¹ Ǝnneɣ iket iket imoos ămăkkasu bărar,wər iẓley d-akli, kudeɣ a-s ənta as mišši-š n-ăɣiwăn, ² măšen əɣlafăn-ti imănăhaḍăn d-ălwakilăn har ăssăɣăt wa-s inna abba-nes. ³ Năkeneḍ daɣ hărwa nəmoos arătăn, năkkilăw i-ărătăn wi fəl təgl’ăddunya. ⁴ Zămad d-ewaḍ tăqqăn-nes, izămmăzăl-du Măssinăɣ rure-s teraw tăntut, ihuwănn daw-ăššăreɣa, ⁵ i-ad-isəddərfət wi əllănen daw-ăššăreɣa. I-ad-nəgrăw tudabit n-tumast n-ara. ⁶ Fəl-a-s təmoosăm aratăn, isəssawəḍ Măssinăɣ Unfas n-rure-s dăɣ-iwăllan-năɣ, iɣar-in Măssinăɣ, Abba» . ⁷ Fəl-əddəlil-wen-dăɣ, abas təmoosăɣ akli, măšen ara, zămad təmoosăɣ ara, təmoosăɣ daɣ amăkkasu n-Măssinăɣ. ⁸ Eskăla wər təssanăm s-Măssinăɣ, tăham ukkəlu n-wi s-tišit-năsăn wər əmoosăn imălan. ⁹ Ămăra, təssanăm Măssinăɣ , ikna, a ogărăn n-a-wen, issăn-kăwăn ənta, ma fəl dd-tăqqălăm i-mălayăɣna n-wălăt n-ăddunya? Tăram hărwa ad-tăqqălam ukkəlu n-mălayăɣna? ¹⁰ Təsəmɣarăm iḍuf n-ižilan, tilil, ăzzăman, iwətyan. ¹¹ Ǝɣṣudaɣ a-s əšɣăl wa gere-wăn əgăɣ, ibəṭlax. ¹² Ayətma, onsayăɣ-kăwăn ad-tăqqălăm zoud năkk, id năkk daɣ, iyyăn dăɣ-wăn. ¹³ Wər t-ila ad-i tăɣšadăm; təsanăm as dăɣ-ărrəkəm n-taɣəssa ad-kăwăn səslăɣ elenžil s-tizarăt; a-wa isăgălălhăyăn dăɣ-taɣəssa-nin, wərkăwăn isănăglăf, wər kăwăn isəglăf; tăɣbălam-i zund angolos n-Măssinăɣ; zund Ɣisa iman-nes. ¹⁴ Ǝndek tilwăt-năwăn daɣ -a-di? ¹⁵ ăgiheɣ-a-wăn: əndăr immukăn a-wen, ad- təntəzăm šătawen-năwăn iad-tănănt i-ad-i tănăt tăkfim. ¹⁶ Egen năkk, ămossăɣ ăzzăngo-năwăn fəll-tidət ta d-ăwăn ənneɣ? ¹⁷ Ădăggăzăt ta gan dăɣ-isălan-năwăn wər tofa, măšen ăran ad-i zəmməzəyăn dər-wăn, i-ad-asăn təlkəmăm. ¹⁸ Măšen ofa ădăgazăt dăɣ-a-wa olaɣăn hărkuk, a-wen wərgen ɣas id-t-əleɣ gere-wăn. ¹⁹ Aratăn-nin, kăwăneḍ a-s d-i təgrăw tolas telăwoyt har dăɣ-wăn ikna ăntum n-măsnăt n-Ɣisa. ²⁰ Iyya siddarănăɣ ămăra ad-t əleɣ degma-wăn, əgăɣ-awăn edewenney iyyăn, id təgrăw-i təkkunt dăɣ-isălan-năwăn. ²¹ Uhun za, [dites-moi] kăwăneḍ a əran emel daw-ăššăreɣa, egen təfhamăm ăššăreɣa? ²² Fəl-a-s iktab a-s Ibrahim igrăw əššin bărăran, iyyăn il’-ee gere-s taklit, wa haḍăn gere-s id tăn tălilit. ²³ Măšen wa ihuwăn gere-s id-tăklit ihu s-tăra n-tăɣəssa, wa n-tălilit ihu səmmək wa-s d-a-s tăn inna ărkăwăl. ²⁴ Ǝniihăggă ad-nəfham igităn wi zound əlmital, fəl-a-s a-wa əššin ărkăwălăn. Ărkăwăl wa n-esăwăl wa n-Sinay, imoos bărăr n-ukkəlu, a-wen Hažăra. ²⁵ Id Hažăra təmoos esăwăl wa n-Sinăy dăɣ-kallăn n-ărabăn, tăha edegg n-Yărusălăm ta n-ămăra, id tăha ukkəlu ənta d-ăratăn-nes. ²⁶ Măšen Yărusălem ta n-ižžənnawăn, ənta a-s tanṭut ta n-tălilit, ənta a-s daɣ ănna-nănăɣ. ²⁷ Fəl-a-s iktab a-s dăwat, kăm a igəggren, wərən itiru; səqələli s-tidiwit, kăm a wər tobaz telăwoyt n-ăgărăw n-eɣaf; fəl-a-s aratăn n-ta d-in tităwăyyăt, əggətăn fəl ta təlat aləs. ²⁸ Măšen kăwăneḍ, ayətma, təmoosăm zound Isxăk, aratăn wi n-ărkăwăl. ²⁹ Măšen s-tizarăt daɣ wa ihuwăn s-tăra n-taɣəssa ităɣazăb wa ihuwăn s-tăra n-Unfas, a-wen dăɣ daɣ a igan ămăra. ³⁰ Ma inna Ǝlkətab? Ǝzək tăklit id rore-s, id rure-s n-tăklit wər gere-s təla tăkkasit id wa n-tălallit. ³¹ Ayiwa, ayətma, năkkeneḍ wərgen aratăn wi n-taklit, măšen aratăn n-tălallit.