¹ ma unzé vé Zézu ébondoko ibuma yotu. un bingui wédzi motu at: « lakisé bésu nda béki bondoko nda vé dza élakisé bébingj bedzi.» ² vébéyi béki bondoko, tanda ayi : "tata, kunvu yowé yadzé tsélili. ukani vowé véya. ³ kaba bésu lipémbé masi. ⁴ vunaka béu bisongi bié bésu, nda bésu bé Kivuna batu béki bika bésu. wéndé bapa bésu sé manvu mébi.» ⁵ Zézu atanda Bantu ati : dza wé tima yébéyi adzé numbabatsi, étsé unlima wuhun pindzi, pési yédzé ati: " kama! bikise mé biliyi bié pémbé bisatu, ⁶ humbati wani motu améya si tsahan, ni méndé yila yukaba wangu. ⁷ ye we dzi sé kati , éyikulé ati: dzika gnusilémé . kutséyédzi ni wudzuba, bésu né bâ sé mé laka. me ndé tuka télimé nuyé kaba wé pémbé. ⁸ me tanda beyi ; dza kéné adzé ndé télimé nukaba béyi pémbé utsina né umbatsi vébéyi, ni utsina né unkomo wébéyi, atsé télimé nukaba beyi limiku lébiliyi bié béyi béki fumba.» ⁹ Me tanda beyi sé: «suhunlayi besinga kaba béyi; fumbayi beyi bétsi kobisé; dzumidzayi bétsé dzuvilé. ¹⁰ ya mutu wesi wéki suhunlé a bomo; né mutu wé qui fumba akobisé; né mutu wé qui dzumidzé bé dzuvulé. ¹¹ tata ni wowi tima béyi, wé mwana ta suhunlé swi akaba watadzi ibuma yéswi? ¹² tivavu to asuhunlé ibi, akaba wangu ndzinga? ¹³ ni béyi bédzi né kanvé béyiba nda bikikaba bana bé béyi binéni bié ngulu, yanga nami wé tata wédzi ikilu atsé kaba ududumasati yédzi nébé kisuhunlé wa?» ¹⁴ kalakala, Zézu abingité umbiti uhun dzé tsina. Vé umbiti wuhun pula, tsina ya wowé. batu bakima. ¹⁵ ni boko bé tanda: «wangu abingité umbiti ni né singa yé Béelzébul, kuhun wé mimbiti. ¹⁶ boko bémama nebé suhunlé wangu ndinvu yéki yinga ikulu. ¹⁷ ni Zézu éyiba mitsiminili ya stands ati: «ilongo dzé pésivé dza méné dza biwé, nindaka yé pésivé yaméné yé nawun. ¹⁸ ni dzable ta pésivé wangu méné, wangu adila nivi? ¹⁹ tima abingité mimbiti né Béelzebul, nibé bingi bé béyi bé pandza niné dza? utina né vavu, ba bétsédzé bépami bé béyi. ²⁰ niti ma pandza mimbiti né unlénvu wé Nzambi, ya ilongo dzé Nzambi dzaya béyi. ²¹ sudzi yé mutu wé singa dziné mé nzadzé abata ndatu yédzi méné, untanvu wédzi ni sé ibula dzivé . ²² Nimutu wé takué singa atuka wangu, mutu we takué singa, mutu wé takwé singa a boko wangu médzadzé ayiba ibuma. ²³ mutu wé ndé nami adzi né mbéleyami, ni ndé kukusé nami ni untsali. ²⁴ audziyé umbiti wibi wé pula sé mutu, yédzi kitsé sé bibuma bié ikagné nu fumba idjundu to akedzé ndé kobisé, yédzi ki tanda ati: " me sunge vutsé sé ndaku yami pula." ²⁵ tuvutsé akobisé ndaku bakombo yéya tsélélé. ²⁶ yavavu, yédziki tsé boko mimbiti mioko ustsami mié takué wa singa ya baya gnindzilé nudzé. ya unsunvu wédzi wuhun tsahan wa takué wé kala ubi. ²⁷ wangu éwundzé, nda védzi éwowéké, mwatu motu étumbidzé dzuyi sé unkuka ya atanda ati : «livé lé moyi wuhun bapa wéné ibelé dzowégnanga.» ²⁸ ni wangu ati: livé nilé mutu wéki yuka mbadzi yé Nzambi yaba bata.» ²⁹ nda vé batu be kukéné, atanda ati: «batu bé ndiliyi bédzi ni batu bébi Bantu bé fumba ni dziki, Bangu bé fumba