¹ As ədraran aytedan ,isassaɤra-du Buləs inalkiman ən ɣaysa ig-asan ənnəsixa issəsmad iwallan-nasamn ,amaran inamagga dər-san šiwatriwen,igla ikka akal ən Masedonəya ² Irzag akal en itaggu ənnəsixatan , aggotnen i nalkiman ən ɣaysa ,italan-asan fəl man , dəffər awen ikka akal wa n kəl-Ǝlyunan. ³ Iga saɤ-as karadat təlil .Isimutug y iguz n əɤlal n aman s akal ən Surəya as t-əggazan salan n as əgân kəl-Ǝlyəhud eɤah fəl a t-anghin ,təzzar iga tanat n ad iqqəl dəffər-əs ,agu tarrayt ta n Masedonəya ⁴ Iddew əd sofatrəs ag Fərəs wa n əɤrəm ən Berawya , d Aristarxus əd Səkəndus win n əɤrəm ən Tesalonik, əd Gayəs wa n əɤrəm ən Derbe , əd Tišik əd trofiməs win n akal n Asəya amaran əd Timotay . ⁵ Ǝglan meddan win ,azzaran-anaɤ,əqqalan -anaɤ daɤ əɤrəm ən Trowas . ⁶ Amarasn nakkanay as fall -anaɤ okay əmud wa daɤ tattin aytedan šigəlwen šin wər iha xamira ,nəggaz aɤlal n aman daɤ Filib nəkka trowas .As nəga səmmos adan fəl agaraw nos-en-in ,nəga den əssa adan ⁷ As əzəl wa n alxad imosan əzəl wa azzaran daɤ jilan ,nəmmənay daɤ adag iyyanda y ad nədrəw imensewan win saktan.Išsewal Buləs i nalkiman ən ɣaysa win əllanen den har isiggaraygaray ahad fəlas əšikəl a fəl insa ⁸ Ǝhanat fətəlaten aggotnen ehan imosan suru wa daɤ nəmmənay ⁹ A iššewal Buləs den ,iqqim aləs iyyan n əmawad igân esəm Yutəxos fəl fənetər .Illa den har t-iggaz etəs ad itanaddam .Igla har daɤ-as igla etəs wəllen ,ifataqqat,ikka amadal.Fənetər ən suru wa n karad a fəl d-ifataqqat den .As d-immədkal ,wər idder . ¹⁰ Izzəbbat-du sər-əs Buləs ənta da, ifataqqat fall-as,izalammat-tu ,inna : «Ad wər təššəwəšam ,iddâr.» ¹¹ Təzzar iqqal Buləs ehan wa d-izzebbat ,izun imensewan win saktan ,as ətšan, ilas Buləs iššewal-asan har du-təgmad təfuk,əddi amaran ad igla ¹² Ǝmawad ənta ,əddewan dər-əs aytedan s aɤaywan iddâr ,wər ila əɤəli.ketnasan olam-asan awen wəllen fəl man. ¹³ Nakkanay nəgla nəggaz aɤlal n aman nəkka aɤrəm n Assos ,nazzar i Buləs .Den da a fall-ana du -z-iggəz aɤlal ,imos as awen da as otas igi-net.Ǝnta iman-net a ira a din-ijəwənkət ¹⁴ As dana-d-osa daɤ Assos ,nənamaggaz dər-əs aɤlal n aman ,nəkka aɤrəm ən Mitilenəs. ¹⁵ Nəgmad Militlenəs nəhâ aɤlal n aman ,as əzəl wa hadan nəmmodaɤ y akal imosan gərwətlan as itawannu Xəyyaw,əzəl wa dəffər wədi newd wa n Samos ,əzəl wa dəffər wədi nosa aɤrəm ən Miletəs ¹⁶ Igâ Buləs tanat n as ,wər z'immər Efez ad wər allalat daɤ akal n Asəya, fəlas irrorad Yerusalam fəl a daɤ-as t-agu əmud qwa n Fantəkawt, kud adi ifrâg igi. ¹⁷ Ǝzəbbi wa nəga daɤ Miletəs a ɤur izammazal Buləs awedan,issəgmay imuzaran n Ǝlkənisat n Efez ¹⁸ As t-id-osan inn-asan: «kawanay iman-nawan əhân-kawan salan ən tassaq ta dər-wan əgeɤ ,wa d-əggazaɤ akal n Asəya əzəl