¹ Ayʋkʋ-n ñι ta na, yəra kpatər tasə liʋ-nə wa tan-na wʋr-sə-wa tʋ. Yesu yaa ι waratənkəra n'ι kal wa sə, " ² Ʋ lakəm yəntʋ ka yəra mpa-rə, ayʋkʋn nɨtɨsə kahən wa wι ma cal nə wa tan wʋr sə wa tʋ. ³ N' ma yel wa sə wa rι wa kpem ka ta tʋm wʋr, ren ra tal- wa nampʋ ta. Wontə rι na wa kptər liin wolən." ⁴ ι waratənkəra pəsə-nι sə, " Ra naa lɔ tʋnɔ ka co tarə-nɖə ta sə ka tal yəra mpɔ wa tən?" ⁵ ι wɔsə wa sə,"ι wιn kpɔnən ka ŋmɔ?" Wa kal sə, "Nasɨnatɨsə." ⁶ Yesu kal s'a la nə yəra mpa cɔ atιɔ wa tən. ι sʋ kpɔnən n-ñɔ ñι nasɨnatɨsə n'ι wɔr Ashia nι wassə nι patə ñι nι cel ñι ι waratənkəra sə a tar yəra mpa. A tar wa wa tən. ⁷ N nɔɔn tɨmna yar wι cəkɔa, Yesu wɔr Ashia ka rə, nι waə ya rə, nι cel rərə sə a tar wa. ⁸ Wa tʋ wa tən n'ʋ tal-wa, nə tʋnɔ n'ka kasə na, a kpɔl ka ka sʋr suta nasɨnatɨsə rəptəptə. ⁹ Wompa ka tʋ wa na, wa wι kutukən nnιsa. Yesu yel wa sə wa rι. ¹⁰ ι tιr nι kpa kpɨlu ta ñən ι waratənkəra wa rι na Talmanɨta kɔrʋ ta. ¹¹ Nnə Farisə akpar ta yəmpa tənk wa kɔn nən wa fιsʋn Yesu. Wa ci sə wa tak'ι, nι kal'ι sə la hampatə lakasə nsər nʋ wʋl tʋfələm s'ι cəpatə li n'Ashia calɔna. ¹² Yesu tɨsə añʋ fisu nə kal-sə,"Arlapa wakɔ n'ka ñəmpa wɔsʋ hampatə marɔ ka ka liin ashia-ta? Ma kalʋ tʋfələm, a ra la hampatə marɔ n'kar sə wakɔ nka na. ¹³ ι kʋr wa cal nι kpa kpɨlu ta nə ι pəsən lιʋ wara. ¹⁴ ι waratənkəra shɨa wa ta sʋ kpɔnən. kʋɖʋmʋ rəcel ka wι na wa calɔ kpɨlu ta. ¹⁵ Yesu ha ι waratənkəra ka lɨan nι sirʋ wa sə," ι kotə mι tι ka sartə ka Farisə yəmpa na Erotə wa lakə mι lɨan ŋñɔ tιtι na." ¹⁷ Yesu waratənkəra mɔsʋ wa ta sə, "yaa ra ta sʋ kpɔnən ka wona ." ¹⁶ Yesu na tə wontə sə wa mɔsʋ kpɔnən ñəntə na, ι kal wa sə," Arlapa nι wι nι mɔsʋ mι ta s'ι tan kpɔnən? ι pə naa kɛ? ι pə niʋ ya? Mι ñama kpa ren kɛ?" ¹⁸ ι wιn yəsa, ι- ya- na- ka? ι wιn rəna, ι- ya- nι ka ? ι- ya tιsʋ rərɔ mι-ta ya? ¹⁹ Ma patə kpɔnən nɨaʋna ñιɔ yəra kutukən nɨaʋna rι na, ʋ kassə fakasə ka suta n'mɔ ι tιsa?" Wa kal sə, " Hiʋ nən naal." ²⁰ Ne ma patə