa sirʋ sə,"ι carʋ mι tι nι yekə Ashia ñastə ka leko nι rʋkʋn mι tətərnka mι kɔta. ¹⁰ Wontə rι na Moisə kal sə,"Ha n ci na n ɖi ka ñamtə,"Nən "woñi wʋtə tan sartə yəntə ka ι ci nawʋr ι ɖi rə na, ʋ wι tʋfələm ka tən sə səʋ ¹¹ Ama, mι wʋlʋ sə,'N nən yər kal ι ci nawʋr ι ri sə, "wontə ma sitə sə ma sən mι na tə ci kɔrpan, tə kʋtəfiɖə kli sə 'A cel tə Ashia', ¹² nə ι pə ha-ι nampʋ s-ι la ι ci nawʋr ι ri ka ntər nι sən wa. ¹³ Mι tətər mι wʋltə ntə ι wʋlʋtə tə yekə n'Ashia ñastə wʋsʋ fala. ι lakə ntər-ɔ kpatər ka tənɔ tə nʋsən-tə. ¹⁴ Yesu tasə yəra kpatər ɖə yaʋ nι kal sə," ι kιɔ nam mι tən n'ι nι sartə. ¹⁵ Ntər tan n'awɔranɖi ka tə tɨkə yər ta sə wɨrsə-ι. Ama wontə liin ι ta na, ntə wʋrsʋna-ι. ^{16 17} Yesu kampa nι kʋr yəra kpatər nι sι rιɔ tɔ wontə na, ι waratənkəra wɔsə'ι acantukur nɖə yəntə. ¹⁸ Yesu kal sə," ι wι rərə n-ι ι pə nιʋ ya? ι pə naa sə pa wontə wι awaranrə ka tə tɨkə yər ta ra pιsə sə wʋrsə'ι ya. ¹⁹ Tə ra pιsə tə sι ι ñamər ta, ama tə tɨkə ι litə ta tə tιsən ramɔ ta." Na tɨam mpɔna Yesu yepa sə tʋnasə ka sə tən ana sə tan asima nyarə k'Ashia yəsa ta. ²⁰ Yesu kal sə,"Wontə li na yər ñamər ta na, ntə lakə-na-ι n'ι pə kpəsʋ Ashia yəsa ta. ²¹ Wontə rι na, na yər ñamər tɔ na tansartə mɔsəm li.Mɔsəm mpə yekə-na nι yər lakə ayaɖətəñəntə. Mpə yekə-na n'ι mιlʋ, n'ι kʋ ι rana. ²² Mpə yekə-na n'ι cii ι rana yalaa, n'ι paa yəra, n'ι lakə ñan lakasə, na lɨan tι-lɨan tι,na falafala yəntə, n'awɨam. Mpə yekə na n'ιwʋtʋ tansartə yəntə ka ι rana rə, n'ι κpantʋ n'ι lakə wɔkətə yəntə. ²³ Tan sartə mɔsəm mpɔ pə tən liin yər ñamər tɔna, nən mpə yekə-na sə ι ra kpəsə Ashia yəsa ta." ²⁴ Yesu kʋr rən'ɔ wontə na, ι rι na Tir kɔrυ taa, n'ι sι rɔ nιnkar taa sə yər ra na s'ι kampa. ²⁵ Ama, ι ta pιsʋ s'ι mɛl, wontə rι na, yal nιr ka wι yalayo k'alʋʋ carʋ-ka, n'ι nιʋ Yesu yəntə ka wontə na, ι tənkə n'ι kɔn na ι rι, n' kur ι tι. ²⁶ N nɔɔn yal ñι ka ta ci Suifi tι, n'a ləl-ι Fenisi kɔre t'ɔ Siri kɔrʋ taa. ι kιr Yesu s'ι rʋn alʋʋ nk'ɔ ka taa. ²⁷ Yesu kal-ι sə: "Ɗʋkə -yeʋ wisə sə tʋ sə hɔ, wontə rι na, ʋ ta sar s'a sʋ wisə tʋtə n'acəl-tə hawisə.'' ²⁸ Ι wʋsən-ι sə: "Aci Səsι, tʋfələm kəna. Ama, wisə tʋkʋ n'ʋ tɛlʋ atι-ɔ wontə na, hawisə nsə wι tapər tι na, sə tιsʋ.'' ²⁹ Yesu kal-ι sə: "Na n wʋtɔ nka rι, kpem n tι. kɔhən alʋʋ nkʋ li n yalampio taa." ³⁰ Ι wʋsə ι tι səmpɔ wontə na, ι nɔɔn ι yo nka hənɗə kaɖʋ rι alʋʋ tem ka tɔ liʋ. ³¹ Yesu kʋr Tii kɔrʋ taa n'ι tənkə na sitɔŋ kɔrʋ taa n'ι wʋsə na kalile apʋ lem cal n' ι tal kɔrən hiiu taa. ³² A kɔn-ι rəntam nιr-ɔ ι nansəmər kuta, n'a κιr-ι sə ι rə ι niiŋ ka ka rι n'ι yeʋ ka niʋ nə ka wʋtə. ³³ Ɗən'ɔna, ι sʋ-ι,nι wa calən yəra akpiɗi, n'ι rə ι niiŋ ka yər ñι rəna ta, n'ι wusi mantalem n'ι tekən yər ñι nansəmər. ³⁴ Ι kpaasə ι ñιsa n'asεta, n'ι fiisi rəfa n'ι tam yər ñι sə: "Eefata.''Tə tι sə:" Ʋ təl n ɗι.'' ³⁵ Ʋ tənkə nι yər ñι rəna təl, n'ι nansəmər yeɗə, n-ι paasə wʋtʋʋ ka sartə. ³⁶ Yesu hɔsə -wa sə wa ra siir-tə yər-ɔ asiru. Ι ka siirʋ-wa sə wa ra wʋtə-tə nιr cal.Ama, wa wι wa hosʋ-tə kəna n'ʋ kəlʋ n'ʋ walʋ. ³⁷ Wontə ι laʋ-tə na, tə laʋ yəra ka rəyaʋ ka tən, nι wa siiru sə: "Wontə tən ι lakə tə na, tə yʋsʋ-ra n'ι lakə rərι rəntampa nιʋ n'awʋtasə wʋtʋ.''