⁵ nébé ndé wanba beyi yébébé kisé se ngundu, fufulé sedzé we se mekulu me beyi wayu ye dzé kunvu yibj se bangu.» ⁶ we bangu betsé se mémbuka, tanda misisili mivé nu lungisé Bantu. ⁷ yéné Hérode Tétrarque bedzi Yuka me sutiki, ni yedji yénéki ubi boko bedjiki ne tanda ati: Jan baptiste agnusé se bitidzi, ⁸ boko ati Elie afula neboko ati, bibutu bekalé bié dzadza Nzambi, moko aya vitsé se libiku. ⁹ Hérode ati: «mé buma Jan, wayu wangu wayu ne dza wami ki yika me manvu?» ye Hérode fumbiki bawa ki yéné Zézu. ¹⁰ Yé bedzi lumiki beya vitsé, bangu batanda mési me bangu bepika. ba boko wangu baneba batsé ngundu wébeki banga bethsaïda. ¹¹ we batu be Yuma vavu yé be binga wangu ; yedzi éyaba bangu né wowé ne bangu manvu me ukani ve Nzambi ; yédzi lungiseri betiki nefuba lunga. ¹² Beyéné pidzi yakiya we be ikuné bolo beya nédzi ati : « vutisè batuba yayu betsé se me mbuka nu kobisé ndaku ne Vila, bébé bédzi se kanié.» ¹³ yédzi etanda bangu ati: « beyi, kabayi Bangu Vila biodza». bangu ati: «besu pémbé nitani ne beswi bolé, tiyadzé vavu besu bedzé suba bila bié batu besi.» ¹⁴ bangu bédziki mebaka mikama némi kama yédzi etanda ne be dzandzi bedzi: sudusaye bangu ukuka uhun me kumatani. ¹⁵ bapika vavu we batu besi basunda utiti. ¹⁶ yédzi eboko pémbé itani yayu ne bswi be bolé atumbidzé misa ikulu, ne bondo atitaké biliyi ne kaba ne be dzandzi bedzi nu kabaka bangu. ¹⁷ bangu badza bayula bési ne biliyi bievuka batoloko bia lundisé mé mbélé ikunemolé. ¹⁸ Yayu ndili yédzi ki bondo waméné ya udzé, yayu bédzandzi be ndziki nedzi wedzi sumuliki bangu ati: «bangu beyiti batanda niyi sémé?» ¹⁹ ye bangu be wakué ati: «Jan Baptiste ne boko ati Elie, ne boko ati: udzandzi we Nzambi wé sudzi wekala we gnusé. ^{22 20} yédzi tandiki bangu ati: «wa beyi ati meni dza» Pierre ati: «wéni le krist wéki yinga kuélé yé Nzambi.» ²¹ asikisé bangu ndé tanda ne mutu ne mwana we mutu kitsé yéné membaba me manvume yitsi ne upadza nébé vandi bebumaké bindovéné nébé Scribes, yayu betsé buma wangu ni vusa ve usatu atséya vutsé sé libiku. ²³ yédzi tandiki ne bangu besi: to mutu afuba binga me, asuma waméné, aboko koko yédzi masi mési abinga mé. ²⁴ pakesi mutu wéki tsé fumba bata libiku lédzi atsé niongisé, ni wéki tsé niongisé utina nami atsé bata. ²⁵ ndé ngoné né mutu nuniongisé libingu nubomo ilongo, tatsé niongisé libingu. ²⁶ pakesi mutu weki yéné soni yani ne muhi Mani, muna ye mutu atsé yéné soni yetse ndili yédzi kitséwa se likuma lédzine likuma lé tata ne lébé bange. ²⁷ me tanda beyi ubu, yéné boto bedzi sebeyi wa, bendé se ngua ndé yéné ukani ve Nzambi.» ²⁸ Me udzé ni masi mwambi we Zézu tandiki manvu many, aboko Pierre, Jan, ne Jacques we bédzé sé kudzi bondo Nzambi. ²⁹ yédzi dziki ne bondo bané, Busu va yikuéné ne ukanda gnua yikué fuhu we fuhu. ³⁰ yedza ne mé baka molé médzé né wowe nédzi, yedza ni Moïse he Elie, ³¹ baya sé djuhun ye ukani, bawowé dzé ubukué mudzi dziki akitsé pika Jerusalem. ³² Ndili yayu, Pierre he bedziki wayu badzila ne be mbula. no we Bantu be gnusiki bayéné ukani vedzi névé Bantu bolé bédziki