¹ Ijiwankat ɣaysa as inay aləs s as d-ihew da iddirɣal. ² Ǝssəstanamtu nəttulab-net ənnam-as:"ƎŠŠex, mafəl d-ihəw aləs a ədtaddarɣalt? Awak əddəlil n abakkad-net, meɣ ak abakkad ən marwannət?". ³ Inn-asan ɣaysa:"wərmad iddirɣal fəl əddəlil n abakkad-net, wala deɣ abakkad ən marwan-net. wər d-ihəw əd taddarɣalt ar y a sər-əs təwənəyan igitan ən Məššina. ⁴ Iwâr-anaɣ ad naknu əššəɣəlan ən wa di-d-izammazalan iket di ad iga azal, fəlas ehad izay-du,amaran wər t-illa i daɣ-as ifragan əššəɣl. ⁵ Iket əheɣ əddənet əmosaɣ ⁶ As iga batu ta, issotaf daɣ amadal, iga arat ən talaq əs mətman-net, issəlal-tat i šittawen n emədderɣəl en, ⁷ inn-as:"aglu takka təɣazart ta n siloxam təšširəda daɣ-as udəm-nak."(Siloxam almaɣna-net anammazal.) Igla əmədderɣəl iššorad udəm-net, as d-iqqal da ihannay. ⁸ Ad gannin mahharagan-net, d aytedan win t-ənaynen dat awen imos əmədderɣəl itansayan:" Ak awen wərgeɣ aləs was faw iqqim itansay? " ⁹ wiyyad gannin:" Enta daɣ awen. " wiyyad ənta da gannin: " kala, tulat ɣas a dər-əs iga. "Ǝnta amaran igannu: "Nak daɣ awa." ¹⁰ Tu-sastanan gannan-as:" Məni təməwit tas təgrawaɣ asawad-nak? ¹¹ Igann-asan: "Aləs as gannin ɣaysa, a igan arant ən talaq, təzzar issəlal-tat i šittawen-in, inn-i ad aglaɣ əšširədaɣ udəm-in daɣ təɣazart ta n siloxam.Ǝgleɣ əššoradaq-qu ɣa, əgrawaɣ asawadin ¹² Ǝnnan-as: "Ma iga za aləs wədi?" inn-asan: " wər əssena". ¹³ Ǝlwayan aytedan win aləs was kala ad imos əməddərɣəl da əs farisaytan. ¹⁴ Ǝnta əzəl ən təsanfawt ən kəl-Ǝlyəhud a daɣ iga ɣaysa talaq , issəswad əmədderɣəl wen. ¹⁵ A tu-sastanan farisaytan əntanay da ed təməwit tas igraw asawad-net. inn-asan: "Arat ən talaq a issəlal šittawen-in, əššoradaɣ udəm-in, əswada." ¹⁶ Ad gannin arat daɣ Farisaytan: "Aləs wa igan arat wa, wər d-ifel məššina fəlas wər isassahat əzəl ən təsanfawt-nana. "Ǝnnan wiyyad: "Alɣalamaten šin, manəmmək as tannat-z-agu awedan imosan anasbakkad? təzzar iga əməzrəy. ¹⁷ Ǝlasan əsəstan n aləs was kala ad iddərɣal ənnan-as " kay a innan izzozay-kay aləs daɣ taddarɣalt, əməl-anaɣ was tordeɣ as imos-tu "inn-asan: " Ǝnnəbi a imos ." ¹⁸ Ǝglan Farisaytan wər əzzəgzanan as aləs wa kala ad iddərɣal har du-sassaɣran-net. ¹⁹ Ǝnnan-asan: " Ak ənta da da bararnawan was tənnam as d-ihəw da iddrɣəl? Məni təməwit tas igraw asawad-net əmərədda? " ²⁰ Ǝnnan-asan marwan n aləs: "Nəssân as barar-nanaɣ a imos,nəssân ənta da âs as d-ihəw da iddirɣal, ²¹ mišan wərmad nəssân təməwit tas igraw asawad-net, za wala deɣ awedan wa