¹ Dəffəer awen ilas ɣaysa ənəfilal i nəttulab fəl təgadamayt n agaraw wa n Tiberəyad. Ǝmmək da was dasan-inafalal. ² Simɣon Butros, əd Tuma was təsəmmadəq-net Eknay, əd Natanəyel wa n kân daɣ amadal ən Galilaya, əd bararan ən Zabaday, d əššin nəttulab wiyyad, ketnasan əddewan. ³ Inn-asan Simɣon Butros Nak ad akkaɣ edag n abbaz ən kifitan. Ǝnnan-as Nakkany da nəddəw dər-ək. Ǝglan, əggazan aɣlal n aman. Ahad wen wər obezan wala. ⁴ As affawa iwar-in ɣaysa təgadamayt n agaraw, mišan wər əssenan nəttulab-net as ənt awen. ⁵ Inn-asan Imaran-in, awak abbaz a wər təgem wala daɣ kifitan Ǝnnan-as kala. ⁶ Inn-asan Ǝgərat əməzzəzdər-nawan wa nnabbaz ən kifitan fəl aganna n əɣlal wa n əɣil, a tan-təgrəwam. Ǝgaran əməzzezdər-nasan daɣ agaraw, təzzar indar-asan a t-id-ədkəlan, fəl awa əgan kifitan win t-əhanen daɣvigət. ⁷ Inkar ənəttalib wa isannahal ɣaysa tara inna i Butros Awen Ǝməli Da daɣ ad isla Simɣon Butros as Ǝməli awen, ənta ad iqqan asalsaw-net wa n afalla, fəlas izzâf, təzzar itaraggat daɣ agaraw. ⁸ Amadal ən sanatat təmad n əɣil a əllanenngar-essan əd təgadamayt n agaraw. Ǝqqiman-du nəttulab win hadatnen daɣ əɣlal ərkâban-du dəffər-san əməzzəzdər-nasan, idnây kifitan. ⁹ Ǝzzqben-du ɣas oggan temsay ən təmakaten fəl naŋŋin kifitan, tənsa deɣ təgəlla den. ¹⁰ Inn-asan ɣaysa Awəyat-du arat daɣ kifitan win du- tobazam əmərədda. ¹¹ Igmad-du Simɣon Butros aman illil-asan s arakab n əməzzəzdər wa əhan kifitan. Təmeday əd səmmosat təmərwen ən kifi əd karad əs kul win zawwarnen a t-əhanen mišan wər izzərrat. ¹² Inn-asa ɣaysa Ayewat tatšim wər iha inəttulab ihalan ad issəstən ɣaysa ann-as Ma təmosa Fəlas əssânan as Ǝməli awen. ¹³ Ihoz-tan-in ɣaysa, obaz-du tagəlla ikf-asan-tat, ikf-en əntada kifitan. ¹⁴ Taklat ta ənta a təmosat ənəfilal wa n karad d-iga ɣaysa i nəttulab-net dəffər tanakra-net daɣ təmattant ¹⁵ As ətšan inna ɣaysa i Simɣon Butros Simɣon agɣaysa, awak tidət as tara ta di-təge togar ta di-əgan nəttulab win hadatnen Inn-as Simɣon Ayew Ǝməli təssâna daɣ tara dak-əg. Inn-as ɣaysa Agəz za ijamaran-in. ¹⁶ Ig-as y əsəstan wa igi wa n əššin inn-as Simɣon ag ɣaxya, awak təreɣ-i Inn-as Butros Ayew Ǝməli təssâna daɣ tara ta dak-əge. Inn-as ɣaysa Ǝqqəl za amadan n ayfəd-in. ¹⁷ Ig-as y əsəstan wa igi wa n karad inn-as Simɣon ag Yaxya, awak təreɣ-i Ǝɣšadan man ən Simɣon Butros fəlas karad igitan das-ig ɣaysa y əsəstan wa. Inn-as Ǝməli, kay a issanan daɣ arat kul, təssânaɣ as əreq-qay inn-as ɣaysa Ǝssən za daɣ ayfəd-in. ¹⁸ Ǝggəyyeɣ əsilakanaɣ-ak as harwa taynaya, iman-nak as təlassa tabdoq-nak, tətakkaɣ edag wa tare, mišan as təqqalaɣ aɣmar, ad təzzəlaɣ ifassan-nak, assals-ik awedan iyyan tabdoq-nak, awəy-kay s adag as wər tareɣ iki-net. ¹⁹ Batu ta issoka sər-əs ɣaysa ənnuɣ ən təmattant ta z'agu Butros s ənta as z'assaknu adkul wa iga i Məššina As iga ɣaysa batu t inn-as Ǝlkəm-i ²⁰ Iswad-in Butros dəffər-əs ogga anattalib wa isannahal ɣaysa tara ikâm-asan-du. Anattalib wa ənta a isaɣɣamaran daɣ ihəz n ədmaran ən ɣaysa ahad wad tattin imensewan n əmud wa n Akkay, ənta deɣ as kala ad issəstanan ɣaysa inn-as Ǝməli, ma imos wa kay z'akkaddalan. ²¹ As t-ogga Butros issəstan ɣaysa inn-as Ǝnta za Ǝməli, ma daɣ-as ilkaman. ²² Inn-as ɣaysa kud tara a əgeɣ ad iddər har d-əqqəla, tədi wər kay-təqqel. kay əlkəm-i ɣas. ²³ Wazawazan salan daɣ məzzəgzan əs ɣsa as anattalib wa wər tu-z-iba Ǝnta ɣaysa wərgeɣ a inna wər tu-z-iba, tənna ɣas a iga kud tara acəgeɣ ad iddər har d-əqqəl tədi wər kay-təqqel. ²⁴ Anattalib wa ənta iman-net as iggəyyat fəl igitan win, iktab-ta Nəssân as təgəyya-net tidət a təmos. ²⁵ ɣaysa iga aratan wiyyad aggotnen. aas igmay awedan d a sər-san ammagrad s iyyan-iyyan, ordeɣ as əddənet ketnet da wər za tawəy əlkəttaban win z'iktəb.