¹ winGhaysa zənta ikka adghagh wan eshkan azzeytoun. ² As afaw harwa aghora ikka ehan wa maqqaran nalghibat, tezar təkəydou təmətəy kul tarorattey; əqqima a tan issassaghrou. ³ Immigrad dendagh as tay d-ossan moussanan n-attawrat əd farisaytan ewayan du tantut obazan tətag əzzəna, əssebdadantat dat awadem kul. ⁴ ənnan i Ghayssa '' ya Mashəkkana tantut ta əzzəna a təga, amaran tətiwanəy tətagəy''. ⁵ dagh attawrat ina Mussa ''tantut zun ta, ilzam a tat əgaran aytədəm es təhun har tat iba, amaran kay ma tənəgh?'' ⁶ assistan wa təgan fəl a das agin taftaw, əgaran atatama na d-əgrəwan ark aratan fəlas ənnan,mishan inaz Ghaysa ad ikatab s adad-net fəl amadal. ⁷ aqqiman ədgazantay əs səstanan, as walayhogan əbdaddu innassan: was kala dagh wan warigan abakad əbdəddedu igərtat əs tahunt ta tazarat! ⁸ ilas enaz ad ikatab sadad-net fəl amadal. ⁹ əslan i magrad wa ghas, ad tinimikiran ger man nassan galin, azzaran-assan win washarnen.əglan oyandu Ghaysa ənta ghas əd təntut tanad taqqimat dagh amas n-aghala wan nahan wa n-alghibada. Təzar ədkal Ghaysa udəm net innas: əndəkan aytədəm wim kam satarmasnen? ¹⁰ wartaniha i kam issitarmas ¹¹ sasharigha?tənnəs: Waliyan dagh san Əmalinin. Nak da za werkam satarmassagh sasharigha, aglu jəwənkət mishan wertələssagh igi n-abkad. ¹² ilas Ghaysa magrad i təmətəy inna: nak as ənnur n-addunia,wadi ilkaman wer z-ijəwwənkət dagh tiyyay kalar ad igrew ənnur wan tamaddurt. ¹³ ənnanas farisaytan: təgəyya ən man-nak a təmosagh, arat wa təgana ədi wer imos tidət. ¹⁴ in-nassan Ghaysa: " kud imos as təgəyya ən man-nin a mosa da təgəyya-nin tidət a təmos fəllas əssana sas d-əhe, əd sas ədaga. ¹⁵ Kawanegh awa haneynat shətawən ghas as təsharagham nak amaran wer shərregha awadem waliyyan. ¹⁶ As iga wenda as fali dossa ad əshragha, asharegha-nin imos tidet felas werge nak as ayshraghan mshan nak d-Abba wadid izamazalan." ¹⁷ ak təgəyya naytədəm əshin wer təmos tidət? ¹⁸ awenda ektaban dagh asharegha-nawan! Aywa nak za təgəyya ən manin a mosagh, Abbanin wa-did izamazaln degh itagayat falli. ¹⁹ Təzzar ənna-as: əndek dad illa Abba-nak? Inn-asan ɣaysa: Wərmad di-təzdâyam, wərmad təzdaym Abba-nin, Ǝnnar di-təzdâyam təzdəyam Abba-nin. ²⁰ Batuten Šin itagg-enat ɣaysa assaɣa wa daɣ isasaɣru daɣ Ahan wa Zəwwəran n Ǝlɣibada dagma n adag wa iha əssənduq wa daɣ tiddawnat təkutawen. MiŠan wər tilla i igmâyan d abbaz-net fəlas alwaq-net a wər dəd-newed harwa da. ²¹ Iləs ɣaysa inn-asan: Nak teklay a z'aga amaran adi-təgməyam; mishan