¹ Sədis adan dat Ǝmud wa n Akkay ikka ɣaysa Betanəy, s ənta daɣ Ixsar Lazarəs wa d-issodar daɣ təmattant. ² As din-osa ɣaysa tawaggan-as məgura olaɣnen. A du-tətaway Marta imensewan, Lazarəs amaran iha aytedan win naɣamanen əd ɣaysa ədrâwan dər-əs. ³ Təzzar tədkal-du Maryama aganna ən litər n alwardi iknan šizada d əzzəwi as itawannu nar, a tu-tənaqqal fəl daran ən ɣaysa, təmmas-tan əs jəkkad-net, idnay ahan ahan adu n alwardi. ⁴ Inkar Yahuza Isxarəyuti wa n iyyan daɣ nəttulab ən ɣaysa was enta tu -z-agin daɣ fassan inna. ⁵ <> ⁶ Arat wa wər t-inna fəl təhanint i tələqqawen ,kalar abaydag a imos ,amaran ənta a ittafan əssənduq wa itaggaz əzrəf ən nəttulab,iddakal daɣ awa t-ihan. ⁷ Eges ya inna ɣaysa : "Ayy-et !Alwardi wa kala da togâz-tu y əzəl wad za təwəga daɣ əzəkka. ⁸ Šiləqqawen faw da əllânat ɣur-wan, nak amaran wərgeɣ faw əlle ɣur-wan. ⁹ Təsla tamattay tagget ən kəl-Ǝlyəhud as illa ɣaysa den təzzar əkkan ehan wen, mišan wərge ɣaysa ɣas din-əkkan, kalar awnaf a tan-ihan ən lazarəs wa d-issənkar daɣ təmattant. ¹⁰ Təzzar əkkasan-du limaman win zawwarnen tanat n ad anɣin Lazarəs ənta da, ¹¹ fəlas əddəlil-net a fəl dəffər-san əfalan kəl-Ǝlyəhud aggotnen əzzəgzanan əs ɣaysa. ¹² As affaw əslan aytedan aggotnen a d-əkkanen amud, as ɣausa iggaz-du aɣrəm wa n Yerusalam. ¹³ Ǝdkalan-du ilədlad ən tagayt əglan əssəlkadan-as gannin s afalla Ozana Təmmal i Məššina iga Məššina albaraka daɣ wa d-osan s esəm n Ǝməli kay əmənokal n Israyil. ¹⁴ Igraw ɣaysa əhulel, iwan-tu, s əmmək wa əmalan Ǝlkəttaban as ənnan; ¹⁵ Ad wər təššəwəša ya wələt Səyon, əmənokal-nam əddi a din-izayan əddi, iwân əhulel. ¹⁶ Arat wa wər t-əgren nəttulab-net daɣ tizarat, mišan as igraw ɣaysa adkul-net, əktan-du as aratan win əmâlan-tan Ǝlkəttaban, amaran kul əndan fall-as ¹⁷ Tamattay ta təmməgnet assaɣa wa daɣ d-iɣra ɣaysa Lazarəs daɣ əzəkka issəkar-t-idu daɣ təmattan, təgəyyat-as. ¹⁸ Awen da fəl das-du-təssəlkad tamattay, fəlas əslân alɣalamat ta iga. ¹⁹ Təzzar ad tinəmənnin Farisaytan gar-essan Toggâm-tu Indar-awan a dər t-in-təkkam, har as aytedan kul əlkaman-as ²⁰ Ǝllan-tu arat ən kəl-Ǝlyunan əhanen aytedan win d-əkkanen Yerusalam y a daɣ-as əɣbədan Məššina daɣ adan en da n əmud en. ²¹ Ǝkkan iyyan daɣ nəttulab ən ɣaysa igan Filibus wa n təɣrəmt ən Betsayda ta n akal ən Galilaya, ənnan-as Nəgmay daɣ-ak a dana-tassakna ɣaysa. ²² Igla Filibus imal y Andrawəs, iddew dər-əs Andrawəs əmalan i ɣaysa. ²³ Inn-asan ɣaysa Alwaq ewad-du əmərədda wa daɣ z'əgrəwa nak Ag Aggadəm adkul-in. ²⁴ Ǝggəyyeɣ əsilakanaɣ-awan as tablalt n alkana as wər tərtek daɣ amadal təmmut, ad taglu təmos iyyadda, mišan as təmmut a du-tədwəl, tagu ara aggen. ²⁵ Awedan wa iran iman-net daɣ əddənet ta ad affatu daɣ alaxirat Amaran wa irdan ad isaffatu iman-net daɣ əddənet ta, wədi wər tu-z-əgmədan, kalar ad igrəw təməddurt ta təɣlalat. ²⁶ Awedan kul wa iran a di-išɣəl, ilkəmet-i, as iga edag wa əheɣ ənta a z'iggəz, akf-ay deɣ Abba-nin almaqam. ²⁷ Ǝmərədda