¹ Deffer adi ewad-du iyyan əmud iyyan ən kel -Ǝlyehud ,təzzar ikka ɣaysa Yerusalem. ² aɣrəm wa n Yerusalam təh-ay təɣazart təhozat edagh was itawannu təsəhərt ta n ayfed .Təɣazart ta əsəm net betsada ,daɣ telɣibrit ,amaran təlla ger səmmosat taliwen . ³ Taliwen šin əsrâdan daw -əsnat miranan əgânen daɣ mədderyal ,əd meggudal əd nəbdan.Ǝssigadan y ad əggəzan aman šin əmətəkwey. ⁴ fəlas immaltu alwaq a daɣ d-itazabbat angalos iyyan n Ǝməli ijənnəjərwəy aman ən teɣazart ten.Ǝmiran kul wa azzaran iguz-net dəffər ənəjərwaɣ wa tega da,wədi ad izzey daɣ təwərna ta tu-təgrawat,a təqqal. ⁵ Ǝdagh en ih-ay aləs igân karadat təmərwen n awatay d əttam irin. ⁶ ogg-ay ɣaysa israd ,amaran issan as iga təwərnə tərəwat ,issəstantu inn-as: «awak təre təməzzəyt?» ⁷ Inn-as əmiran wa : "Ǝššex,nak wər ələy awedan a di-igan day təyazart ta day amazay wa day tinəjerwəyan aman-net ,amaran id əgmaya d iguz-net ,a di-izar sər-əs awedan iyyan.» ⁸ Inn-as Yaysa : «Ǝbdəd ,tədkəla təssut-nak təjəwənke.» ⁹ Izzay aləs wen day tamazayt ten da ,idkal təssut -net ijawankat .Ǝnta arat wa itaggu day əzəl ən təsanfawt ən kəl-Ǝlyəhud . ¹⁰ Ǝnnan muzaran ən kel-Ǝlyəhud y aləs wa izzayan da: «kay ak masnat a wer təgəy as azalada əzəl ən təsanfawt a day-ak wer xalal aggay ən təsalat -nak?» ¹¹ Eges ya inn-asan aləs wen: «Aləs wa di-izzoazayan ,anta di innan: "Ǝdkel təsalat -nak təjəwənke" ¹² Ǝnnan-as : ¹³ Ǝnta aləs wa izzayan da, wer t-əhen salan n awa imos awedan wa t-izzozayan den,fəlas aytedan əknanen iget a əhanen edag wa daq-q izzozay ɣaysa den,iras-tan ɣaysa,ijawankat ¹⁴ dəffər awen ogaz-t-in ɣaysa daɣ ehan wa Zəwwəran n Ǝlɣibada inn-as:"Səsəm.kay də izzayan da əmərədda .Ǝɣred d igi ən bakkadan, a kay wər igrəw arat ogaran wanad tallabəst. ¹⁵ Ijawankat aləs wen təzzar imal i muzaran ən kel-Ǝlyahud as ɣaysa a t-izzozayn ¹⁶ Arat wa eway-du ser-san as əknan gezzar ən ɣaysa felas əzəl ən təsanfawt ŋ a daɣ iga awen. ¹⁷ Mišan inn-asan ɣaysa :"abba-nin faw da išɣǎl,daɣ adi nak daɣ əšyâla." ¹⁸ Batu ta ,teway-du əs muzaran ən kəl-Ǝlyəhud as eššotan daɣ agamay ən tanaɣay ən ɣaysa,fəlas wergey əlqanunn əzəl wa n təsanfawt ɣas a imməzray ,kalar i ššota-du fall-as as inna imos Məššina abba-net.daɣ adi išaššagda iman-netəd Maššina ¹⁹ Inn-assan ɣaysa:"Ǝggəyyeɣ əsilakanaɣ -awan as Barar wər ifreg igi n arat waliyyan gar-es ed man-net.wer itəggu ar arat was ihannay abba-net itagg-ay .Amaran arat kul wa itaggu Abba;Barar da itaggay s asaway wen da. ²⁰ Fəlas Abba ira barar,amaran isakn-ay arat kul wa itaggu ;ad t-assaknu aratan ogarnen win da təla n almaɣna y a tan-agu , fel ad taɣjim ²¹ Ǝmmek wa day-as d'isankar Abba inəmməttan itaggu daɣ-san iman,əmmək wədi da as ihakku Barar ənta da təməddurt i was tat-ira. ²² wa dəffər adi ass exəkkəm y awedan walliyan,kalar əššəriɣa kul ig-ay day əfus ən barar. ²³ fəl ad əzzəzwəran aytedan kul barar s əmmek was əzzəzwaran abba.Awedan kul wa wər nəzzəzwar Barar , wədi wer