¹ As iga Festus karad adan d iguz ən tizart ən Yahudəyya ,igmad aɤrəm ən Qaysarəya ,iggəzzay əs Yerusalam. ² As din-osa ,əmmənayan dər-əs muzaran ən limaman əd muzaran ən kəl-Ǝlyəhud ,əɤtasan ɤur-əs Buləs .A tu-tansayan , ³ a dasan-agu tənəfust n ad d-issuku Buləs Yerusalam y a daɤ-as išrəɤ.A gannin awen ,əntanay əgân eɤaf fəl a das-bəkəmmen daɤ tarrayt ,agin iman-net ⁴ Mišan inn-asan Festus : «Buləs kasaw wa n Qaysarəya a daɤ itawattaf ,amaran ənta iman-net ad iqqəl tarmâd. ⁵ Daɤ adi idawanet dər-i muzaran -nawan əs Qaysarəya,əɤətəsanet-tu den da kud ill-ay a iɤšâd.» ⁶ Iga Festus daɤ Yerusalam adan əllanen gər əttam əd maraw ,amaran iqqal Qaysarəya.As əzəl wa dəffər wen ,iqqim daɤ adag wa daɤ iššarraɤ ,təzzar omar s a dat-əs itəwəsəbdəd Buləs . ⁷ As d-osa Buləs ɤalayɤalayan-tu kəl-Ǝlyəhud win d-əgmadnen Yerusalam ,a tu-ɤattasan sawaran-tu igi n aratan aggotnen labasnen as wər əfrəgan əsəttəddi-nasan. ⁸ Iššewal Buləs y ad agəz ima-net ,inna: ' Nak wər əgəɤ ark amazal waliyyan immâran əššəriɤa ən kəl-Ǝlyəhud ,za wala Ehan wa zəwwəran n Ǝlɤibada wala deɤ əgəq-qu i Qaysara əmənokalwa zəwwəran.» ⁹ Festus irân igi ən tənəfust i kəl-Ǝlyəhud ,inna i Buləs : «Awak tərdeɤ s ad taggazzayaɤ əs Yerusalam dak-daɤ -as -əšrəɤa aratan win di?.» ¹⁰ Inn-as Buləs : «kala ,kala ! Edag n əššəriɤa wa ,in Ǝrrum ;daɤ adi da da ad za təwəšrəɤa .Wər əɤšedaɤ arat waliyyan i kəl-Ǝlyəhud ,kay iman-nak təssânaɤ wəllən daɤ adi. ¹¹ Kud əššəriɤa a əmməzraya ,madeɤ əgeɤ arat a di-issiwaran tamattant əɤšâdaq-qan bahu a əmosan ,wədi wər t-illa awedan ilân tarrayt n a di-agu daɤ fassan -nasan .Amaran ,dad zamas adi a igan ,wədi əmənokal a Qaysara as areɤ a di-išrəɤ.» ¹² Imaššawwar Festus əd məššewwar-net ,amaran inna i Buləs : «Ǝmənokal Qaysara as təreɤ a dak-išrəɤ , a tu -takka za.» ¹³ Arat n adan dəffər awen ,osa-du əmənokal Agriffa aɤrəm ən Qaysarəya ,iddew əd tamadrayt-net təgât a Bernikəs fəl ad əssəsləman a Fəstus agin-as alafəyat d assa . ¹⁴ Adan aggotnen win əgan den ,idkal-du daɤ-san Festus y əmənokal Agriffa isalan ən Buləs ,inn-as : «Illa aləs da,a d-oyya ənaxkim Felikəs daɤ kasaw . ¹⁵ Alwaq wa d-əkkeɤ Yerusalam ,əɤtasan -tu ɤur-i muzaran ən limaman d əmɤaran ən kəl-Ǝlyəhud , əgmayan s/daɤ-i a t-əzzəbəza s əššəriɤa . ¹⁶ Mišan ənneɤ-asan ,əššəriɤa wa n kəl-Ǝrrum wər itibəz awedan ar s ad išrâɤ.kundaba innəbdad awedan d aytedan win t-əɤtasnen ,agəz iman-net daɤ arat wa itawasawar. ¹⁷ Adi a fəl dər-i d-əddewan əs Qaysarəya .Ose-du ɤas ,as əzəl wa dəffər wen əqqima daɤ adag wa n əššərɤa omara s a d-ammaway aləs wen . ¹⁸ Ǝbdadan meddan win t-əɤtasnen ,mišan wər t-əssəwaran arak əmazal labasan waliyyan daɤ win əɤila. ¹⁹ Awa zaɤnin təmazaq ɤas təgât daɤ batu n əddin-nasan əd salan n aləs iyyan igân esəm ɣaysa abâ ,mišan igla Buləs immâl as iddâr . ²⁰ Nak iman-in wər əssenaɤ əmmək was z'əšrəɤa əzzənəf n aratan win den ,adi a fəl əssəstanaɤ Buləs kud irda s ad akku Yerusalam išrəɤ. ²¹ Mišan issof a das-išrəɤ Qaysara s ənta əmənokal wa dənnəg mənokalan . Adi a fəl omara s ad itəwigəz har t-itəwəsuku» ²² Amaran inna Agriffa i Festus : «Nak da areɤ ad asla y aləs wəd» Inn-as Festus: «Tufat a das-taslaɤ.» ²³ Ǝzəl wa dəffər wen iga-du əmənokal Agriffa assa wa n mənokalan ənta əd tamadrayt-net Bernikəs .Ǝggazan ehan wa n əššəriɤa əddewan əd kumandatan ən sojitan əd mizwaran n əɤrəm .Omar Festus s a d-ammaway Buləs ,təzzar immeway-du ²⁴ Amaran inna Festus : «Ǝmənokal Agriffa ,əd kawanay ketnasan win əmmənayen da, ənta da aləs was əddəlil-net a fəl di-d-osan kəl-Ǝlyəhud kul ,daɤ Yerusalam harkid deɤ da da ,gannin s afalla wər imməkkan ad iləs təməddurt ²⁵ Amaran nak za ,wər ənayaɤ as iga əmakal waliyyan a t-issiwaran tamattant ,mišan dad zamas ənta iman-net a igmayan a das-išrəɤ əmənokal wa dənnəg mənokalan ,wədi əge tanat təmosat a das-t-əssuka . ²⁶ Dər iga awen da ya ,wər əssenaɤ fəl arat waliyyan igmâd aššak daɤ talɤa-net a din-z-əktabdada dat-wan ,wəllen kay əmənokal Agriffa ,fəl a tu-nəssəstən , əssənaɤ awa z'əktaba daɤ talɤa -net ; ²⁷ fəlas wər sər-i ila almaɤna ad əssuka Qaysara amaskasaw as din-wər əmelaɤ əddəlil wa fəl itawattaf.»