nasɨnatɨsə ka wontɔ yəra kutukən nnιsa rə na, ι sʋr suta ka n'mɔ? Wa kal sə, " nasɨnatɨsə." ²¹ ι pə nιʋ rərə ya?" ²² Yesu na ι waratənkəra wa tal Pɛtəsaita kɔrʋ ta. A kan- ι yeləm nιr n'a kιrι s'ι tekən-ι. ²³ ι kpa yeləm ñι niin , n'ι hɔmι n'ι liin-ι na kɔrʋ nkʋ lekɔ rə. ι wʋsə mantatalem nι taa ι yəsa, ι wɔs'ι sə," N na wʋr ya?" ²⁴ Yeləm ñι kʋsə ι yəsa nι kal sə," Ma naa yəra. Ama wa wι sə tiin ñι walʋ." ²⁵ Yesu tasə nii rιʋ ka ι yəsa rə, nə ι yəsa kul, ʋ kanɖə ι rə, n'ι naa tətən ka rəyaya. ²⁶ Yesu rʋn'ι sə ι kpem ι tι, n'ι kal'ι rərə sə," Ɖa tasə kɔrʋ nkʋ tɔ wʋsʋʋ." ²⁷ Yesu na ι waratənkəra wa rι na Sesare Flilipə kɔrʋta kɔrsə ta. Wa wι nampʋ tɔ wontə na ι wɔsə ι waratənkəra mpa sə," Yəra kalʋ sə ma kι anɔ?" ²⁸ Wa cis'ι sə," Sanə Paptist. Nempar-sə 'Eli,' yaa Ashia təntəntə rɛsər nιr." ²⁹ ι wɔsə wa sə,"mι nι, ι kalʋ sə ma kι anɔ?" Na cisʋ ta, Pιɛr kal sə," N kι Krɨstu." ³⁰ Yesu kal wa sə wa ra kal yər ka akalʋ ka woñι ι kι ya na. ³¹ Yesu pasə nι wʋlʋ wa s'ʋ mɔna sə Yər Wo tʋ kʋñʋ ka kpatər ka Siufə yəmpa shəsh ɨampa, na kɔɔta lara, na təkarə mara nii ta, wa ka sə wa kɨsə ka n'akʋ ka, n'ayʋkʋn nitisə ñuŋ rə ka hom. ³² ι kal tə rəyamyam ka tən. Pιɛr hɔmι leko nι kɨsʋ n'ι tə. ³³ Ama, Yesu kɨsə nι ñəl ι waratənkəra fιnι ι kʋrnə Pιεr ka ren ka tən nι kal'ι sə,"Pəsə ma wara alʋ ña, n pə mɔsʋ Ashia yəntə rə, ama yəra yəntə rə. ³⁴ Ɖənɔ Yesu yaa yəra kpatər na ι awaratənkəra nι kal sə," N yər ci s'ι tənkə ma wara, ʋ mɔna s'ι kɨssə wontə ι tɛnʋ cii tə na, n'ι waa ι k'akantəmər n'ι tənkəm. ³⁵ Wontə rι na woñι ci s'ι təlsə ι fisu na, ι ka s'ι lesə kʋ, nι woñι lesʋ ι fisu ka ma rι na təntɨantə sartə yəntə rι na, ιka s'ι hiu kʋ. ³⁶ Ʋ tasʋ yər ka wɔ s'ι hiu tιtə rι seʋtə ka tə tən, n'ι lesə ι fisu. ³⁷ Ya ntər wι ka yər pιsʋ s'ι sʋ n'ι lɔsə na ι fisu na. ³⁸ Fιr kpa woñɔ ma rə nən ma təntəntə rə ka ayara na awarkasə lara yəmpa wakɔ nka ta, fιr ka sə rə kpa Yər Wo ka ι rιɔ ka kʋ sə ka kɔn ka ci wurtə tɔ wontə na, na tirəra sartə yəmpa."