izzəzwar Abba wa t-id izammazalan. ²⁴ "Ǝggəyyeɣ əsilakanaɣ-awan as awedan kul wa issəsaman i batuten-in,izzəgzan əs wa di-d-izammazalan ,wədi igrâw təməddurt ta təɣlalat .wer z' awwaddab ,kalar təmattant a d-igmad es təməddurt ." ²⁵ "Ǝggəyyey əsilakanay-awan as izay-du alwaq _s ənta da da neha da əmərədda - as aytedan win sər-i wer nəzzəgzan ad aslin y əməsli ən Barar ən Məššina,amaran win das-əslanen əkkəwanan-as ad əgrəwan təmeddurt ta təylalat. ²⁶ Felas əmmək wa daɣ as ihakku abba təmədurt, əmmək wədi daɣ as ikfa Barar fərregat n a tat-ihakku ənta da. ²⁷ Ikf-i deɣ turagat n əššəriɣa y aytedan, fəlas nak Ag Aggadəm a mosa. ²⁸ Ad wər əqqənan ɣafawan-nawan y arat wa: ilkâm a d-awed alwaq a daɣ z'aslin nəmməttan kul daɣ zəkwan-nasan, y əməsli-nin nak Ag Aggadəm izəkwan-nasan addi da. ²⁹ Win əganen aratan olaɣnen, a d-əgmədan izəkwan y a d-ənkeran daɣ təmattant əgrəwan təməddurt, win əganen təkma amaran a d-əgmedan izəkwan y ad awwaddaban. ³⁰ Wər t-illa arat as əfragaɣ igi-net gər-i əd man-in. Ǝššəriɣa wa tagga, əlkama daɣ-as y awa di-igannu Məššina, amaran əššəriɣa-nin oɣâd, fəlas wər əlkema y arat wa əre nak iman-in, kalar arat wa ira wa di-d-izammazalan as əlkama. ³¹ "As imos as nak ɣas-in as əggeyyey i man-in ,wedi təgəyyanin wer temos tidet. ³² illat-tu wa di-mossan tidet a imos. ³³ təssəglam inamazalan əs Yaxya, iggeyyat-asan fel arat wa imosan tidet . ³⁴ Nak wer addəraraɣ ws təyya n awendan .Arat wa wer tu-gennay ar fel ad təgrəwam təsureft. ³⁵ Yaxya zun fətəla tərɣât təbilazlaz a imos, amaran təqbalam ad tagim arat n assaɣat ən tədəwit day ənnur net ³⁶ Nak amaran əle təgəyya togarat ta n Yaxya assahat:Ǝššəyəlan win tagga, a tan-imosan win as di-issəwar Abaa igi-nasan ,əntanay a əmosnen təgəyya-nin ,sitaddanas Abba di-d-izammazalan. ³⁷ Abba iman-net s ənta a di-d-izammazalan ,ənta da iggiyyat-i.Wer kala ad təslam y əməsli-net wala deɣ tenâyam azzat-net. ³⁸ Amaran wər iha awal-net iwallan -nawan,arat wədi isitadd-ay iba n əzəgzan -nawan əs wa d-izammazal ³⁹ Təggam y Awal ən Məššina təɣaray təgat s ənnəzər fəlas təɣilam a sər-əs təgrəwam təməddurt ta təɣlalat.awal wa təɣarrim da,ənta iman-net as fall-i iggəyyat ⁴⁰ eges wər tərəm a did-du-takkim y ad təgrəwam təmədurt. ⁴¹ "Nak wər gəmməyaɣ ətəwəsəɣmar ɣur aytedan. ⁴² Ǝzdâyaqqawan:əssânaɣ as iimane nawan wer tan-təha tara i Məšsina. ⁴³ Nak Abba-nin a di-d-issəglan mišan wər tərem əlqəbulat-in.Amaran as kawan d-osa awedan iyyan a d-iglân gar-es əd man-net ,a tu-teqbəlam ! ⁴⁴ Tərâm ad tətinəməsəɣmiram gar-ewwan ,eges wer tərem saɣmar wa d-ifalan Məššina di n iyyan .Daɣ adi manəmmək as za təzzəgzənam? ⁴⁵ Ad wər təɣilam a kawan-əssəwəra lahan ɣur Abba-nin .Ǝnnəbi musa ənta kawan-z'əssəwəra lahan,ənta wa daɣ təgam attamanawan . ⁴⁶ Ǝnnar təzzigzanam əs musa,təzzəgənam sər-i nak da,fəlas immigrad sər-daɣ Ǝlkettaban-net. ⁴⁷ Mišan dad imos as wər təzzəgzanam s Ǝlketta-net ,manəmmək as za təzzəgzənam awa ganna