banenedzi. ³³ bé lawé ne Zezu, Pierre ayinga nédzi ati: «kuhun, bébé bedzi uvé nudza uwa. bébé bétuka me badza mésatu. badza mbotu yowé , mbotu yé Moïse, mbotu yé Elie.» ³⁴ yédzi dziki ne yowe, nuétsitsi was dzuba Bangu, Bantu bayéné bongo yé nuétsitsi mié dzédzé ba. ³⁵ dzuhi dza pula se nuétsitsi ati: «ayuni mwana wami étobo. ³⁶ ye dzuhi dzé lohun, Zezu adziki waméné. bangu bédzikito masi mani, bangu baké tanda mutu mesi me bangu béyéné. ³⁷ vasu ve bingiki va udzé, wéba be sunda kudzi, ukuka uhun bangu béyiti mwawa kuégné nédzi. ³⁸ yéné, mutu motu we dziki sé ukuka awula usima: «kuhun, kolokolo yowé waya mwana wami we itika. ³⁹ yéné, mikuku mia kuata wanga tsahan yédzi wula usima; we pika wangu ninda tika yé mewudzuku meki pula sé undzunvu. ukuku uhun pula ne undilu, avuné wangu yedji puliki. ⁴⁰ ma bondoko me dzandzi Bowé me padza bangu baké tuka.» ^{42 41} Zézu a yikulé bangu ati : «ulima udili ne manvu mebi, metséndza nébéyi ni mendilu méwi ne tilabeyi ? yaka ne mwana wowé wia.» 42 ye mwana dziki néya, ye umbiti uhun isiki wangu sina nu ningisé wangu ne singa. we Zezu bamuliki umbiti mwana ye ibaka alugué né kaba wangu kuélé yétata. ⁴³ bangu be kima umé vé nzambi. bangu beyéné uvé ne manvu mesi médzi piki, wangu standa nébé dzandza bédzi: ⁴⁴ «manvu mamu me dzilé sé kati yé meluhi me beyi mwana we mutu bésé sumbisé sé méboko mebatu.» bangu baké yuké médzuhi dzé fumba tanda, bangu bédziki misapi toko ba yuka. bangu bedzé ne boko ne ukaba wangu udzuti sé ndzanvu tsé dzuhi. ^{45 46} we wowé dzéwa tima yeba ne yiba butu nindza. ⁴⁷ Zézu ayimbiki metimi me mulima mié bangu, aboko mwana uté adzika koné yédzi, ⁴⁸ yédzi tandiki bangu ati : «wé ki yamba mwana uté né kuvu yami, wangu ayamba mè, ni yeki yamba mè, wangu a yamba séwé lumamé. wedzi mwana uté sé bèbè , wangu ni butu.» ⁴⁹ Jan yakué ati: "kuhun besu bayéné batu beki padza mimbiti ne kunvu yowé yé besu baké Sumba nedji ndé binga wé". ⁵⁰ ye Zezu tandiki. ati: "beyi bé Sumba, yé ndé. Mbéle né béyi adzini yé béyi." ⁵¹ yé masi médzi ki se ikolu médziki maki udzé, yédzi bokiki mekana nétsé Jerusalem. ⁵² yedji lumiki betuma busu yé bangu bétiki badzilé sé mbuka ye Samaritain ne uyebisé buma yédzi. ⁵³ batu bé yayu baké yamba wangu. wangu édzé ni kuélé yé Jerusalem. ⁵⁴ we Jacques ne Jan béyiki yé bangu be tanda ati: «kuhun, we tondo yeti bésu bé bangs unian uhun tsala?» ⁵⁵ yédzi yikuéné kuélé yébangu nu bamulé bangu. ⁵⁶ Wé bangu bétémé yayu netsé se mbuka mboko. ⁵⁷ bangu bedzé nédzé, mutu atanda wangu ati : « métsé binga wé kuélé yowé kitsé.» ⁵⁸ Zezu ati: «be mbakué béné mébunga ne bé niodzi bé ikuli béné mé ndaku ni mwana we mutu ndé buma yédzi kidzika mulu.» ⁵⁹ yedzi tandiki wangu ati: «tika bitindziti bié sodzé bitindzi bié bangu, niwé tsé tanda likuma lé Nzambi. ⁶⁰ yédzi tandiki ne moko mutu: «binga mé.» awayu ati: «kuhun tika maketsé sodze tata wami. ⁶¹ moko mutu ati: «metsé binga wé kuhun, netika maké tsé lakana nébé ndaku yami.» ⁶² Zézu nédzi ati: «ndé mutu wé somo boko se néni yébé ngombo beyi wolo away a mbisa, ndé tuka dzilé ilongo dzé Nzambi.»