¹ Ill-ay aləs iyyan igan esəm Nikodemos, ihân taggayt ən Farisaytan, imos iyyan day muzaran ən kəl-Ǝlyəhud. ² Osa-du yaysa ahad iyyan inn-as: < Ǝchchex-in, nakkanay nəssân as Məchchina kay d-izammazalan sər-na, a dana-təsassayra, id wər t-illa i z'agin təlməyjujaten, chin təge əmosnen alyalamaten, ar əs tədhəlt ən Məchchina. ³ Yaysa dey inn-as: «Ǝggəyyey əsilakanay-ak as: wər t-illa awedan ifrâgan anay ən Taymar ta n Məchchina ar s ad ilas təhəwt.» ⁴ Issəstan-tu Nikodemos inn-as: «Mas z'iləs awedan wachcharan təhewt ? chi təgat da wər ifreg ad iləs tewaylay ən tədist n anna-net.» ⁵ Inn-as ɣaysa «Ǝggeyyeɣ əsilakanaɣ-ak as:awedan war ifreg iguz ənTaɣmar ta n məššina ar s ad ihəw s aman d Infas wa zəddigan. ⁶ Ǝləsə n aggadəm iyyan aggadəm, amaran awedan wa d-igmadan Infas wa Zəddigan ,Infas wa zədigan a daɣ innodan ⁷ Day adi a dak-wər-iqqən eyaf as dak-ənney: Iwâr-kawan ad tələsam təhəwt. ⁸ Adu iggâr sas ira, təsalla y əməsli-net, michan wər təssena da d-ifal wala dad ikka. Samal di da a iha awedan wa ihəwan s Infas wa Zəddigan.» ⁹ Issəstan-tu Nikodemos inn-as: «Məni tat təməwit tas z'agin aratan win di?» ¹⁰ Ijjəwwab-as yaysa inn-as: «Təmosay əmusan əmusan zəwwəran day Israyil eges wər təssenay aratan win! ¹¹ Ǝggeyyey əsilakanay-ak as: Nətamagrad s awa nəssan, nətagayyat dey fəl awa nənay, eges tugayam s ad təqbəlam təgəyya-nana. ¹² Dad wər təzzəgzanam s awa dawan-ganna s əddəner mas za təzzəgzənam awa dawan-ganna s alaxirat ? ¹³ Wər t-illa is kala ad inay ijənnawan, ar nak Ag Aggadəm a tan-d-igmadan. ¹⁴ Ǝmmək was issərgag ənnəbi Musa tachcholt fəl əgət day taneray, əmmək wen day as kundaba tawasahake nak Ag Aggadəm, ¹⁵ fəl ad iqqəl as i sər-i izzəgzanan, ad igrəw təməddurt ta təylalat. ¹⁶ Fəlas, Məchchina awa iga y əddənet day tara ikfa Barar-net a n iyyanda fəl ad iqqəl as i sər-əs izzəgzanan wər z'ihlək, kalar ad igrəw təməddurt ta təylalat. ¹⁷ Məchchina wər d-issoka Barar-net əddənet fəl a tat-ihlək kalar issok-as-tat-du fəl a səs-əs tafsu. ¹⁸ I sər-əs izzəgzanan wər ihlek, michan wa sər-əs wər nəzzəgzan ihlâk fəlas wər izzəgzan s esəm ən Barar a n iyyanda ən Məchchina. ¹⁹ Ǝddəlil da wa d-ewayan ahluk: Ǝnnur a d-osan əddənet, michan əssofan-tu aytedan chiyyay id arak mazalan a taggin. ²⁰ Amaran i itaggan təkma wədi oglaf ənnur, wər t-id-z-akku fəlas iksud ad nəfiləlan arak mazalan-net ezal a mallan. ²¹ Michan wa itaggan arat wa imosan tidət, wədi itakka-du ənnur, fəl ad itəwənəy as əmazal-net issind-ay day ləkkum i Məchchina. ²² Dəffər awen ikka yaysa əd nəttulab-net amadal ən yahudəyya. Iqqim day-as har iga arat n azzaman ənta dər-san, isalmay yaysa aytedan day aman. ²³ Yaxya ənta da isalmay aytedan day aman day təsəssəngəyt ta n Aynon, dagma ən Salim, fəlas əllan-tu aman den aggotnen. Tasin-t-idu aytedan isalmaq-qan. ²⁴ Arat wa as itaggu yaxya harwa da wər iggez kasaw. ²⁵ Tənkar təmazaq gər nəttulab ən yaxya d iyyan day kəl-Ǝlyəhud, day batu ən təməwiten chin as itaggu zazdag. ²⁶ Ǝkkan yaxya ənnan-as: «Ǝchchex-nana, təkittəwa aləs wa dər təddewa fel afay ən yordan wen sen, s ənta as dana-təmməgrada? Tahannaya! Ǝmərədda isalmay aytedan day aman amaran ketnasan takkin-tu!» ²⁷ Inn-asan yaxya : "Awedan wər z'igrəw ar awa t-ikfa Məchchina. ²⁸ Kawanay iman-nawan təggəyyem-i as ənney: " wər əmosay Ǝlməsix, ətəwəzəmizal yas a d-əge dat-əs." ²⁹ Ǝmazlay da ilan təmazlayt, amaran əmidi-net wa n ənaflis-net, ənta a innəttafan əd .zəzlay, issigad den da iqqâl-as. As isla y əməsli n əmazlay igmây-du təmazlayt, ad aknu tədəwit. Tədəwit tədi za ənta a əgey, amaran əmərədda tənda. ³⁰ Ittəyet ətəweseymar-net ifnəz wa-nin. ³¹ Wa d-igmadan afalla, ənta a idkalan dənnəg awedan kul, wa ihan əddənet amaran aratan n əddənet as itamagrad. Wa d-igmadan ijənnawan, idkâl dənnəg awedan kul, ³² iggəyyat s awa inay d awas isla michan wər t-illa i iqbâlan təgəyya-net. ³³ Wa iqbalan təgəyya-net, isilakan awa inna Məchchina, ³⁴ fəlas wa d-izammazal Məchchina, awal ən Məchchina a immal, id Məchchina a das-igan y Infas wa Zəddigan tehakkay wər nala əddukad. ³⁵ Abba ira Barar-net amaran aratan kul ig-en day əfus-net. ³⁶ Wa izzəgzanan əs Barar ən Məchchina wədi igraw təməddurt ta təylâlat, amaran wa ugayan s a sər-əs izzəgzən wədi eway-du əs man-net alham ən Məchchina.»