¹ As affaw əzəl wa n alxad, harwa da wər ifarayray anay, as təkka MaryamaMadəl əzəkka. As din-tosa tənay as təhunt ta təharat əzəkka tətiwakas-du. ² Tozal təkka Simɣon Butros d anattalib wa isannahal ɣaysa tara tənn-asan Ǝməli itawakkas daɣ əzəkka amaran wər nəssen edag wa daɣ itawagga. ³ Irdaɣ-du Butros d anattalib wa hadan əkkan əzəkka. ⁴ Ozalan, azzar-in ənəttalib wa hadan fəlas orna Butros daɣ azzal. ⁵ Iššəgga inay šisəwad šin šifit ənsânat den, mišan wər iggez. ⁶ As d-ewad Simɣon Butros wa das-d-ilkaman, iggaz əzəkka, inay əntada šisəwad šin ənsânat den. ⁷ Inay asalsaw wa iwaran eɣaf ən ɣaysa wər irtay əd šifit. ittâl insa s aganna. ⁸ Təzzar iggaz-du anattalib wa hadan, s ənta a d-azzaran, inay arat wa izzəgzan-tu. ⁹ Ǝnta harwa da wər əgren batu ta tənnat daɣ Ǝlkəttaban, Ǝlməsix kundaba inkar-du daɣ təmattant. ¹⁰ Təzzar əqqalan nəttulab win den aɣaywan. ¹¹ Təqqim-du Maryama təhallu dagma n əzəkka. Təššəgg-in daɣ-as. ¹² tənay əššin angalosan əssimlalnen, əqqiman daɣ adag was kala a tu-təha təɣəssa ən ɣaysa. Iyyan illa ɣur anamod n aɣf-net, wa hadan illa ɣur daran-net. ¹³ Ǝnnan-as Ma kam-išâlan, tantut Tənn-asan Wər di-isəlu ar as immeway Ǝməli-ni, amaran wər əssena dad itawagga. ¹⁴ As tənna arat wa, təswad dəffər-əs, togga ɣaysa ibdâd. Mišân wər təssen as ənta awen. ¹⁵ Inn-as ɣaysa Ma kam-isâlan tantut Ma imos wa təsaggada Tənn-as Maryama Ya aləs, kud kay a t-ewayan, təməlaɣ-i dad illa,ma t-id-awəya Arat wa, as das-tu-tənna a təɣil əmagyak n afarag wa iha əzəkka a das-iššewalan den. ¹⁶ Inn-as ɣaysa Maryama Təzzar təmalallay-t-in tənn-as daɣ awa wa n təlɣibrit Rabbuni (Almaɣna n awen Ǝššex-in.). ¹⁷ Inn-as ɣaysa A di-wər-təgdəla teklay, fəlas harwa da wər əggəzzaya s Abba, kalar aglu əməl i mədrayan-in as nak ad aggazzaya s Abba-nin, s ənta a imosan Abba-nawan kawanay da, aggazzaya s Ǝməli-nin s ənta a imosan Ǝməli-nawan kawanay da. ¹⁸ Təgla Maryama Madəl təmal i nəttulab as tənây Ǝməli, təmal-asan deɣ awa das-inna. ¹⁹ Tadwit alxad wen da iman-net, əddewan nəttulab, əɣfalan-du ehan fəl man-nasan, fəlas əksudan imuzaran ən kəl-Ǝlyəhud. osa-du ɣaysa ibdad gar-essan inn-asan Alxer fall-awan. ²⁰ As dasan-inna awen issəkn-en ifassan-net, əd tassaga-net. Falawasan nəttulab fəl anay wa əgan Ǝməli. ²¹ Ilas inn-asan Ig-awan Məššina alxer Ǝzimazalaq-qawan s əmmək was di-d-izammazal Abba. ²² As dasan-iga batu ta, issəwəd-du fall-asan s əmi-nət, inn-asan Təgrəwamet Infas wa zəddigan ²³ win as təssorafam ibakkadan-nasan za, a dasan-təwəsurəfan, amaran win as tan-wər-təssofam, eər z'əgrəwan təsurəft-nasan. ²⁴ Tuma was təsəmmadəq-net Eknay imosan iyyan daɣ nəttulab win maraw d əššin, wər illa den as ənayan ɣaysa. ²⁵ As das-ənnan nəttulab win Nənây Ǝməli Inn-asan Wər z'əzzəgzənaɣ iket wər ənaya šimijar ən nəsmar daɣ fassan-net, ədəsaɣ idaggan-nasan s adad-in, ədəsa deɣ tasaga-net s əfus-in. ²⁶ As əgan əttam adan dəffər awen, əddewan-du nəttulab ən ɣaysa daɣ ahan iyyan amaran taklat ten ih-en Tuma. Iggaz-du fall-asan ɣaysa da əharnat təsəhar n ahan, ibdad gar-erssan, inn-asan Ig-awan Məššina alxer. ²⁷ Dəffər adi inna i Tuma Agu adad-nak da, təswəda daɣ fassan-in, tədəsa deɣ tasaga-nin s əfus-nak, təzzəgzəna taqqama da wər təqqelaɣ awedan wər nəssen Məššina ²⁸ Inn-as Tuma Ya Məššina di n Ǝməli-nin. ²⁹ Inn-as ɣaysa kay wər təzzəgzana har di-tənaya. Ǝbbilalan aytedan win di-wər-nənay mišan əzzigzanan ³⁰ Immozal ɣaysa alɣalamaten šiyyad aggotnen dat nəttulab-net, mišan y wər sər-əsnat imməgrad əlkəttab wa. ³¹ Eges arat wa t-ihan, itiwaktab fəl ad təzzəgzənam as ɣaysa ənta a imosan Ǝlməsix ,imos deɣ Barar əb Məššins, amaran, as sər-əs təzzəgzanam ad təgrəwam təməddurt s esəm-net.