¹ Yesʋ kʋrə awɔnrə ta nι pəsə ι tətər ι cɔrʋ ta nι waratənkəra tənkι. ² Fisətə ayʋkʋ kɔmpa kʋ tal wontə na ι wʋlʋ wa Ashia tɨam akpolʋ nampu ta. Wompa tən ka kokʋ nι na, ʋ la wa rəyaʋ. nə wa kalʋ sə, lɔ ι li wʋltə ntə rə? nə lian woñɔ Ashia ha ι ñι? nən hanpatə lakasə nsə linι ni ta? ³ Ʋ ta ci ten sar kəna, Mari wo na, ya Sak, Sose, yuta, nən Simɔŋ ral ya? ι κɔna, tanə ra hɨkʋ tɔ cena? ʋ tiarnə wa Yesʋ rə. ⁴ Yesʋ kal wa sə a ka tisu Ashia n'tiantə rəsər rɔ ι tι, ya ι riɔ yəmpa hiakʋ ta. Νən ι tətər ι rio ta yəmpa. ⁵ Nə ι ta pιsə s'ι la hampatə lakasə, ʋ ta ci ι rι ι ni ka kʋtəm cina cəkal-wa rə nι kanɗə wa. ⁶ Ʋ la-ι rəyaʋ ka wona-na watɨsʋ na rə .N'ι kalʋ wa kɔrən cənkun ta n'ι wʋlʋ wʋlətə. ⁷ Ι γα ι waratənkəra ka wa hiu nən wa naʋl, ka naʋl, naʋl, n'ι ha-wa ren ka tasarəmə fisən rə, ⁸ nι kal wa sə, wara sʋ, wʋrə sə wa rʋkʋna, ka wa nampʋ walʋ ta, ama kparʋ rəcəl,wara sʋ tʋnɔ rərə nən fartə huru, ya warasə ka wa hurɨnə ta. ⁹ ama wa si nahəntina,nə wara kpɔsə tekən ka nιl. ¹⁰ Ι κal wa sə nən ι sι riɔ nənkar ta, Ιι cɔ rəna, nʋsιnə mι kpem. ¹¹ Nə ι tal ril n'ata mʋmι, Ya ta nιnə mι, ι kʋrə rəna n'ι kpisə mι nasə ta tιtə,nə wa nasə ʋtamɔ mι. ¹³ Wa li wa hosə sə yəra lɔsə wa lakasə. ¹² Wa rʋnə fisən tasarəm ka kpatərə, wa pərə nɨm ka kʋtəmən cina rə wa kanɖə wa. ¹⁴ Nə wuro Herotə nι tə.Wontə rə na Yesu yərə ka kantə rilantən. namparə kal sə Sanŋ Paptɨs kʋrna asəra ta, n'ι lakə hampatə lakəsə. ¹⁵ M-parə kal sə ι ci Eli kəna, nampar sə Ashia tiam rιsərə kəna sə antɔŋ Ashia tiam rιsəra. ¹⁶ Herotə kʋr nι κasə, ''Sanŋ ñι ma pial ι ñuŋ na ι lia. '' ¹⁷ Wontə rə na Herotə tətənka ka tɨrna nakpa Sanŋ na rʋι sarka ka ι ral Filip yal Herotias nι ι κɔnι na ι rə. ¹⁸ Wontə rə na, sanə ka kal Herotə sə. ''ʋ ta han nampʋ s'ən mʋ n larl yal. ¹⁹ Herotias mɔmɔ ka ciwa sə ι kʋ Sanə nə ya pιsʋ. ²⁰ N nɔɔn Herotə ñɔŋ Sanə, nɔɔn ya səmpa sə'ι ci rəyuyu tι, n'ι ci wa s'ι ləs-ι.Wontə rə na Sanə wʋtʋ ka wι rənrə tɔ lələn.Ama ayʋkʋ n ənkʋr kɔn kʋ tal, nə Herotias pιs wa s 'ιla wontə mɔι na. ²¹ Herotə kompa nι tʋkʋ ι lələtə ayʋkʋ tinkar nən ι cal cɔra, tιtə ta səsiampa nən ι sʋcana nən Kalile səsiampa ka ran rə sə wa tʋ tɨnkar. ²² Herotias wiliyɔ li ka wa na, ʋ la Herotə ka lənlən, nən wompa ka wι ι cal ka kpəlɔ rə wa təkʋ tʋnɔ na. Wuro kal yaləmpiɔ sə wasəm wontə tən n' c i na ma cəlʋn tə. ²³ ι rι nɔ sə, " wontə ən wɔsəm na, ma cəlʋn tə, pa ma wurtə fɔlʋ." ²⁴ Ka li awarənrə ka wɔsə ka ri sə,"ma wɔsə ι wɔ?" ι kali sə, "wɔsə Sanə Paptisə ñuŋ". ²⁵ Ka she ka pəsə wuro cal ka kal'ι sə, "Ma ci s'ən ham Sanə Paptis ñuŋ ka akpaa tɔ kɔnkɔnhən." ²⁶ Ʋ la wuro tɔ sə ka a na səmpə ka ta rι nɔ ka ka rι ya na, ama, sə wona ι ha nɔ na sə " pa wontə ən wɔsa na ma cəlʋn tə" na rərɔ wompa ka cɔ ka cal na, ²⁷ ka tɨr sʋca nιrɔ wompa ka wι wa honə ι rι na sə wal nι kɔnι Sanə ñuŋ. Sʋca ñι wal sarka ta nι pial Sanə ñuŋ. ²⁸ ι kɔne ñuŋ kɔ ι rə kʋ akpa talɔ ta nι cəl yalampiɔ, ka