¹ Ǝlmasex, isăllalăt-anăɣ i-ad-nəgrăw iman-nănăɣ; a-di-za zəẓẓəwətăt, dărog a-kăwăn təṭṭăf tefart n-ukkulu ăynayăn. ² Năkk, Băwlus ad-awăn-tăn ənnăn: kunta təmolăyam, ³ wər-t-illa a-s kăwăn z’ infa Ǝlmasex; ənneɣ tolas i-ăgg-adəm kul wa imolăyan iwar-t ad-ămazăl a-wa isəbdăd ăššăreɣa kul. ⁴ Təzunăm d-ălbărakăt kul itawăgrăwăn dăɣ-Ǝlmasex; kăwăneḍ kul igamăyăn iqqud dăɣ-təmazălt n-a-wa inna ăššăreɣa(ălkunăn); abas təlam udəm ɣur ănnuɣmăt. ⁵ Fəl-a-s năkkeneḍ, fəl-əddəlil n-immun s-Unfas nəgar ăttăma n-iqqud. ⁶ Id dăɣ-Ǝlmasex Ɣisa wərgen amili wăla iba-nes a ilan ălqim, mašen immun ixdamăn s-tăra. ⁷ Kăla tozalăm huulen, mi kăwăn sədədăn i-ad-abas təsigădăm i-tidət. ⁸ Tăraqim-ta wər d-təfăl wa kăwăn d-iɣrăn, ⁹ ărăt n-tăẓẓa təgda i-asəkəf n-egel kul-nes. ¹⁰ Dăɣ-a-wa kăwăn d-iqqălăn əflasăɣ Imili a-s wər za tələm ənnəyăt tiyyăt, măšen wa kăwăn irkăzan, a imoos kul, ad-itəwəddəy. ¹¹ Ayətma, kunta năkku, xaṭṭăbăɣ amili, mafəl tăwaɣăzzăbăɣ hărwa? A-di za, təkunt ta n-təgəttăwt təbəṭlax. ¹² Ihor a-s ad-əzgărăn ga, aytedem wi kăwăn saxrăknen! ¹³ Fəl-a-s kăwăneḍ ayətma, asəlləlu a-s dd-tətawăɣărăm, măšen wər təgăm agărăw n-iman ăssaru n-azəmmizəl n-tăra n-taɣəssa; măšen dǎɣ-tăra, umas iyyăn kul akli n-wa haḍăn. ¹⁴ Fəl-a-s ăššăreɣa kul-nes, imda-du dăɣ-tăfert tiyyadăɣ, ta: “a tarăɣ ănărag-năk əmmək wa-s tarăɣ iman-năk. ¹⁵ Măšen afəl tətinəmədiddăm, tətinəməkšəm, ăgăt ənnəyăt i-ad wər tənəməhəlkəm. ¹⁶ Măšen ənneɣ, ăglat s-Unfas, wər za təmazălăm derhăn n-taɣəssa. ¹⁷ id derhăn wa n-taɣəssa iməggăr d-wa n-Unfa, Unfas daɣ, iməggăr taɣəssa; wi, ənimazărayăn, əššin-esăn i-ad-wər tətəgəm tăra-năwăn. ¹⁸ Măšen kunta Unfas a dăɣ-wăn inăhaḍăn, wər təmoosăm eklăn n-ăššăreɣa. ¹⁹ A-s iga a-wen, igităn n-tăra n-taɣəssa wər iɣberăn, əntăneḍ da: əzzəna, iba n-təzdəgeey, asəmməḍəs, ălɣăbadăt n-ăṣṣănăma, ²⁰ təkkərkəwa, əzzəngu, kănnassăn, tismiten, ălhamăn, anəmərkəb, tizunawen, taggayt-taggayt, ²¹ derhanăn lăbasăn, tissəs n-əṣməḍ tokayăt əmmək, iji n-iman, amənṣăw okayăn əmmək, d-zund-a-wen dăɣ kul; dăɣ-isălan wi, əssətbatăɣ-awăn hărwa ămăra əmmək wa-s tăn ənneɣ: ayətedem wi əzzalən igităn wi, xăram-asăn iguẓ dăɣ-təmmənəya n-Măssinăɣ. ²² Ămăra, ăra n-Unfas, imoos: tăra, tidəwit, ălghafiyat, tăẓiḍert, sărhăw, tulaɣe, tafləst, ²³ tuẓade n-iman, tanhaḍt dăɣ-iman-nes, wər-t-illa ăššăreɣa iniimazreyăn d-ărătăn wi. ²⁴ A-s iga a-wen, wi ila Ǝlmasex əṣlabăn taɣəssa d-ălhawa-nes d-derhan-nes. ²⁵ Kunta nəddăr s-Unfas, a-di-za, nəžiwənket s-Unfas. ²⁶ Wər nətaqqălet aytedem tamăɣnen i- irk ăsəmməɣăr d-anăɣ z’isanădlamăn, săr-năɣ d-ewăyăn tismiten.