akawan ibba dagh tishit ən nasbakadan.wer təfregam a takim edag wa əkəgh. ²² Ad tinəmənnin arat daɣ kəl-Ǝlyəhud gar-essan: Meqqal a ira a danghu iman-net? tordamas awendagh a y-issoka əs magrad wa: " wər təfregam a takim edag wa əkkəgh" ²³ Inn-asan ɣaysa: kawanay aytedan n-amadal a təmosam, nak in afalla. kawanay kəl əddunia adagh a təmosam, nak wər di-təla əddunia adagh. ²⁴ A di da a fəl dawan-ənne a kawan-iba daɣ tišit ən nasbakkadan. As wər təzzəgzanam as nak a imosan Wa Illan da, wədi a kawan-iba əd tišit ən bakkadan. ²⁵ Ǝnnan-as Ak ma təmosaɣ? ijjewabassan ɣaysa Awa dawan-əmala ɣur tizarat har əmərədda ənta amosa. ²⁶ Ǝllân-tu aratan aggotnen as əfrâgaɣ a tan-anna daɣ talɣa-nawan, əllân-tu deɣ aratan aggotnen as əfrâgaɣ akawan-awwaddaba fall-asan. ²⁷ Mišan wa di-d-izammazala məššis ən tidət a imos, amaran arat wa di d-inna, ɣas a əmmala y əddənet. mad wer əgren as batu n Abba a daɣ dasan-immagrad, ²⁸ Inn-asan ɣaysa: As təgam iman-in nak Ag Aggadəm s əsəhhuki wa di -za-tagim fəl təgəttəwt, ad təssənamas nak da a imosan "Wa Illan da" təssənam deɣ as wər t-illa a tagga gər-i əd man-in, arat wa di-isassaɣra Abba ɣas a ganna. ²⁹ Wa di-d-izammazalan iddew deri-der-i.wər di-oyya ɣas-in fəlas faw da arat wa das-igrazan ɣas a təgga. ³⁰ əslan aytedan aggotnen y awa inna ɣaysa den əzzəgzanan sər-əs. ³¹ Inna ɣaysa i kəl-Ǝlyəhud win sər-əs əzzəgzannen: As təbbərdagam y awa kawan-sassaɣra, ³² ad təqqəlam inəttulab-in win tidət, təssənam tidət, tidət amaran ənta kawan-za-təsaddarfit. ³³ Ǝnnan-as: Nakkanay ya əzzurrəyya n ənnəbi Ibrahim a nəmos, wər kala daɣ əddənet ad nəqqal eklan ən waliyyan, mafəl təganna: Ad taddarfem ³⁵ Inn-asan ɣaysa Ǝggəyyeɣ əsilakanaɣ-awan as awedan kul wa itaggin ibakkadan, wədi akli ən bakkadan a imos. ³⁴ amaran wər das-t-illa adag ən faw daɣ aɣaywan, mišan Barar wa eraw aɣaywan wədi edag-net ill-ay har faw. ³⁶ Daɣ adi as kawan-isaddarfat Barar, wədi ad taddarfem əs tidət. ³⁷ Ǝssânaɣ as əzzurrəyya n Ibrahim a təmosam, mišan təgammayam d ad tagim iman-in fəlas awal-in a wər nədes iwallan-nawan. ³⁸ Nak arat wa ənaya ɣur Abba-nin a əmmala, amaran kawanay tətaggim awas təslam ur abba-nawan Iblis. ³⁹ Ǝnnan-as Abba-nana ya ənnəbi Ibrahim a t- jimosan. Inn-asan ɣaysa Ǝnnar tidət âs təmosam bararan n Ibrahim ad tətaggim imazalan win iga Ibrahim. ⁴⁰ kawanay amaran əmərədda təgammayam tanaɣay-nin, nak imosan awedan a dawan-immalan tidət s əmmək was dit-tat-d-inna Məššina Arat wədi wər t-iga Ibrahim. ⁴¹ Imazalan