w'azzaran ,har awas kawan-əfala; ¹⁹ d əmmək was tagga əššəɤəl n Ǝməli əssirasaɤ iman-in daɤ arat kul ,iddew-i awen əd məttawan əd təməɤutar šin sər-i du -tawaynat ark tənagmayen sin di-taggin kəl-Ǝlyəhud ²⁰ Tessânam deɤ as , wər kala a dawan-əɤbara arat waliyyan a dawan-təha tənfa ,aqqama wər dawan-t-əmela ,sassaɤr-awan-tu ,gər za dat aytedan wala deɤ daɤ nan-nawan ²¹ Wər kala əmməzzaya d agamay daɤ kəl-Ǝlyəhud əd win tan-wər-nəmos ad utaban əs Məššina ,əzzəgzənan s Ǝməli-nana ɣaysa ²² Amaran əmərədda nak da izzəlzam Infas wa zəddigan iki n Yerusalam ,wər əssenaɤ awa di-iqqalan daɤ-asa ²³ Arat iyyanda ɤas a daɤ əssanaɤ as,ig-i Infas wa zəddigan ta daw aɤaf as ,aɤrəm oseɤ da ilkâm daɤ-i kasaw d alɤazab ²⁴ Wər ɤur-i təmos təməddurt-in fadda wala,arat wa ɤur-i t-imosan a d-əssəsəla arat wa dəffər ozala ,əɤrəda əššəɤəl wa daɤ-i iga Ǝməli ɣaysa ,imosan emel n Ǝlinjil a əhan salan n arraxmat ən Məššina. ²⁵ Amaran əmərədda əssâna daɤ-as ,kawanay win gər əllama da ,əmmâla Taɤmar ta n Məššina , wər di-za-tələsam anay ²⁶ Adi a fəl kawan-əgeɤ azalada šigəyyawen n as,ab'as di-iwar alxaq n əzni ən waliyyan daɤ-wan ²⁷ Fəlas wər kala a dawan -əɤbaraɤ arat waliyyan ,əmâlaɤ-awan tarrayt kul ta d-iktab Məššina ²⁸ Daɤ adi ənkədat əd man-nawan ,təssənam deɤ daɤ tamattay ketnet tas kawan-iga Infas wa Zeddigan imagazan-net ,tagim y Ǝlkənisat ən Məššina təmədint tolâɤat,ənta di da a d-izzənza Ǝlməsix s əzni wa-net iman-net ²⁹ Ǝssânaɤ ,nak as əgleɤ a kawan-d-əggəzan aytedan wər nəzlay əd təzoriyawen labasnen ,wər za nayyu Ǝlkənisat-nawan wər tat-ədesan ³⁰ Kawanay iman-nawan da , əhân-kawan aytedan as za safraɤnen tidət fəl ad əssəxrəkan inalkiman ən ɣaysa. ³¹ Daɤ adi agat ənnəyat ,a du-təkattin as karad elan a əgeɤ sasaɤraq-qawan s iyyan iyyan ehad əzal ,əssirtayaɤ awen əd məttawan ³² Amaran əmərədda əssiɤlafaq-qawan i Məššina əd salan win əmmalnen arraxmat-net . Məššina ifrâg əsəssuhi n əzəgzan-nawan d əsəttəddi n agaraw wa za tagim daɤ təkasit ta issənsa y aytedan kul win zaddognen. ³³ Wər di-ides as əgêɤ attama-nin dagh əzrəf wala urəɤ wala isəlsa n awedan waliyyan ³⁴ kawanay iman-nawan təssânam as , ifassan win-da-nin as əšɤala,əkneɤ s əššəɤəl-nasan tuməɤlaten-in əd šin midawan-in win dər əddewa ³⁵ Faw saknaq-qawan as , əmmək en da as kawan-iwar kawanay-da, ad təšɤəlam fəl ad tilalam i maddararan a du-təkattim batu ta iga Ǝməli ɣaysa ənta iman-net, as inna :'' Ǝbbələl wa itaggu awedan wa ikfa,ogar wa itaggu awedan wa igrawan" ³⁶ As inna Buləs awen ,igaraffat ənta dər-san ad itattar ³⁷ ketnasan hallin ,tizələmmen Buləs ,tamallen-as ³⁸ Arat wa iɤšadan iman-nasan wəllen, tənna ta dasan-iga ,wər tu-z-ələsan anay . Amaran əntagan-tu har osa aɤlal n aman.