¹ As iga ɣasa batu ta, ikka tama ta hadat n əgirer wa n kedron. Iggaz afarag n eškan illân-den ənta əd nəttulab-net. ² Edag wen issân-tu Yahuza Isxarəyuti wa z'akkaddalan ɣaysa, fəlas faw da itakk-ay ɣaysa ənta əd ənttulab-net. ³ Azzar-du Yahuza y agan ən sojitan ən kəl-Ǝrrum, əd magazan n Ahan wa Zəwwəran n Ǝlɣibada a d-əssîglan muzaran ən limaman, əd Farisaytan, ewâyan fətəlaten, əd belan, əd tezoli-nasan. ⁴ As din-ewadan ihoz-tan-in ɣayas issân daɣ arat ku wa tu-z-igrəwan, issəstan-tan inn-asa Ma imos was təsaggadam. ⁵ Ǝnnan-as ɣaysa wa n Nazaret as nəsaggad. Inn-asan Nak d da. Ibdâd gar-essan Yahuza wa t-ikkəddalan. ⁶ Amazay wa da daɣ dasan-inna ɣaysa Nak da da ənta a daɣ ərmaɣan əqqalan dəffər-san har udan. ⁷ Ilas ɣaysa inn-asan Ma imos was təsaggadam Ǝnnan-as ɣaysa wa n Nazaret as nəsaggad. ⁸ Inn-asan wərgeɣ ənneɣ-awan nak da da . Daɣ adi kud nak as təsaggadam, tayyim aytedan win da ad jəwənken. ⁹ Ǝmmək wen da as inda awal wa iga dat awen as inna wər daɣ-i z'ixrək waliyyan daɣ win di-təkfe ¹⁰ Ihâd-du Simɣon Butros ibây-du takoba-net iwat sər-əs akli n Ǝlimam wa zəwəran, ifras-du təməzzuk-net ta n əɣil. Akli wa esəm-net Malxus. ¹¹ Təzzar inna ɣaysa i Butros suɣəl takoba-nak tətərut Awak ad aqqama wər əgeɣ alɣazab wa di-ixkam Abba ¹² Təzzar obazan ɣaysa, əkradan-tu, əmosan egan ən sojitan ən kəl-Ǝrrum d əmuza-nasan, əd magazan n Ahan wa Zəwwəran n Ǝlɣibada a d-əssiglan muzaran ən kəl-Ǝlyəhud. ¹³ Ewayan-tu azzaran dər-əs s aɣaywan ən Xânan wa n ədaggal ən kayif wa imosan Ǝlimam wa zəwwəran daɣ awatay wen. ¹⁴ Amaran kayif ənta a igan i muzaran ən kəl-Ǝlyehud tanat ta n as ofa ad ammat awedan iyyanda daɣ adag ən tamattay. ¹⁵ Ilkam Simɣon Butros i ɣaysa ənta d ənattalib iyyan. Ǝnattalib wa izdây Ǝlimam wa Zəwwəran iman-net, təzzar iggaz afarag wa iɣlayan aɣaywan n Ǝlimam wa Zəwwəran daɣ amazay wa da daq-q iggaz ɣaysa. ¹⁶ Butros ənta iqqim-du dat ahan, ɣur əmi n aɣalla. Irdaɣ-du ənattalib wen, igraw ɣur təntut ta togazat təsəhərt ad tayyu Butros iggəz aɣaywan. ¹⁷ Təzzar tənna təmaššaɣalt ta togazat imi n ahan i Butros Wərge kay da iyyan daɣ nəttulab n aləs wa a təmosa Inn-as Wər t-əmos. ¹⁸ Asamed igâ ɣilayyalayan eklan əd magazan n Ahan wa Zəwwəran n Ǝlɣibada temsay ən təmakaten əsukusan sər-əs. Ik-en-in Butros ənta da ad isukus. ¹⁹ As itaggu awen isastan Ǝlimam wa Zəwwəran ɣaysa daɣ talɣa ən nəttulab-net, d əsəssəɣri wa itaggu. ²⁰ Inn-as ɣaysa Awal wa əge y əddənet, wər imos arat iɣbâran. faw da inan ən taɣaray ən kəl-Ǝlyəhud d-Ahan wa Zəwwəran n Ǝlɣibada a daɣ sasaɣra dad əddewan kəl-Ǝlyəhud kul, daɣ adi wər t-illa awal age daɣ əssir. ²¹ Mafəl as di-təsastana Səstən aytedan win di-əslanen d aratan win daɣ dasan- əmməgrada; əntanay əssâna daɣ arat wa ənnə. ²² As inna ɣaysa arat wa, iqqas-as