¹ Inna Agriffa i Buləs : «Təgrawa turagat n awal ,tagəzaɤ iman-nak.» Təzzar izzal Buləs əfus-net y a das-təssəsəm tamattay,inna: ² «Ya əmənokal Agriffa ,əbbələl zəwwəran a di-təmos tahakkay ta di-təgeɤ əzalada turagat n aggaz ən man-in daɤ aratan kul win as ənnan kəl-Ǝlyəhud əɤšadaq-qan , ³ wəllen as əhân-kay salan wəllen n alɤadaten-nasan kul d aratan kul win fəl tamazaɤan ,Daɤ adi , onsayaq-qay ad taga tazaydart ,təssəsəmaɤ-i ⁴ Kəl-Ǝyəhud kul əzdâyan-in harwa ɤur təmmədrəyt-in .Ǝssânan daɤ awa əgeɤ kul daɤtamattay-nin harkid deɤ daɤ Yerusalam . ⁵ Irəw as di-əzdayan ,amarayan as imos as ərdân ,əfrâgan a dak -aggyyen as , taggayt ta n Farisaytan a əheɤ ,s ənta a togarat əzəzzəwi daɤ əddin-nana. ⁶ Ǝmərədda nak da ibdadan da šarraɤa fəlas əgeɤ attama daɤ arkawal wa iga Məššina i marawan-nana . ⁷ Attama en da a əganat tawšeten -nana an marawat əd sanatat ,eway-du sər-snat awen əlɤibada ən Məššina əs gəlleyat ehad ezal ,əqqâlnat y ad andu .Ya əmənokal-in ,Agriffa ,attama en da za , a fəl di-əɤtasan kəl-Ǝlyəhud . ⁸ Ma fel as dawan -orna kawanay kəl-Ǝlyəhud əzəgzan âs Məššina ilkâm ad d-issənkər inəmməttan ? ⁹ Nak iman-in ,kala a ɤur-illa as ,iwâr-i-igi n arat kul wa əfraga fəl a din-anɤa esəm ən ɣaysa wa n Nazaret . ¹⁰ Arat wen iman-net a əgeɤ daɤ əɤrəm ən Yerusalam .Ǝkfan-i daɤ-as muzaran ən limaman turagat ,təzzar əbazaɤ inalkiman ən ɣaysa aggotnen əgeq-qan daɤ kasaw .Ǝwâraɤ aganna ən win tan-əbaznen s əššəriɤa wa n tamattant ta n kərəz . ¹¹ Ǝyyəwanaɤ ilum gər nan ən kəl-Ǝlyəhud win əlɤibada tawaddabaq-qan ,šahaššlaq-qan əbuder ən ɣaysa . Awa dasan -əge daɤ gezzar ,lakkamaɤ-asan əs ɤərman ən kallan win tamawen . ¹² Ǝzəl iyyan əššokala daɤ awen da əkkeɤ Damas ,əgrâwa turagat ɤur muzaran ən limaman n igi n awen imos as əntanay a di-əganen daɤ əššəɤəl wen . ¹³ Ya əmənokal -in,ewâyaɤ ənnur a d-igmâdan ijənnawan ogaran wa n təfuk əmələwləw as ibalazzat daɤ ɤələyɤəlayan-nana ,nak d aytedann win dər əddewa. ¹⁴ Nuda ketnana ,təzzar əsleɤ i wa di-innan daɤ təlɤibrit : ''Talut !Talut! Mas di-təzaɤazzaba ? Tugəyt-nak əs ləkkum i tara-nin ,wər tənfa wala ;wər təzlay əd ta n ays iddag məššis əs ɤayman '' ¹⁵ Ǝnneɤ-as :''Ǝməli ,ma təmosaɤ?'' təzzar inn-i Ǝməli :'' Nək awa, ɣaysa wa təzaɤazzaba. ¹⁶ Mišan ənkər ,təbdədaɤ ,fəlas ənifalalaɤ-ak fəl a kay-aggaɤ amaššaɤal-in əd təgəyya-nin a za taggayyeɤ y aytedan