¹ Iga Buləs əd silas tarrayt ta tərzagat Anfibolis d Abollonəya har din-osan aɤrəm ən Tesalonik a daɤ əlân kəl-Ǝlyəhud ehan n əlɤibada. ² Os-en -in Buləs ,awa da itaggu fawda .Iga den karadat əssəbəten itiməsiwil əd kəl-Ǝlyəhud daɤ salan n awa ənnan Ǝlkəttaban . ³ Isassagr-asan-tan ,issosan-tan âs, Ǝlməsix ilzâm -tu ad aɤaɤazzab iba-tu, təzzar inkər-du daɤ təmattant.Igann-asan deɤ : "ɣaysa wa dawan -əmmala da, ənta Ǝlməsix. ⁴ Ǝzzəgzanan wiyyad daɤ-san s awa igannu,təzzar əwaran aganna ən Buləs əd silas, əntanay əd kəl-Ǝlyunan əkanen igət ən miksadan ən Məššina əd tədoden aggotnen əlânen esəm daɤ əɤrəm. ⁵ Mišan əggaznat təsmiten labasnen tessam ən kəl-Ǝlyəhud ,əssedwan-du ark aytedan win əssuk,əqqalan tiddawat təzzar jannajarwayan aɤrəm. Ǝstaban y ahan ən Yason gammayan Buləs əd silas fəl a tan-əssəbdədan dat aljamaɤat təsrəɤ-asan ⁶ Wər ɤur -əs tan-əzəgzan har tan-əlwayan Yason ənta d arat faɤ məfrayan daɤ əzəgzan har tan-əssəbdadan dat naxkiman mn əɤrəm ,ad gannin s afalla : "Aytedan win ,əddənet ketnet as sər-əs d-ewayan iba n alxer , əmərədda əntanay da . ⁷ Amaran yason a tan-igan daɤ aɤaywan-net .ketnasan tamazrayan əlqanun n əmənokal-nana Qaysara fəlas tənna a taggin ill-ay iyyan əmənokal igân esəm ɣaysa." ⁸ Isalan win den as sasantəsla tamattay əd naxkiman n əɤrəm əgan assawasa labasan ⁹ Egan azrəf daɤ Yason d aytedan win ɤur-əs əllanen,har t-ərzaman as tawayyan. ¹⁰ Tarmad as əssohan mədrayan daɤ əzəgzan Buləs əd silas aɤrəm ən Berawya ahad wenda. As t-in-osan,əggazan ehan ən kəl-Ǝlyəhud wa n əlɤibad ¹¹ Ǝssəknan-tan kəl-Ǝlyəhud win Berawya əlləllu ogaran wa tawasaknan daɤ tesalonik .Ǝntanay əknân əlqəbulat n awal ən Məššina .Ǝzəl kul ɤarran Ǝlkəttaban ,tasaggaran kud awa igannu Buləs tidət a imos wala ¹² Ǝway-du awen as əzzəgzanan wiyyad daɤ-san aggotnen,əntanay əd tədoden ən kəl-Ǝlyunan tiwasaɤmarnen əd meddan aggotnen ən kəl-Ǝlyunan. ¹³ Mišan as əslan kəl-Ǝlyəhud win tesalonik as aɤrəm wa n Berawya ənta da immâl daɤ-as Buləs awal ən Məššna,əkkan-tu ənta da,əgan arak man daɤ aytedan,jannajarwayan aɤrəm ¹⁴ Den da ad ənkaran nalkiman ən ɣaysa əššəglan Buləs, əssokan-tu tama n agaraw. Silas əd Timotay əntanay əqqiman-du daɤ Berawya ¹⁵ Aytedan win məssidaw ən Buləs, əddewan dər-əs har tu-sassawadan aɤrəm n Atena ,amaran əqqalan ewâyan əmazal ən Buləs i silas əd Timotay n as , a das-d-əlkəman tarmâd. ¹⁶ A iqqal Buləs i midawan-net dagh əɤrəm n Atena ,tamatsin man-net alham n igət wa əgan əssənəman daɤ əɤrəm wen ¹⁷ Təzzar ad itakku ehan ən kəl-Ǝlyəhud wa n əlɤibada itiməsiwil dər-san əntanay d aytedan wiyyad ən miksada ən Məššina , itakku deɤ akk əzəl asammanay n