¹ Ye iduduma sante ye lundisé Zézu, ayinga dzanga dzé Suredè, iduduma yibi, ya bapa wangu sé sétsè. ² Ukuku wuan mama wangu, sé masi mekumenayi. Ekè dza bila se masi mamu, ni yè, masi mamu mè suta, a yènè nzala. ^{3 4} Ukuku wan tanda wangu:"Ti wedzi ni mawana we Nzambi, la ma memagna, mé yikuè pimbè. Zézu ayikulé wangu:"Ba tinde ati:"Mutu ndé bika ne pimbè wè." ⁵ Ye ukuku wun bapa Zézu sé buma ye ikulu, ndé yun alaka wangu mitamvu mié sèndzé. ⁶ Ukuku wan tanda wangu, mètsé kaba we singa ne ukani: "Be kaba mé biangu ni me kaba, ni ne mutu wami itondo. ⁷ Ni ti wa dindime, wa bondo mè, biè tsé dza ni biowe." ⁸ Ye Zézu é vutisé ati:"Ba tinde ati, we bondo ni kuhu wowe Nzambi, we kuata bisadzi ni bièdzi." ⁹ Ye Diabele wun bapa Zézu a Séresalème asasa wangu, sé buma ye ikulu ye ndaku ye Nzambi. Atanda wangu: ¹⁰ "Ti we dzi ni mwana we Nzambi, isa gnulu sé sindze. Batinde ati:"Atsé luma bandzi ne dzamvu dzowe, nu bata we. ¹¹ Bangu be tsé bapa we sé meloko yoko kulu yowe ya bêté ibaku sé imagna. ¹² Zézu ayikulé wangu, batinde ati:"We ndé tsé mama, kuhu wowe Nzambi. ¹³ Yé Diabele wun mana, mama Zézu wan lawe nedzi, wan tsédzi ne yaka yoko. ¹⁴ Ye Zézu è vutsé Ngalilé aluda ne singa ye iduduma sante misisiki mia tsé sé ilongo dzesi. ¹⁵ Yedzi ébanda nu lakisé, sé danku ye Nzambi, besi ba kumisé wangu. ¹⁶ Aya Nazarète, mbuka ye be kumisé wangu, nda wangu idzakèkè ne kale, agnidzilé sé danku ye Nzambi, vusa vé tsupulu. ¹⁷ Ba telime ne utangilé ne singa. Ba kaba wangu saguvu ye ndzandzi we Nzambi Esai, adzuvulé saguvu, ayéné buma ye be tindé. ¹⁸ Iduduma ye Zézu, ye dzi sé yami, ne yangu ya boko me ne utanda ka manvu mevé ne batu be mivuvu. Aluma me, ne tsé tandaka misisiki ne batu be ndé yiba Nzambi be wolé misi, ba bumo misi, ne ulekisè bi tondo mitoko. ¹⁹ Mu tandké sihu ye polo ne Zézu. ²⁰ Yedzi èdziba sanguvu, akaba ne udzandzi, a Suda utsitsi, misi mésine batu, bè dzè sè danku ye Nzambi, ba waya wangu. ²¹ Yedzi ètanda bangu mbandzi ye Nzambi ye lolo ye me dza ni ye be yi. ²² Besi bedza, ni be yuka medzi itanda ye bangu be yèni uvé ne bandzi ye Nzambi. Epula sè udzuvu. Ba tanda:"A yu ka mwana we Sosèfe. ²³ Atanda bangu, beyi be tsé tanda me donziyi: Nyanga lugkisé gnulu yowe we mené. Mesi mè besi be yuka, mowe épika a Kaperenaume pika mangu, nè sé gudu yè bédziya we. ²⁴ Atanda bangu, mé ubu mu ubu, ndé mutu we bitondo sé ngundu yedzi. ²⁵ Me tanda be yi ubu, yedzé ne mikuli sé Iseraèle dinli ye Eli sudzi ikulu dzé dzibama bisihu satu ne be sudzi utula, yé dzé ne zala bé ilongo dzési. ²⁶ Beke luma Eli kuelé ye paka mutu, ni kuélé ye ukuli win dzé a Sarepeta a Sido. ²⁷ Yè dza ne batu beyitsi, bè bifima dinli yeudzandzi we Nzambi Elisé. Nde mutu wè dzè tsèlèlè, bé timisé si naman we Siri. ²⁸ Ye bangu, be yuka mesi me suta sé ndaku, ye Nzambi ba kanvé. ²⁹ Bangu ba telime, ba pandzé sé ngudu idzi sé kudzi yè bè tunga ngundu, nu isa wangu. ³⁰ Ye Zézu ésuta tima ye bangu, yedzi étsé kuélé isusu. ³¹ A suda kapernaume, ngundu ye Ngalilé, a lakisé sé vusa vé Nzambi. ³² Bangu bakima milakisili mièdzi, nedzi édza ne lakisé ne singa. ³³ Yedza ne mutu, we dza ne iduduma yi bi, sé ndanku ye Nzambi. A wula usima ne singa. ³⁴ "Hé! ye besi bi pika nowe niyi? Zézu we Nazarète? We ya, ni ye bihusé bési? Me yiba we, e ni upendin wun Nzambi!" ³⁵ Zézu akakule ukuka ati:"Dziba udzuvu, pula sé mutu!" Sudzi ye ukuku wun isa mutu, sè sindzé, tima ye bangue, wuan pula sè yedzi, wun kè pika wangu ngandzi wé. ³⁶ Besi bakima, beke dzika ne uwowe tima ye bangu, nu tanda ati:"A ya mbandzi ni vi? Atanda ubiduduma bibi, ne singa biesi, nu pula." ³⁷ Ye metsayu me Zézu, me tsé sè melongo mesi mè bakaka. ³⁸ Ye Zézu ètemè ndangu ye Nzambi, ayidzilé sè ndangu ye Simo, utsulu vè Simo, èdzè ne unwuaku, yedzi èbondo wangu ne upika yila nedzi. ³⁹ Adondimè, sè yedzi, atanda uwuanku nu pula, wuan pula. Tsawuna télimé akaba bangu bila. ⁴⁰ Musa win suta baya Zézu ne mibedju miè mekaka mekaka. Asatsa me boko sè miangu, mia lugué. ⁴¹ Mikuku mia pulo uyitsi, sè batu boko tima ye bangu ne misima:"We ni mwana we Nzambi!" Ye Zézu étanda ne mikuku, beyi ndé wowe, ne bangu bé yiba atu wangu ni mwana we Nzambi. ⁴² Vusa vé sèwin, apula, atsé sé buna yedzi èdza. Batu bé fumlaka wangu, batsé kuélé gedzi édza. Bé efumba ni simba wangu, ne ulawe ne bangu. ⁴³ Ni atanda bangu:"uvé ma tandaka mbondzi ye Nzambi yi vé, sé binguda bi dzi sé ilongo dzè Nzambi, bé luma me uya ni ne vavu. ⁴⁴ Ye dzi, ètsé ne wowe, mbandzi ye Nzambi sé ndaku ye Nzambi. Kuélé y Sudé.