¹ Ill-ay ales iyyan igân esm Ananeyâs a din-izzinzan ,enta ed tentut-net safira, tawogost-net ² tezzar inamarda ed tentut-net fel a din-ittef arat daɤ ezref wa din-tenza , eway-du awa hadan, ikf-ay i nemmuzal. ³ Inn-as butros : «Ananeyâs, mafel as toyyeɤ assaytan iga y ewel-nak iguz ogdân d awa , ewad daɤ ezref wa din-tenza tawagost-nak? ⁴ harwa tat-in -wer-tezzamza,wergeɤ tela-nak a teha? as tat-in-tezzenza deɤ,wergeɤ azref wa tat-in-tezzenza kay a ittafan tanta-net? wergeɤ aytedan as tegeɤ bahu, kalar messina es tu-tegaɤ.» ⁵ As isla ananeyâs i batu ten , ifataqqat, egmadan-tu man. teggaz tasa zewwerat aytedan kul win eslanen awen. ⁶ tezzar osan-t-idu. meddan en mawadan, egantu daɤ sifit , eglan. der-es enbalan-t-in. ⁷ Edag en karadat assaɤaten deffer awen ,tosa-tentut n Ananeyâs,wer tessen fel awa igan. ⁸ Issestan-tat butros ,inn-as «safira, emel-li ,awak tawagost-nawan azref wa tat-in -tezzenzam ,enta da da ketnet?» tenn-as: «Awalla,enta eddi da» ⁹ Tezzar inn-as butros: «manemmek es tenamannakam fel igi en taremt y infas wa zeddigan ? sesem , meddan win din-enbalnen ales-nam ellân dat emi n ahan ; a kamaweyan kam da. ¹⁰ tefataqqat tamazayt ten da ɤur daran en butros, egmadan-tat man .eggazan-du maddan winad en en mâwadan a, osan-tatdu wer tedder ,ewayan-tet enbalan-tat-in degma n eles-net ¹¹ eway-du awen as teggaz tasa labasat elkenisat ketnet d aytedan kul win eslanen awen. ¹² Taggin nemmuzal telmeɤjujaten aggotnen emosen alɤalamaten d arantan aggotnen simaklanen daɤ aytedan .tamanayan faw mezzegzan es ɤeysa ketnasan , daw tafala n ahan wa zewweran n elɤibada tas itawannu «ta n suliman» ¹³ Essiɤmaran-tan aytedan misan wer-t-illa i ihalan a tan -in-ihaz ¹⁴ Der iga awen da ya , titteyan s aytedan eknanen iget egânen daɤ meddan ed tedoden win zagzanen s Emeli. ¹⁵ Har as,tamawayan-dumiranan tawasanin daɤ tessaten madeɤ sisalaten fel afay en tarrayen en Yerusalem ,fel a din-tawed kuddeɤ telaɤ en butros wiyyad daɤ-san as d-illam den. ¹⁶ tazalan-du deɤ aytedan eknanen iget en ɤerman win ehoznen Yerusalam ,es Yerusalam ewâyan imiranan-nasan d aytedan-nasan win esseraman kelesuf .ketnasan deɤ tiwezuzeyan ¹⁷ Eggaznat tesmiten labasnen elimam wa zewweran enta d aytedan kul win teɤimit-net,en taggayt ta n sadusaytan, ¹⁸ tesser enkaran sattarmassan inemmuzal egan-tan daɤ kasaw dat awedan kul. ¹⁹ Misan osa-du amgolas m emeli ehad , olam sisehar en kasaw ,ikkas-tan-du,inn-asan ²⁰ : «Akkiwat Ehan wa zewweran n Elɤibada, temelam y aytedan isalan kul win temeddurt ta taynayat .» ²¹ Egan nemmuzal awa dasan-itawannan,enzayan s ahan wa zewweran n Elɤibada , a daɤ-as sasaɤrin aytedan as d-osa Elimam wa zewweran enta d aytedan win teɤimit-net,sassaɤran-du Asaggawar wa zewweran almaɤna iɤmaran kul win emosen siggetawen en kel-israyil,amaran essegmayan inemmuzal es kasaw . ²² Osan-in massaɤalan win tan-egmaynen ehan en kasaw ,misan wer tan-in -ogezan daɤ kasaw ,tezzar eqqalan egan isalan, ²³ ennan: «Nos-in kasaw ketnet itimantmmat ,ebdâdan sojitan win