win iga abba-nawan a tətaggam. Ǝnnan-as Nakkanay wər nəmos iniba; wər nəla ar abba iyyanda a t-imosan Məššina. ⁴² Inn-asan ɣaysa: Ǝnnar Məššina a imosan Abba-nawan tiram-i,fəlas Məššina a d-əgmada, ənta a d-əfala, wərge gər-i əd man-in as d-ose, kalar ənta di-d-izammazalan. ⁴³ Mafel wər təgrem awal-in? Wər dawan-igdel əgərri-net ar as wər təfregam əsəsəm i has. ⁴⁴ Wər təlem daɣ abbatan ar Iblis, amaran tərâm ad tassandim deranan n abba-nawan. Harwa ɣur ənətti ad iqqal əməggi ən man, amaran wər ibded daɣ tidət, fəlas wər təha tidət əwəl-net. Igi ən bahu a imosan əttəbiɣat-net fəlas anasbahu a imos, imos deɣ abba ən bahu. ⁴⁵ Nak amaran tidət as tamagrada, adi da fəl di-wər-təzzəgzanam. ⁴⁶ Əndek daɣ-wan wa ifragan ad aggayyat as kalad əgeɣ abakkad? kud tidət a əmmala mafel wər di-təzzəgzanam? ⁴⁷ Awedan imosan arat daɣ tamattay ən Məššina, əsəsəm a itaggu y awa inna Məššina. kawanay amaran wər das-təsəsimam, fəlas wər təmosam tamattay ən Məššina. ⁴⁸ Təzzar ənnan kəl-Ǝlyəhud i ɣaysa Wərgeɣ kala ad nənna kay iyyan daɣ kəl-Samarəya a tamosaɣ amaran ih-ik aggəsuf? ⁴⁹ Inn-asan ɣaysa wər di-iha aggəsuf, Abba-nin ɣas a əssəɣmara,kawanay amaran wər di-təssəɣmaram. ⁵⁰ Wər gəmməyaɣ tanaya i man-in. Ill-ay wa di-igammayan tanaya, amaran ənta a ixakkaman. ⁵¹ Ǝggəyyeɣ əsilakanaɣ-awan as awedam wa ittafan awal-in, wər ilkem ad inay təmattant. ⁵² Ǝnnan-as arat daɣ kəl-Ǝlyəhud: Ǝmərədda əd nəkkas aššak as ih-ik aggəsuf! Ibrahim dagh aba-tey ənta harkid ənnəbitan kul, kay amaran təganna Awadəm kul wa ittafan awal-in, wər ilkem ad inəy tamattant. ⁵³ Abba-nanaɣ Ibrahim degh aba-tey: tordeɣ as togaraq-qey almaqam? Ǝnnəbitan degh aba-tan, kay ma təxsabaɣ iman-nak? ⁵⁴ Inn-asan ɣaysa: As imos as sanamala taghmarin fəl man-nin, wədi tanaya-nin wər tənfa wala.wa di issəghmaran əntas Abba-nin wədi əs təgannim imos Ǝməli-nawan, ənta a di-ihakkan tanaya, amaran wər tey-təzdayam, mišan nak əzdâyaq-qey. ⁵⁵ As ənne wər t-əzdaya, wədi ad əqqəlaɣ ənəsbahu šilat-nawan. Hulen daghas əzdâyaq-qey, əttâfaɣ degh awal-net. ⁵⁶ Abba-nawan Ibrahim imâlt əd tədəwit fəlas das-igmad aššak as ad inəy assa-nin, amaran inay-tey, ikn-ey awen əsəffəliwəs. ⁵⁷ Ǝnnan-as kəl-Ǝlyəhud: kay wər tewədagh wala səmmosat təmərwen n awatay mishan tənnegh tənâyaɣ Ibrahim? ⁵⁸ Inn-asan Ǝggəyye silakanaɣ-awan as dat təhəwt n ənnəbi Ibrahim dagh nak əmosa "Wa Illan da". ⁵⁹ Təzzar ad takammen tihun y fel tegaran səres-nat, mišan ya igmad-tan daɣ tamattay irdaɣ afarag n Ahan wan Ǝlɣibada.