anay wa (di-) təgeɤ ,taggayyeɤ-asan deɤ awa kay-z assakna dəffər awa. ¹⁷ A kay-aggaza daɤ kəl-Ǝlyəhud ,əd təmattiwen šin tan-wər-nəmos ,əzəmmizəlaq-qay sər-san , ¹⁸ fəl tara šittawen-nasan,təkkəsaq-qan-du daɤ šiyyaɤ s ənnur ,əgmədan-du tarna ta n Iblis əlkəman i Məššina ,fəl ad əgrəwan təsureft ən bakkadan-nasan ,əgrəwan deɤ tadagart daɤ mizdagan əs tarrayt n əzəgzan sər-i''. ¹⁹ Ya əmənokal Agriffa ,əddəlil wədi ə fəl wər əmməzrayaɤ awa di-d-inafalalan ,igmâd-du ijənnawan .Igi ən Məššina a imos . ²⁰ kalar azzaraɤ əs kəl-Ǝlyəhud win Damas əd win Yerusalam ,d aytedan win Yahudəyya ketnet ,d aytedan win wər nəmos kəl-Ǝlyəhud ,taggay-asan təlxutbat gannaɤ-asan . ²¹ Ǝddəlil n awen da a fəl di-əbazan kəl-Ǝlyəhud daɤ Ahan wa zəwwəran n Ǝlɤibada,əgmayan əd tanaɤay-nin. ²² Tadhəlt ta di-iga Məššina a di-du-təšaššawadat əzəl wa n azalada ,tebadday ta əge da taggaɤ isalan-net y aytedan gər win wər nəla almaqam ,wala win t-əlanen ,wər d-əššotaɤ wala daɤ salan ən was əmalan ənnəbitan sa hadan d ənnəbi Musa âs a d-asu ; ²³ a t-imosan as ,Ǝlməsix ilkâm ad inəy alɤazab ,iba-tu ,izar-du deɤ i nəmməttan tanakra,iməl ənnur wa ihakku Məššina ,imosan isalan n əlɤillas , i kəl-Ǝlyəhud d aytedan win tan-wər-nəmos.» ²⁴ Harwada iššewal Buləs ,išarraɤ fəl man-net ,as idkal Festus əməsli-net ,inna : «kay Buləs əmməskəl a təgeɤ, igət ən taɤaray ta təgeɤ isammaskal-kay.» ²⁵ Inn-as Buləs : «Ǝmizwar Fəstus ,nak wər əmməskala .kalar awa ganna da ,tidət a imos ,təkfât əs tayttay . ²⁶ Amaran əmənokal Agriffa əhân-tu salan win di .Adi a fəl wər əksudaɤ igi-nasan dat-əs ,fəlas əkkâsɤ aššak as ,wər tan-iha waliyyan a das-ijhâlan ,id wər tawaggan daɤ əssir ²⁷ Ǝmənokal-in Agriffa awak təzzigzanaɤ s awa ənnan ənnəbitan ? Ǝssânaɤ as təzzigzanaɤ sər-əs» ²⁸ Təzzar inna Agriffa i Buləs : «Torda-nak a di-taga əlməsixi fəl arat n amazay !» ²⁹ Inn-as Buləs : «Gər za fəl arat n amazay wala ,əgmâya daɤ Məššina a kay dər-i išaššalan ,kay harkid aytedan kul win di-əssəsamnen da azalada ,as wər əhen sassaran win.» ³⁰ Təzzar inkar əmənokal Agriffa əd festus wa n ənaxkim əd Bernikəs d aytedan kul win dər naɤaman , ³¹ əgmadan tinəmənnin gar-essan : «Aləs wen wər iga arat walliyyan as ihor a fall-as ammat wala deɤ iggəz fall-as kasaw.» ³² Amaran innaAgriffai Festus : «Aləs wen ənnar wər igmay a das-išrəɤ Qaysara əmənokal wa zəwwəran ,itəwəyyu.»