t-ogaznen dat mawan-net ,misan as nolam teseherten kasaw, wer daɤ-as-in-nosa awedan waliyyan.» ²⁴ As isla kabtan en sojitan win tegaznen ehan wa zewweran n Elɤibada, ed muzaran en limaman i salan win den ,eqqanan ɤafawan-nasan, ad samadranan daɤ awa z'iqqel awen ²⁵ Ehân ten da as tan -d-osa awedan,inn-asan : «sesmat! meddan win tegam daɤ-as tamattay.» ²⁶ Tezzar igla kabtan alwaq wen da iddêw ed sojitan-net ebazan-du inemmuzal,misan wer tan -edesan felas eksudan a ser-san du-tegged tamattay entanay en da, tanɤ-en es zabaw en tegu r ²⁷ As tan-d-ewayan , zezzakken-ten dat Asaggawar wa zewweran, tezzar issestan-tan Elimam wa zewweran ²⁸ inn-san: «wergeɤ nerɤâm-awan wellen fel a imosan esesseɤri n awedan waliyyan daɤ batu n esem di? misan eneyat awa tegam! tezawwazazam daɤ Yerusalam ketnet esesseɤri-nawan,tarâm a dana-tessewaram tamattantn eles di.» ²⁹ Inn-asan butros ed nemmuzal win hadatenn: «Messina as danaɤ-izlam a das-nabbardag,wergey aytedan! ³⁰ Messina ,Emeli en marawan-nana a d-issenkaran ɤaysa waS tegam iman-net s eteytey wa tu-tegam fel tegettawt ³¹ a da ,a idkal Messina ig-ay daɤ aɤil-net,ig-ay Emuzard Emaɤlas y ad igrew i kel-israyil tarrayt en tetubt,egrewan tesureft en bakkadan-nasan. ³² Nemos sigeyyawen n aqwen , nakkanay d Infas wa Zeddigan ihakku Mwssina y aytedan awin elkamnen i tara-net. ³³ As eslan muzaran n asaggawar wen i batu ten,iggaz-tan alham labasan ,eran a daɤ-san akkasan iman. ³⁴ Misan ibdad iyyan daɤsan en ttaggayt ta n Frisaytean igân esem Gamaleyel imosan enusan zewweran n Etteret , essiɤmaran aytedan kul , omar s ad tewekkesan nemmuzal daɤ ahan wa daɤ iag emeney har din-agin arat n amazay. ³⁵ Amaraninn-asan: « kel-israyil ,enkedat y a was teram a tu-tagim i maddan en ³⁶ wer irew adi as d-inkar ales igân tedas inna enta imos arat ,tezzar elkaman-as maddan ewâdnan ekkozat temad n ales.enta za iman-net itawanɤa keraz ,maddan win das-elkamnen wazawazan ibennan awen ketnet . ³⁷ deffer-es ,daɤ azzaman win tuddant ,inkar -du iyyan alers igân esem Yahuza wa n Galilaya ,isaffallag aytedan aggotenn kuyl,elkaman-as , Enta da za , itawanɤa kerez ,tezzar wazawazan aytedan kul wim das-elkamnen ³⁸ Daɤ adi daɤ talɤa ta ,ennesixa wa dawan-z-aga :Egmedat batu en meddan en , tayyin-tan ad aglin;felas kud arat wa enneyen madeɤ wa taggin wer imos ar arat arân aytedan a ,wedi ad inerejjet. ³⁹ Misankud arat a imos as messina a-t-iran wedi,wer tefregam ezerez-nasan.Enkedat ,a din-wer-tagrim imn-nawan temosam ellid en messina.» tezzar ettafan ennesixa-net. ⁴⁰ Sassaɤran-du inemmzal , sassagan-asan siwwit labasne s elkkud. Deffer awen erɤaman-asan fel a du-wer-elesamn adakal n esem en ɤaysa, amaran oyyan-tan ⁴¹ Elfalan nemmuzal ehan wa daɤ itamanay asaggawar wa zewweran ,eknân tedewit id messina a tan-isseharan d ad tawasaknin melke fel eddelil en ɤaysa ⁴² akk ezel ,ger za daɤ ahan wa zewweran m Elɤubada wala deɤ daɤ nan n aytedan ,wer kala emmezzayan d esesseɤri d igi en salan n Elinjil a tan-imosan âa ɤaysa enta a imosan Elmesix.