ndziki, dzakéné ndé tsé kaba ndiki, ndziki yési siyé Jonaz. ³⁰ ya, unsunvu wé Jonas éyikué ndziki nébé Ninivite, yasé, mwana mutu atsé dzé ni ndziki sé batu bé ndiliyi. ³¹ mwadzi Mani a tsé télimé vusa vé umpani ni batu bé ndiliyi nu sumo ba mingenéngé, ya wangu aya sé mesungulu mési mésendzé nuyuka ukani né Salomon, ways ye dziwa né mutu wéki takué Salomon ubutu. ³² batu bé Ninive bétsé télimé vusa vé umpami né Batu bé ndiliyi yébé kitsé soma ba mingénéngé, yé ba béyikuéné sé mbadzi yé Jonas, wangu yédzi wané mutu wé takué Jonas ubutu. ³³ ndé mutu wé Tamana takisé lapi a somo sé ibuma yé yututu tivavu sé lungs, nisé buma ya batu gnindzilé bayéné kwalala. ³⁴ dzika dzowé ni lapi légnulu. dzika dzowé tidzadzé uvé, gnulu yowé yedzi nisé yututu. ³⁵ pika kébé, ne unyalala wé dzinowé took wa yikué yututu. ³⁶ ya ni gnuluyowé yési tiya dzé sé unyalala ndé biliyi sé yututu, yagnulu yowé yési yédzé ninda lapi leki kanvé sé gnulu yowé yési» ³⁷ bédzi émana nu wowi a bangs wanu yadza sé ndaku yédzi. ye Zézu ignindzilé yébita tavulu. ³⁸ yé Pharisien ékima bédzi asuaka méboko nu banda dza. ³⁹ Ni kuhun atanda ati: «beyi bé Pharisien béyi bé suaka bi supli nébi pelé ni mbadzi, ni béyi bédzi sé kati né tsési yé bomo. ⁴⁰ béyi batu bé bidzilé, wé pika mbadzi kasiwé pika sé kati? ⁴¹ kabayi batu buwuvuvu bié sé kati, ya manvu mesi maki tsé dzéya si tsélélé né béyi. ⁴² Ndoko yé béyi bé Pharisien , né béyi nde kaba ikavu dzé Nzambi dzé Nzambi dzé Menthe, dzé péyi nédzé binvu bié bibiti, ni béyi ndé somo unlima né umpami bana itondo dzé Nzambi yi dzi ni uvé nu landa télé nutondo Nzambi, ndé dzumbisé nu pika manvu moko sé. ⁴³ Ndoko ébeyi bé Pharisien, né béyi bé kitondo dzé si sé bibuma bié libusu sé ndakué Nzambi nu yunvusé béyi sé buma bié batu bésu. ⁴⁴ Ndokoébeyi , né béyi bédzé nda mesongo mé ndé ndziki mé batu bésu bé tanda sé ma.» ⁴⁵ yé kuhun motu wé bitsila bié bé Zuif atanda ati: «kuhun, mowé ki wowé mamu wé tukénè wani bésu.» ⁴⁶ Ndokébéyi, bekaba bokomitètè miè udzulu nu bapa, ni béyi ndé né tuka né bétumé né unlènvu untété mènè. ⁴⁷ Ndokoyé béyi, né béyi béki tunga bè sè mèsongo mèbè wowi mé manvu mè Nzambi, ni tuhu bé buma ba nibè koko bè bèyi? ⁴⁸ yayu, beyi bédzi mé ndaku sé mèsongo né béyi bè yakwè manvu mèbè koko bè béyi, ya umbu babé buma bé wowi bè manvu mè Nzambi bèyi bèbeyi bé ki tungisé mé ndaku sé mesongo. ⁴⁹ utsina nevavu sé , ukani vé Nzambi vè tanda ati: "metsè Lumaka boko Tina ba. ⁵⁰ yayu, batu bèndiyi bètsè bapa unsu wé wowi bè manvu mè Nzambi wuhun suhuvé ulavè ilongo dzé banda, ⁵¹ né unsu mwabel ndzi nunsu wé zakarie, wébè buma tima.......é, mé tanda béyi, batu bé ndiliyi bètsè sè unkwaka. ⁵² Ndokébéyi béki lakisè bitsila bié bè Zuif, né béyi bè temisè sapi yè iyiba ; beyi ndè gnindzilè béyi mènè yé béyi béki sumba boko nu gnindzilè.» ⁵³ vé Zézu épula wawu, bè Scribe nébé Pharisien bè suna nu wowé nèdzi utsina ne manvu mè yitsi. ⁵⁴ nu mikisè nu dèndè wa unlavu ne manvu nédzi mènè mèdziki wowé.