iyyan daɣ magazan n Ahan wa Zəwwəran n Ǝlɣibada ibdâdan den, inn-as Ma kay-issəhalan igi n aljawab wa y Ǝlimam wa Zəwwəran. ²³ Ijjəwwab-as ɣaysa inn-as kud arak batu a əge, əməl-i edag wa daq qat-əge. kud amaran əgeɣ batu tolaɣat, ma imos əddəlil wa fə di-təggata. ²⁴ Issərdaq-qu Xânan da ikrad, issok-ay kayif wa n Ǝlimam wa Zəwwəran. ²⁵ As itaggu awen, Simɣon Butros illa den isukus əs təmsay en da. Itawann-as Wərge kay da arat daɣ nəttulab n aləs wa a təmosa Ilas Butros šigget ən ɣaysa inna kala kala wər t-əmosa. ²⁶ Inkar-du iyyan daɣ eklan n Ǝlimam wa zəwwəran, imosan əšəqqaɣ n aləs was d-ifras Butros təməzzuk-net, inna i Butros Wərgeɣ ənâyaq-qay təddewa dər-əs daɣ afrarag. ²⁷ Ilas Butros šgget ən ɣaysa. Amazay wen da daɣ iɣra əkəji aɣora. ²⁸ Immeway ɣaysa ɣur kayif s aɣaywan n ənaxkim, Itaggu awen ɣur əfərirəy n anay. Aytedan win də-əs d-əddewnen wər dər-əs əggezan aɣaywan wa n ənaxkim, fəl ad əttəfan tazdak-nasan har atšin amensay wa n Akkay. ²⁹ Awen da fəl sər-san d-igmad Bilatəs wa n əmuzar n akal ehan-net, ikk-en-du inn-asan Ma imos lahan wa fəl təbazam aləs wa. ³⁰ Ǝnnan-as Ǝnnar wər imos əməggi ən təkma, wər dak-k-idu-za-nawəy. ³¹ Inn-asan Bilatəs Awəyat-tu təxkəmam-as s əššəriɣa wa-nawan. Ǝnnan-as kəl-Ǝlyəhud Nakkanay wər nəla turagt ən tanaɣay n awedan. ³² Arat wa igâ fəl ad andu awal wa iga ɣaysa assaɣa wad imal ənnuɣ ən təmattant ta z'agu. ³³ Təzzar iqqal Bilatəs ehan-net iɣr-in ɣaysa issəstan-tu inna-as Awak kay daɣ a imosan əmənokal ən kəl-Ǝlyəhud. ³⁴ Inn-as ɣaysa Arat wa kay iman-nak as tu-tənne, meɣ ak aytedan wiyyad a dak-k-ənnanen sər-i. ³⁵ Inn-as Bilatəs Un nak iyyan daɣ kəl-Ǝlyəhud a mosa Tamattay-nak, əd limaman win zawwarnen a kay-d-ewaynen sər-i, ma imos arat wa təɣšada ³⁶ Ijjəwwab-as ɣaysa inn-as Taɣmar-in wər tat-təla əddənet ta da. Ǝnnar taɣmar-in təll-et əddənet a, ənkərnat-du təɣurad-in əknəsnat fəl ad wər əggəzaɣ ifassan ən kəl-Ǝlyəhud. kala kala, igmâd aššak as taɣmar-in wər tat-təla əddənet ta da. ³⁷ Inn-as Bilatəs Ak tidət as kay a imosan əmənokal ən kəl-Ǝlyəhud Ijjəwwab-as ɣaysa inn-as Kay da tənneɣ adi. Awalla əmənokal a mos. Arat da wa fəl d-əhəwa amaran ənta fəl d-əggazaɣ əddənet a t-imosan as as assa a d-əgey ad aggayyeɣ i tidət. Awedan wa ilkaman i tidət, kul issisam y awal-in. ³⁸ Inn-as Bilatəs Tidət za ma təmos Təzzar iqqal-du Bilatəs kəl-Ǝlyəhud inn-asan Fəl aganna za wa di-iqqalan nak, wər əhənnəya lahan waliyyan iga aləs wa. ³⁹ Mišan ya, daɣ arat wa imosan alɣadat âs id d-iɣlay əmud wa n Akkay a dawan-d-əkkəsaɣ iyyan daɣ məskəsa-nawan. Meqqal tarâm a dawan-sassayya əmənokal ən kəl-Ǝlyəhud. ⁴⁰ Ǝlasan adakal ən maslan-nasan wəllen ketnasan ənnan-as kala, kala, wərgeɣ ənta Barɣabbas as nəra danaq-q-idu-təkkəsa. Barɣabbas wa əjajəb n ənəffelləg a imos.