t-issəswadan. Səstənat-tu iman-net, fəlas aləs waššaran a imos ifragan ad ammagrad daɣ talɣa ta tu-təqqalat ²² Batu ta wər tat-əgen marwan-net ar fəl təksəda ən muzaran ən kəl-Ǝlyahud fəlas tənna a gan awedan kul wa iggayyen as ɣaysa a imosan Ǝlməsix, wədi ad t-əkkəsan daɣ əljamaɣat n ahan n əlɣibada ən kəl-Ǝlyahud. ²³ Awen da fəl ənnan marwan-net: "tušaray-net təšišawad-tu a dawan-ammagrad daɣ talɣa ta tu-təqqalat, səstənat-tu. ²⁴ Ǝlasan-du Farisaytan teɣaray n aləs was kala ad iddərɣal ənnan-as " Iksad Məššina təməla təməla tidəl.Nakkanay nəssân as aləs di anasbakkad. " ²⁵ inn-asan aləs wa: " Nak wər əssena kud anasbakkad a imos wala.Arat iyyanda ɣas a daɣ əssana, as kala ad əddərɣala, əmərdda əhannaya. ²⁶ Dəffər awan ənnan-as: " Ma imos arat wa dak-iga? Məni təməwit tas kay-issəswad? " ²⁷ inn-asan: " Arat wədi ya əmâlaɣ-awantu mišan wər di-təzzəgzanam.Mafəl təram a dawan-t-ələsaɣ emel? Meqqal ak kawanay da a təram ad təqqəlam inalkiman-net ketnawan? " ²⁸ Ǝgan-as ərrəbdan ənnan-as: " kay a imosan ənalkim-net,nakkanay inalkiman n ənnəbi Mussa a nəmos. ²⁹ Musa nəssân as iššewal-as Məššina,amaran aləs wədi wər nəssən sas d-iha fadda. ³⁰ lnn-asn: " Alas wa wər təssenam wala sas d-iha mišan izzozay-i daɣ taddarɣalt! Ara t ya wa ənta a isammaklalan wəllən! ³¹ təssânam as Məššina wer iqəbbəl šiwatriwen ənta as nasbakkadan .Awedan wa das-ibbərdagan itamazal tara-net,ənta as iqqabbal šiwatriwen-net . ³² wər kala ad itawasla awedan issiswadan iyyan a d-ihəwan əd taddarɣalt. 3 Ǝnnar du-wər-ifel aləs di Məššina, wər z'ifrəg igi ən wala." ³⁴ Haraššen-tu ənnan-as : " ko! Adis kay was as du-təhəwa da təmosa təbəluləq n abakkad, kay a iran a dana-fakfay alfaydaten? " Təzzar əstaɣan-tu. Aytedan win əddərɣalnen daɣ batu ta təqqalat əddin ³⁵ As isla ɣaysa əmazal wa igan da, iswad y aləs wen har t-igraw inn-as: " awak təzzigzanaɣ sər-i Ag Aggadam? ³⁶ Inna aləs i ɣaysa " Ǝməl-i awa imos, Ǝməli-nin,falas areɣ a sət-əs əzzəgzana. ³⁷ Inn-as ɣaysa: " Tənayaq-qu, amaran ənta da da dak-immagradan da. " ³⁸ Inn-as aləs: " daɣ adi əzzigzanaɣ Ǝməli-nin. " Təzzar issəjad-as. ³⁹ Amaran inna ɣaysa: " Nak assa a d-əgəɣ əddənət y ad ammazalaɣ əššəriɣa, əswədan win wər nəhənnəy, addarɣalan win hannaynen." ⁴⁰ Ǝslan arat daɣ Farisaytan win dər iddew y awa inna da ənnan-as "Daɣ adi nakkay da imərddərɣal a nəmos? " ⁴¹ inn-assan ɣaysa :"Ǝnnar təmosam imədderɣal wedi wər kawan-iwer abakkad ,mišan dad imos as təgannim "Nakkanay nəhannay ",wədi iwâr-kawan abakkad."