əɣšadan man-in Ma z'anna Awak ad anna Abba safs-i daɣ assaɣat ta Mišan wər d-ewedaɣ alwaq wa, âr y a fall-i agu. ²⁸ Abba, sənnəfiləl təla-nak tanaya. Təzzar igmad-du əməsli ijənnawan inna Təla-nin tanaya əsinafalalaq-qat, amaran a tat-ələsaɣ əsənnəfiləl. ²⁹ Tamattay ta təllat den təsla y əməsli wa, a təɣil eggag. Ad əgannin Wiyyad Angalos das-iššewalan den. ³⁰ Inn-asan ɣaysa Ǝməsli wa wərgeɣ əddəlil-in a fəl d-iga, kalar əddəlil-nawan kawanay. ³¹ Ǝmərədda ad za tətəwəxkəm əddənet ta, itəwəstəɣ əmənokal-net Iblis. ³² Amaran nak as tawasahake fəl amadal əwara təgəttawt, a d-aɣraɣ aytedan kul əs man-in. ³³ Batu ta isidagan sər-əs təməwit tas tu-z-iba. ³⁴ Tənn-as tamattay Nənây daɣ Awal ən Məššina as Ǝlməsix ad agu təməddurt təɣlalat. Manəmmək amaran as dana-za-tannaɣ Ag Aggadəm ad itəwəsəhukət fəl amadal Ma imos Ag Aggadəm was təgannaɣ əddi. ³⁵ inn-asan ɣaysa Ǝnnur harwa da illa ɣur-wan, har agin arat n azzaman. jəwənkətat iket di ad t-illa fəl a kawan-wər-əɣdərnat šiyyay, fəlas wa ijawanken daɣ šiyyay, adi wər issen sas idag. ³⁶ Zəgzənat s ənnur harwa togazam, fəl ad təqqəlam kəl ənnur. As iɣrad ɣaysa igi ən batu ta igguk-kan, ikka edag wər əssenan. ³⁷ Alɣalamaten aggotnen šin iga ɣaysa dat-san, wər sər-san d ewaynat as sər-əs əzzəgzənan, ³⁸ fəl əd tandu batu ta iga ənnəbi Isayas as Inna Ǝməli, ma imos wa izzəgzanan s arat wa nəmal Ma imos was tənafalal tarna n Ǝməli. ³⁹ Ǝddəlil wa fəl wət əfregan ad əzzəgzanan da imal-tu ənnəbi Isaysa as inna. ⁴⁰ Məššina a tan-isaddarɣalan, issəɣar iwallan-nasan, fəl ad ib'as hannaynat šittawen-nasan, ib'as garrin wallan-nasan, fəl ad wər utaban, izzuzəy-tan. ⁴¹ Aratan win inn-en Isayas fəlas inây tanaya ən ɣaysa, immigrad deɣ daɣ batu ən ɣaysa. ⁴² As iga awen imuzaran iman-nasan da a daɣ-san aggen əzzigzanan əs ɣaysa, mišan wər əhelan emel n awen fəl təksəda ən Farisaytan, fəlas wər aren ad təwəkkəsan daɣ əljəmaɣat n ahan n əlɣibada ən kəl-Ǝlyəhud. ⁴³ Amaran əssofan saɣmat wa n aytedan tanaya ta ihakku Məššina. ⁴⁴ Idkal ɣaysa əməsli-net inna Awedan wa sər-i izzəgzanan, wərge nak ɣas as izzəgzan kalar wa di-d-izammazalan da izzigzan sə-əs. ⁴⁵ Amaran wa daɣ-i iswadan, adi wa di-d-izammazalan a daɣ iswad. ⁴⁶ Nak zun ənnur a mosa, əkke-du əddənet y âs i sər-i izzəgzanan wət z'aqqam daɣ šiyyay. ⁴⁷ As isla awedan i batuten-in iqqim wər tanat-ittef, wərge nak a tu-z-awaddaban, fəlas nak efsan n aytedan a d-əkke s əddənet, wərgeɣ attadib-nasan. ⁴⁸ Daɣ adi awedan kul wa di-olkan, iqqim wər iga tenbay daɣ batuten-in, wədi ill-ay wa tu-z-awwaddaban. Awal iman-net wa da əge da, a das-z-išrəɣan əzəl wa ilkaman. ⁴⁹ Fəlas aratan win dawan-əmala da, wərgeɣ nak a tan-d-inzaman ger-i əd man-in, kalar Abba wa di-d-izammazalan iman-net as di-omar s arat was di-iwar ad t-anna, əd was di-iwar a fəll-as ammagrada. ⁵⁰ Ǝssânaɣ as arat was omar ənta a itawayan əs təməddurt ta təɣlalat. Daɣ adi arat was əmməgrada, əmmək wa daɣ as di-t-imal Abba ənta as sər-əs əmməgrada.