¹ Zesus aunze,ndilu ye unkuka we somo wangu tima ne tima nu yuka mbandzi ye Nzambi.Adza unkolo we dzanga dze Genesareth. ² Wangu ayenè membungu mole unkolo we dzanga. ³ Belobi ba sunda, basuaka bikohon bie bangu. Zesus abita se mbungu mbotu ye Simon,ne tanda wangu ne ulawe ne ngulu,yedzi edza untsitsi se mbungu. ⁴ Wangu amana wowe,yedzi tanda ne Simon ati: « tsidene tima ye unsulu, beyi beyisa bikohon.» ⁵ Simon akalulè wangu ati: «kumu,besu badzandza pindzi yesi, ni besu bake buma beswi,ni nda wa tanda, metse vele some bikohon.» ⁶ Bangu bapika vavu, ye bangu be kuata beswi uyitsi, ne bikohon bia gnasuve. ⁷ Bangu batsengise be mbatsi bè mbungu mboko ne wuye kaba boko meboko;babu baya kobise ba, balundise membungu mesini mole ti ne yangu ye gnidzile se mangu. ⁸ Ye Simon Pierri eyene vavu,wangu atse kua se mekulu me Zesus atanda ati: lawe nami,meni mutu we manvu manvu mebi. ⁹ Bantu nè batu bedza kone dzi bakima be swi be bangu be buma. ¹⁰ Bane Jaki, ne Zan mwana we Zebedee, balobo kone Simon. Ye Zesus etanda ne Simon ati: «We nde yene bongo,ni me the pika we unlobi we batu.» ¹¹ Ndilu ye bangu be dzika membungu unkolo,ne Vila biesi,bangu babinga wangu. ¹³ Wangu atse se nundu yotu yedza ne mutu wi saba ne fima. Wangu ayene Zesus, akua busu ne sina,yedze bondo ati : «kumu, to wa tondo, we vaneke dzika me tselele.» ¹² Ye Zesus esinvulè book,akuata wangu, atanda ati: «metondo,dze tselelè.» Yasi fima ya teme wangu. ¹⁴ Zesus ati we nde tanda memesuta ne batu,tseke lama gnulu ne mipèlè,ya we kaba Nzambi ila nedzi medzika we tselelè ya yedza kunvù yowe ne bangu. ¹⁵ Ba wowe wangu uyitsi,batu beyitsi bakune nu yuka wangu, ne nu lunguè se mebedzu meba. ¹⁶ Yedzi etse se buma ye kagnè,tse bondo. ¹⁷ Vusa voko ,wangu alakise. Be pharisiens,ne bekumu bè bitsila biè Nzambi bedza mitsitsi.Bangu bèyinga se membuka me Galilee,Judee,Jerusalem, nè singa ye Nzambi ya dzandza nedzi nu lungise mibedzu. ¹⁸ Batu babapa mutu se kala,nda yedza ne batu uyitsi,bangu bafumba peyi ye wu ignidzilè nedzi,nu dzika wangu busu vedzi. ¹⁹ Nda bangu beke yiba kuèlè yu indzilè nedzi,ne batu bedza uyitsi ,bangu babita ikulu dze mwaza,ye bangu besundise wangu,time ye unkuka,busu ve Zesus. ²⁰ Wangu ayene ivukidze dzeba,yedze tanda ati: «Ibaka,bavuneke manvu mowe mebi.» Ye be pharisiens,ne be scribes bawowe mewawayi ati: «Yu niza with wowe manvu mebi ne Nzambi?» ²¹ wi vaneke vuneka manvu mowe mebi niza, mbisa ye Nzambi wangu mene ? ²² Ni Zesus edza ne uyiba metsimi me bangu,yedzi suhunlè bangu ati : «ye beyi bitsuma manvu mebi se milima miè beyi niyi?» ²³ Yangu yeni bakaka nu tanda manvu mowe mebi bavuneke,ti va gnè telemè we landa ? ²⁴ Yayu beyi beyiba ati mwana ane ukuhun se sendze nu vuneke manvu me beyi mebi.Me tanda we:telemè,boko ilaka dzowe,tseke. ²⁶ Se ndilu yayu,mutu menè ateleme busu ve ba,aboko kala, atse liyi yedzi nu kumise Nzambi. ²⁵ Babesi bakima,bakumise Nzambi he bongo yesi.Bantu batanda ati: «Lolo,besu bayenè manvu me sandeyene.» ²⁷ Mbisa ye wawu,wangu ayenè untolingi we bedolo be lipo we kunvu Levi busu ve ndaku ye biwuta lipo,stands ati: «binga me» . ²⁸ Levi adzika bila biesi, atelemè , abinga wangu. ²⁹ Levi akumaka itsinda dzi neni ne Zeus ndaku yedzi. Bane betolingi beyitsi be lipo he bongo batu badze bila, ³⁰ Be pharisiens ne be scribes ba yasi nu wowe mewawayi nu tanda ne be Zesus etobo ati: «Ye beyi bidza kone betolingi be lipo ne batu be manvu mebi neyi? ³¹ Ye Zesus ekalulè ne bangu ati: «batu be ndè saba nde fumba nganga with yuma wangu,ni bifumba ni mibedzu.! ³² Meke ye banga batu be telè, me ya ne batu be manvu mebi , ya Bantu be yikulè milima.» ³³ Bangu batanda nedzi ati: «Be Zan etobo,ne be pharisiens bedza zala ne dzandza dze Nzambi nu bondo,as bows bedza, be noto. ³⁴ Zesus atanda Bantu ati: «beyi bevaneke nangise bembatsi be unlumi zala ndilu ye unlumi asaka mbô kone bangu ?» ³⁵ Vusa ve tse unze ve bitseya boko unlumi, va vusa bangu bananga zala. ³⁶ Wangu atanda bangu unlivulè wu: «Mutu nde tuka gnasulè unkanda mwe tsahan nu tunga mwe kala. ³⁷ Ne mutu nde somo melaku me tsahan we membungù me kala, toko melaku me tsahan mabula membungù,membungù matsaluve. ³⁸ Yayu be somo melaku me tsahan,se membungù me tsahan. ³⁹ Ni mutu wa gnua malaku mekala,nde fumba me tsahan toko atanda ati me kala meni uve.»