¹ « Imədrayan -in d-abbatan-in ,səsəmat əmərədda a kawan-sassagra tadləmt ta tawagga.» ² As das-əslan iššewal-asan daɤ təlɤibrit ,əssotan daɤ əsəsəm y-as ;təzzar inn-asan : ³ «Nak Ag-Elyəhud a əmosa ,ihəwan daɤ əɤrəm ən Tarsa ihân akal ən kilikəya ,misan aɤrəm wa daɤ ədwala,əɤreɤ daw Gamaləyel .Isassaɤri-i s əllugh ləkkum y əlqanun n aljad-nana.Ǝgeɤ gelleyat daɤ ləkkum y əlqanun n aljad-nana.Ǝgeɤ gəlleyat daɤ ləkkum i Məššina šilat ən ta təgam azalada. ⁴ Ǝzaɤazzabaɤ aytedan win əhanen tarrayt ta da ən ɣaysa ,har əgmadan man wiyyad ,karrada meddan əd tədoden,əggaraq-qan daɤ kasaw ⁵ Ǝlimam wa zəwwəran d Asaggawar wa n əɤmaran əggəyyen fəl adi. Ǝntanay fadda a di-əkfanen širaəkkanen imədrayan-nana , kəl-Ǝyəhud win Damas,fəl ad əgrəwaas din-oseɤ tarrayt n abbaz ən nalkiman ən ɣaysa kul win t-əhanen , awəyaq-qan-du əs Yerusalam əkrâdan fəl ad awwaddaban . ⁶ Ǝššokala za daɤ awen da, as din-əhozaɤ aɤrəm ən Damas attayan n ammas n azal , wala a ihogan , ⁷ ibalazzat ənnur labasan a d-igmâdan ijənnawan daɤ ɤələyɤəlayan-in Udeɤ, əsleɤ y əməsli iyyan as di-inna : ''Talut,Talut ma fel as di-təzaɤazzaba? ⁸ Ǝməli ,ma təmosaɤ? Inn-i:''Nak awa,ɣaysa wa n nazaret,wa təzaɤazzaba'' ⁹ Ǝnâyan aytedan win dər əddewaɤ ənnur wen ,mišan wər əslen y əməsli wa di-iššewalan Təzzar ənneɤ :''Ǝməli ,mas di-iwar igi -net ?''Inn-i Eməli :Ǝbdəd , ¹⁰ takkaɤ aɤrəm ən Damas , a dak -daɤ-as-attamal arat kul was kay iwar igi-net .'' ¹¹ Ǝddərɤala fəl təllabest n ənnur en ,təzzar əbazan aytedan win dər əddewa əfus-in ,əlwayan -i əs Damas ¹² Amaran Damas ih-et aləs iyyan igân esəm Ananəyâs iksudan Məššina wəllen ,ilkâm y əlqanun -nana as kəl-Ǝyəhud kul win Damas əssiɤmaran-tu Os-i-du ¹³ ,ibdad dəgma-nin ,inn-i: Amadray-nin Talut ,iqqəlet-kay-du asawad-nak .''Iqqal-i-du asawad-in tamazayt ten da ,ənayaq-qu ¹⁴ Inn-i deɤ:''Məsšina wa əɤbadan marawan-nana a kay-isannafranan harwa dat alwaq, y a kay-issusən tara-net, ¹⁵ id ad təqqəla təgəyya -net dat aytedan kul ,təməlaɤ-asan awa tənayaɤ d awas təsleɤ. ¹⁶ Ǝmərədda mas təqqala? Ǝbdəd ,tətəwəsəlməɤa daɤ aman ,tansəyaɤ Ǝməli a kay-izzəzdəg daɤ bakkadan-nak. ¹⁷ Dəffər awen əqqala Yerusalam .Tattara əzəl iyyan daɤ Ahan wa zəwwəran n Ǝlɤibada as di-tobaz tarna n Infas wa zəddigan. ¹⁸ Ǝnayaɤ Ǝməli,inn-i:''Ǝtrəb,təgməda Yerusalam tarmâd ,fəlas wər z'əqbəlan aytedan -net təgəyya ra fall-i tətagga .'' ¹⁹ Təzzar ənneɤ-as : ''Ya Ǝməli ,wərgeɤ əntanay iman-nasan əssânan daɤ əmmək was kala ad tilala inan n əlɤibada s iyyan iyyan ,saɤfalaɤ aytedan win sərək əzzəgzənnen ,əggataq-qan ? ²⁰ as itawanɤal deɤ əzni n Ǝstefanos imosan təgəyya-nak iman-in əlleɤ den ,ərdêɤ s ətəwənɤa-net ,nak a ogazan ibərnaz n aytedan win əganen iman-net .'' ²¹ Amaran inn-i:''Aglu ,nak a kay-z-izəmmizəlan s igəg ,əssukaq-qay aytedan win wər nəmos kəl-yəhud''» ²² Ǝssisaman -as aytedan har d-idkal batu n aytedan win wər nəmos kəl-Ǝlyəhud ,təzzar saɤarən daɤ jənnawan gannin : «Itəwəkkəset awedan wa fəl amadal !Awedan šilat ən wa ,wər immək ad iləs təməddurt .» ²³ Takkasan imaslan saksoden , əggaran -in ibərnaz-nasan ,əggaran aboqqa ,daɤ alhawa ²⁴ Omar kumanda s ad itəwəzugəz Buləs ammas ən barəki ,təwəgginat-as təwit s ələkkud fəl a dasan-iməl əddəlil wa fall-as təsaɤarat tamattay. ²⁵ Mišan as t-əkradan y a das-agin šiwwit ,inna i kabtan wa illan den : «Awak təlâm tarrayt ən təwit n iyyan daɤ kəl-Ǝrrum wər ibez əššəriɤa harwada ?» ²⁶ As isla kabtan en y awen ,igla imal i kumanda inn-as : « Ma tətagat da? aləs a,in Ǝrrum !» ²⁷ ikka-du kumanda Buləs ,inn-as : «Tidət as kay in Ǝrrum?» Inn-as Buləs: «Awalla!» ²⁸ Təzzar inna kumanda :«nak ,azrəf aggen a əzzənza tišit n iyyan daɤ kəl-Ǝrrum.» Inn-as Buləs : «nak ələsəl-in a təmos .» ²⁹ Tarmâd as fall -as əzzənkazan sojitan win as zama a t-əggazan šin tanaɤay y a tu-šəššiwəlan ,kumanda iman-net as issan as iyyan daɤ kəl-Ǝrrum a isassakrad den əs sassaran ,təggaz-tu tasa.