¹ Səmmos adan dəffər awen ,osa-du Ananəyâs wa n Ǝlimam wə zəwwəran ,iddew-du d arat daɤ əmɤaran ən kəl-Ǝlyəhud igân esəm Tertuləs .Ǝɤtasan Buləs ɤur ənaxkim n akal Felikəs . ² Təzzar itawaɤra-du Buləs ,amaran issənta Tertuləs daɤ amel n aratan win as ənnan kəl-Ǝlyəhud iɤšâd-tan ,inna : «Ya əmizwar Felikəs ,əddəlil n aratan win təgeɤ a fəl igraw akal wa alxer aggen ,amaran təgeɤ ənnizam olaɤan i tamattay -nana fəl aššaddat ən təla-nak əgərri ³ Nətigudəy-ak wəllen daɤ adag kul aratan olaɤnen kul win təgəɤ ,ya əmizwar Felikəs ! ⁴ Wər areɤ a kay-səlluleɤ,batu-nana ši gəzzulat ,mišan əgmâya daɤ-ak fəl əddəlil n əlluɤ-nak a dər kay-nəzdây a dana-təssəsəma . ⁵ Nənây as a ,əlməssibat a imos ,igammayan d əsəffəlləg ən kəl-Ǝlyəhud edag əhan daɤ əddənet ,imos deɤ əmuzar ən taggayt arat n aytedan as itawannu Nazaritatan. ⁶ wala Ehan wa zəwwəran n Ǝlɤibada da ,igmây d əsəmmədəs-net ; nəbaz-tu.(Nərâ a das-nagu əššəriɤa wa-nana, ⁷ Mišan os-ana-du kumanda luseyas ,ibaz-tu daɤ-na s assahat , ⁸ omar deɤ a dat-ək əbdədan aytedan win əɤtasnen Buləs .) kay iman-nak as tu-təssəstana ,ad tənəya tidət ən təɤəttas kul šin das-nəga.» ⁹ Təzzar ərdan kəl-Ǝlyəhud əd batu ən Tərtuləs , ənnan tidət a təmos. ¹⁰ Isaddagan ənaxkim i Buləs ad iššiwil .Inna Buləs : «Isidawat-i a dat-ək aga batu tas əgməyaɤ aggaz ən man-in ,fəlas əssânaɤ əmənokal- in as ,irəw təmosaɤ amašraɤ ən tamattayn akal wa. ¹¹ kay iman-nak təgrâgaɤ ad təssənaɤ kud tidət wala bahu as,a ilân maraw adan d əššin ad əggəzzayaɤ əs Yerusalam y a daɤ-as əɤbadaMəššina. ¹² Wərmâd a di-ənâyan daɤ Ahan wa zəwwəran n Ǝlɤibada ,wala daɤ nan win əlɤibada ,wala deɤ daɤ əɤrəm ,mišawala d awedan waliyyan za wala jinajarwayaɤ tamattay. ¹³ Aytedan win ,wər əfregan əsəbdəd ən təɤəttas šin di-əgan da . ¹⁴ Mišan ya ərdeɤ s arat iyyanda ,amaran ad t-anna dat-ək ,a t-imosan as : Məššina di n Ǝməli ən marawan-nana as əlkama əs təməwit tas tu-tənna tarrayt ta n Ǝlməsix ɣaysa,tas gannin əntanay taggayt . Ǝzzigzanaɤ s arat kulmwa iktaban daɤ Ǝttəwret d Ǝlkəttaban n Ǝnnəbitan. ¹⁵ əgêɤ attama wa daɤ Məššina ,amaran əntanay da əgan-tu , a t-imos as təll-ay tanakradaɤ tamattant ,gər za y aytedan win oɤadnen wala win wər noɤed. ¹⁶ Adi a fəlas faw da gammaya nak da wəllen a di-wər -təggəz tərək n a labasan dat Məššina wala deɤ dat aytedan . ¹⁷ A ilan elan ad əgmadaɤ Yerusalam ,as əmərədda əqqala-du y a d-awəyaɤ i tamattay-nin širgiten ,aga deɤ šikutawen šin izzəlzam Məššina . ¹⁸ Awa da a əheɤ as di-d-osan kəl-Ǝlyəhud win Asəya daɤ Ahan wa zəwwəran n Ǝlɤibada , əssindaɤ arat wa di-issənwar əššərɤa daɤ salan n əzəzdəg-in ; ¹⁹ wərmad ɤur-i təlla tamattay za wala əssinkara ajeqqaɤ n aytedan ,Ǝntanay as ihor a dat-ək əbdədan ,əɤtəsan-i ɤur-ək .kud ənta əlân n əddəlil waliyyan. ²⁰ Madəɤ əməlan aytedan win əllanen da lahan was inna Asaggawar wa zəwwəran əgêq-qu alwaq wa dar-əs əbdada, ²¹ a wər nəmos as ənneɤ gar-essan s afalla :'' a Wər di-issəbdad dat-wan azalada y a di-təšrəɤam ar fəl as əzzəgzanaɤ as ilkâm a d-ənkəran nəmməttan.''» ²² Felikəs əhân salan wəllən ən tarrayt ta n Ǝlməsix ɣaysa ,as isla i batu ten ,izzəraz əššriɤa har iyyan əzəl ,inna : «As d-osa Lusəyas wa n kumanda ad əxtəsa əššəriɤa-nawan.» ²³ Təzzar omar Felikəs kabtan s ad agəz Buləs ,mišan ad wər itəwədgəz ,wala itəwəgdəl y aytedan -net a daɤ-as əssənan. ²⁴ Arat n adan dəffər awen ,osa-du Felikəs iddew əd təntut -net Drusila .təmosat wələt əlyəhud; təzzar isassaɤra-du Buləs ,issəsam i salan win itaggu daɤ batu n əzəgzan s Ǝlməsix ɣaysa. ²⁵ Mišan as d-ewad Buləs isalan win əqqalnen taqqat d ənudi daɤ man d əššəriɤa ən Məššina wa d-izayan ,təggaz tasa Fəlikəs ,inn-as : «Ǝmərədda aglu ,as əgrawa təmazayyat n a dər-ək məšiwala, a kay -d-ələsaɤ əsəssəɤr.» ²⁶ A itaggu Felikəs awen ,igâ attama daɤ ad t-akfu a Buləs azrəf ,adi fəl t-id-isasaɤru itaggu dər-əs takkayt. ²⁷ Awen da a igan har əgan əššin elan .Igmad Felikəs tizart, iggaz Borkəyəs Festus edag-net .Oyya-du Buləs daɤ kasaw fəl ad agu tənəfust i kəl-Ǝlyəhud.