əɤrəm, itiməsiwil əd win dər itamanay ¹⁸ Itiməsiwil deɤ Buləs əd meddan wiyyad ən musanan ən taggayt ta n Ǝfikurəyan d Ǝstoyisəyan. Tamazaɤan dər-əs wiyyad daɤ-san gannin : "Wa akk tawalaqqat ,ma igannu?" Wiyyad gannin : "Ǝs tanna imalan wiyyad wər nəzday as immâl isalan n Ǝlinjil,itagg-asan isalan ən ɣaysa əd tanakra-net daɤ təmattant. ¹⁹ Təzzar əkkan dər-əs s asaggawar n əɤrəm n Atena as itawannu Aryofagəs ,ənnan-as: "Ag-ana isalan ən masnat təzrâyat ta dər du-tosəɤ da , ²⁰ fəlas təssislaɤ-ana aratan wər nəzday ,as nəra ad nəssən almaɤna-nasan." ²¹ Ǝntanay kəl-Atena kul əd naftaɤan win tan -əhanen, wər əgmedan ar s awal d əsəsəm i salan win d-əzraynen. ²² Ibdad Buləs daɤ ammas n Aryofagəs inna: "Hannaya wəllen as, Kawanay kəl-Atena təddinam wəllen , ²³ fəlas əssiɤlaya daɤ əɤrəm-nawan, zigazdaɤ idaggan win daɤ təɤabbadam imalan-nawan,əssiha fadda fəl adag a daɤ tawakfinat təkutawen fəl iktâb : ''Edag n əlɤibada n əməli wər nətawassan''. Ǝməli ea təɤbadam da wər tu-təssenam, ənta as dawan-əmmâla isalan-net da . ²⁴ Məššina wa d-ixlakan əddənet d arat kul wa tat-ihan ,ənta a imosan Ǝməli ən jənnawan d amadal, wər ixser daɤ nan n əlɤibada əkrâsan fassan n aggadəm, ²⁵ wala iddirar s a ikna aggadəm fəlas wər iddərar əs wala.Ǝnta a isuduran,ihakku infas,ihakku arat kul ²⁶ Ixlak-du tawšeten n əddənet kul daɤ awedan iyyanda ,y ad əxsərnat fəl əruru n amadal ketnet .Ixtas-asnat azzaman,iga deɤ šizəraz i kallan win daɤ əxsaran ²⁷ Igâ Məššina awen fəl ad t-əgməyan aytedan kuddeɤ s adez,mijas a t-əgrəwan; kuddeɤ as wər danaɤ-iha i iggug ²⁸ Fəlas ənta a ittafan təməddurt-nana d əmətəkwəy n akk iyyan daɤ-na d awa nəmos. Adi da a ənnan arat daɤ məssiway-nawan wiyyad əs tənna ta əgan: ''Awalla,nakkanay da nəmos bararan-net '' ²⁹ Daɤ adi dad zamas nəmos bararan ən Məššina,wər imməkkan ad nardu as iha šaššelan n əssənam igân daɤ urəɤ , wala azrəf, wala təhunt,a d-inzâm awedan gar-es əd man-net ³⁰ Ǝljəhəl wa əgan aytedan daɤ aratan win di,wər fall-asan t-ixsed Məššina daɤ elan win təljuhəla,mišan əmərədda omar aytedan kul ,edag əhan ,əs tətubt ³¹ fəlas ilkâm əzəl igâ təmastant ,wa daɤ z'agu y əddənet ketnet əššəriya oɤâdan,Isinafran aləs wa z'agu daɤ əššəɤəl wədi,Issikna adi y awedan kul s əsənkər wa t-id-iga daɤ təmattant." ³² As əslan i Buləs iššewal daɤ batu ən tanakra daɤ tamttant ,əgan daɤ-as wiyyad tamakkakkayt,wiyyad amaran ənn-as : "Nəra a dak-nələs əsəsəm daɤ batu tədi əzəl iyyan." ³³ Den da a tan-ifalk Buləs ,igla ³⁴ Dər iga awen da osaɤan dər-əs wiyyad daɤ-san təzzar əzzəgzanan .aytedan win ,ih-en Dəyonusəyəs ihân asaggawar wa n Aryofagəs əd təntut təgât Damaris əd wiyyad aytedan.