sʋ ka cəl ka ri. ²⁹ Sanə waratənkəra nι tə səmpɔ wontə na, wa wal wa yimι. ³⁰ Apotrə na kpol wa kotə Yesu, wa kalι wontə tən wa lapa nən wontə wa wʋla na. ³¹ ι kal wa sə,"ι kɔn ra li wɔr tɔ ra rəcel nə rafisə." Wontə rə na, yəra kpatrə ka kʋn wa li, n'ʋ pə ha wa alwatə sə wa fisə, pa sə wa tʋ tʋnɔ. ³² Wa kpa kpɨlʋ ta wa rιnə rilɔ wa rəcel ka awʋlɔ ta. ³³ Ama, yəra kptər ka na wa rιʋ, nə wa səmwa. Wa se nasə na rilantən nə wa tal finι Yesu na ι waratənkəra wa tal. ³⁴ Yesu li lιʋ nɔ ka wontə na ι na yəra ka wa tιnə kpatər; ʋ lai kʋñʋŋ, wontə rə na wa wι sə mɛsin ñι tan rikər na. Nι pasə nι wʋlʋ wa wʋltə ka kpatər. ³⁵ Alwatə kɔmpa tə rι tən ka wontə na, ι wawatənkəra tisə wa kpenι wa kalι sə, " Ra wι ñιtə tɔ na ce, nə alwatə tən rιʋ. ³⁶ Yel yəra mpa nə wa wal kɔrsə ənsə ta calən ce na nə wa ya wʋr ka wa tətər nə wa tu." ³⁷ ι cisən wa sə,"Mι tətər, ι cel wa wʋr nə wa tu." Nə wa kalι sə, "Ra wal ra ya tʋnɔ ka ansara arəfa naʋl nə ra cel wa tʋ ya?" ³⁸ ι kal wa sə, " ι wι na kpɔnən ka ŋmɔ? ι wa nι na." Wa ñel wontə na wa ka sə, " nιaʋna,nən timna ka naal." ³⁹ Yesu ha nɔ sə yəra mpa wa tən wa cɔ akpar akpar ka ñιtə ntə ta wʋl na tə rə. ⁴⁰ Nə wa cɔ atιɔ akpaya, rilɔ arfa, rilɔ hiin nιaʋna. ⁴¹ Nι sʋ wontɔ kpɔnən ñɔ ñι nιaʋna nən timna nyɔ ya naal, ι ñəl n'ashiata, ι wasə pkɔnən ñι rə, nι patə nι cel ι waratənkəra sə wa tar yəra kpatər ŋɖə. Tɨmna nyɔ ya naal, wa tar ya rərə ka yəra mpɔ wa tən. ⁴² Wa tən ka tʋa kaka nʋ mɔ wa. ⁴³ Nə wa tιsə kpɔnən fakasə nsə kasa na nʋ sur rəkʋn hiu nən nιl, na rərə ka timna fakasə. ⁴⁴ Wompa ka tʋa na n nɔɔn wa wιι yəra ka kʋtʋkʋn nιaʋna. ⁴⁵ ι tənk nι yel ι waratənkra kpa kpɨlʋ ta nə wa tɨal ι yəsa ta nə wa tιasə lιʋ warɔ Petəsayita hɔlʋ rə, n nɔɔn ι mɔmɔ ι yekə sə yəra kpatər ñι yasə. ⁴⁶ Wa rιya n'ʋkpər wontə na Yesu kpa wʋŋ rə sə ι sι Αshia. ⁴⁷ Ʋ ranə wontə na, n nɔɔn kpɨlu wι lιʋ hiakʋ ta n nñι rəcel ι wι awarənɖə. ⁴⁸ Nι na sə wa wι wa lʋkʋ na lem akʋta, wontə rə Na ahɨlɨm ka fiatʋ-wa pə kʋn na wa rə. Ʋ ñʋtən tanta homa kawontə na, ι walʋ liʋ lem rə n'ι kʋn wa rə, nι ciwa sə rι wa rə. ⁴⁹ Ama wa kompa wa na'ι ka ι walʋ liʋ lem rɔ wontə na, wa hʋsə awʋsι kəna, nə wa ko ren ka tən. ⁵⁰ Wontə rə na wa tən wa na'ι nafattə kpa wa tən. Ama, ι tənk nι kal wa sə,"! ιkɨsə mι tι. Mɔ na, Nafatə ra kpa mι." ⁵¹ Nι kpa kpɨlu tɔ wa cal n'ahɨlɨm tənkə pə sənɖə; Ʋ la wa tən ka reyaʋ ka ι rə. ⁵² Wontə rə na wa ka ta nι kpɔnən ñι yəntə; wa mɔsəm ka wι atɛrιpə sə wa pιpsə wa nι. ⁵³ Wa kɔn wa tɨasə liʋ, wa hʋa kpɨlu,wa wal Senesarɛtə tιtə ta. ⁵⁴ Wa kʋ wa li kpɨlu tɔ wontə na, yəra kpatər tənkə wa sən sə Yesu kəna. ⁵⁵ Yəra pasə sheʋ ka rɨlantən nə wa kʋnə kʋtəmən cina wa hιsʋ wa nampən nιsə ka pa awanɖə ta wa nι sə ι walʋ wa na ⁵⁶ Pa taya ta, ya kɔrsə ta, ya kɔrən, pa awɔrənɖə ta ι talʋ na, a sι kʋtəmən cina ka senkən ta, n'akιrʋι sə yel wa tekən ι tɨaku nɔ kəna atekənʋ, nə yəra kpatər mpa tekʋn ι na wa huku kanɖə tə