¹ Azzaman en ,inalkiman en ɤysa titteyan wellen. Eway-du awen as gatantanan kel-Elyehud win essiwalnen telyunant fel kel-Elyehud win esswalnen telɤibrit felas wer tetawagga masnat tolâɤat daɤ tedoden-nasan sin as aba meddan -nasnet ɤur tezunt ta tawaggin mensewan akk ezel ² Adia fel sassagan nemmuzal win marraw d essin emeney teha eljemaɤat en nalkiman en ɤaysa kul ,ennan-asan : «wer ihor adf nayyu emel n awal en messina felad nannataf ed tezunt en mensenwan. ³ Daɤ adi imedrayan-nan , sennefrenat daɤ-wan essa meddan as tega masnat fel elluɤ-nasan, idkâr-tan infas wa zəddəgan, Emosan imusanan, a tan-nesennettef d esseɤel wedi. ⁴ Nakkanay amaran negmed s igi en tewatriwend esseɤel wa n amel n awal en messina ɤas.» ⁵ Tanat ten, toggam-tat a;ljamaɤat ketnet. Tezzar sannafranan estefanos imosan ales izzigzanan wellen, idkâr-tu deɤ infas wa zeddigan, ed Filibus ed Frukurus ed Nikanor ed timun ed barmenas ed nikolayos wa n eɤrem n anteyoxeya as kala-net eddin wa n kel-elyehud a iha . ⁶ Tezzar essebdadan-tan dat nemmuzal,essewaran -tan nemmuzal ifassan, etteran-asan. ⁷ Ad iteyttey eteweseɤmar wa itawaggan y awal en messina. Tezzar etteyan nalkiman en ɤaysa wellen daɤ yerusalam, fadda ehdan-du limaman en kel-elyehud aggotnen es ɤaysa, ezzegzanan as elmesix a imos, elkaman y awas omarz. ⁸ Estefanos ales a imos iknân agaraw n arraxmat ed tarna en messina .Itamazal dat aytedan aratan simaklalenen ed telmeɤjujaten emosen alɤalamaten zawwarnen. ⁹ Tezzar enkaran-du aytedan wiyyad n ahan n elɤibada en kel-Elyehud was itawannu «wan derfan» âs wiyyad in akal wa n kilikeya ed wa n Aseya ,ad tamazaɤan d estefanos. ¹⁰ Misan wer t-illa a der din -elekkân masnat ta t-ikfa Infas wa zeddigan ¹¹ Tezzar erzaman i meddan wiyyad daɤ essir fel ad esserwaran Estefanos bahu, ann-in : «Nesl-âs itaggu batuten emosnen ikus en tarna i messina ,emosat deɤ iba n safrar n ennebi Musa». ¹² Egan s awen alham daɤ tamattay ed muzaran en kel-Elyehud ed musanen n Ettewret . wer isla Estefanos wala as t -id-osan aytedan ebazan-tu .Ewayan-tu s asaggawar wa zewweran en kel-Elyehud ¹³ tezzar essebdadan sigeyyawen en bahu, ennanat : «Ales wa , wer itemezzy d abayak n ahan wa zeddigan[wa] d Ettewret. ¹⁴ Igmaâd assak as nesl-âs as inna,ikkâm ad ijebberejjet ɤaysa di en nazaret di ehan wa ,isemmettey alɤadaten sin dana-d-oyya ennebi musa» ¹⁵ Egaran aytedan ketnasan win asaggawar sittawen daɤ estefanos, iqqal ser-san udem-net zun in angolas.