¹ Osa Buləs aghrəm ən Derbe,as t-ifal ikka wa n Lustra.Amaran Lustra ih-et ənalkim ən ghaysa igân Timotay s anna-net iyyat dagh kəl-Elyəhuid təzzigzanat əs ghaysa ,misan abba-net iyyan dagh kəl-Elyunan. ² Emmâlan-tu mədrayan dagh əzəgzan win Lustra d Ikonəyum əllugh ³ Ira Buləs tidawt-net ,inkar isammankad-tu fəl əddəlil ən kəl-Elyəhud win əhanen akal wen ,fəlas əssânan ketnasan as abba-net iyyan dagh kəl-Elyunan a imos ⁴ Aghrəm a d-osa Buləs əd silas a dagh-as əməlan i nalkiman win t-əhanen sinaden sin əgan nəmmuzal əd muzaran n Elkənisat ta n Yerusalam ,əgməyan dagh-san a dasnat-əlkəman ⁵ Ad itasahat əzəgzan n Elkənisaten ,təyttəynat akk əzəl. ⁶ Irzag Buləs əd silas akal wa n Frijəya əd wa n Galatəya əglan okâyan ,fəlas Infas wa zəddigan a dasan-igdalan emel n awal ən Messina dagh akal wa Asəya. ⁷ As osan əgogas n akal wa n Məsəya , əgmayan d iguz n akal wa n Bitinəya ,misan igdal-asan-tu Infas wa zəddigan. ⁸ Təzzar ərzagan Məsəya ,əzagadayyan s əghrəm wa n trowas. ⁹ As iga ahad orga Buləs :Inay aləs iyyan n akal ən Masedonəya ibdâd dənnəg-əs ,itansay-tu ,igann-as :"Akka-du Masedonəya,tədhəlagh-ana" ¹⁰ Iga Buləs targət ten ghas, nəsammatag y iki ən Masedonəya fəlas nəkkâs assak as Mesasina a danagh-ighran fəl a dagh-as nəməl isalaan n Elinjil. ¹¹ Nəggaz aghlal n aman dagh trowas ,nəmməmad akal imosan gərwətlan as itawannu samotras . affaw nəkka aghrəm ən Neyabolis . ¹² Enta nəgmad-tu əs wa n Filib imosan aghrəm fəl təxkâm Errum;imos degh aghrəm wa azzaran dagh akal ən Masedonəya.Nəga dagh-as adan ¹³ As d-əwad əzəl wa n əssəbət,əzəl wa n təsəssəngəyt iyyat as norda as ,ih-et adag a dagh taggin kəl-Elyəhud siwatriwen .Nogaz-in sidoden əmminaynen den ,təzzar nəqqim ,nəssewal-asnat,nəg-asnat degh təlxutbat. ¹⁴ Təssəsam-ana iyyat dagh-asnat ən təmiksat ən Məssina təgât esəm Ldəya n əghrəm ən təyatir tətaggit jola ən təbəddagh zaggaghnen hossaynen. Ora Eməli əwəl-net,təga əsəsəm olâghan y awa igannu Buləs ,təzzar təzzəgzan əs ghaysa ¹⁵ As tətawasalmagh dagh aman ənta d aytedan n aghaywan-net ,tonsay-ana ,tənn-ana: "Zama təhannayam as əzzigzana s Eməli ,wədi akkiwat-du ehan-in tazzabbem dagh-as." Təgraw-du dagh-na as nərda. ¹⁶ Ezəl iyyan nəkkâ edag ən təwatriwen wen as nəmmənay əd təmawat iyyat ən təklit iha agg əsuf a das-immalan awa d-izayan, garrawan sər-əs məssawəs tənfa tagget dagh awen ¹⁷ Təlkam-ana makkanay əd Buləs təsigharat təgannu: "Meddan win ,eklan ən Messina di n Amadkol a əmosan.Isalan ən tarrayt ta n əlghillas as d-osan y a dawan-tan-agin." ¹⁸ Təga adan aggotnen adan aggotnen tətaggu awen.Igla Buləs har t-isaghassasat awen,imalallay-tat-in inna y aggəssuf wa tat-ihan: "Omaraq-qay əs tarna ta yəhat esəm ən ghaysa Elməsix,əgmədtat!" Təzzar igmad-tat aggəsuf dagh tamazayt ten da. ¹⁹ As ənayan məssawəs as ab-as sər-san tat-du-təgammad tənfa, əbazan Buləs əd ilas , əlwayan -tan s asammanay n əghrəm,əssəbdadan-tan dat naxkiman ²⁰ Ennan i naxkiman: "Meddan win jannajarwayan aghrəm-nana .kəl-Elyəhud a əmosan, ²¹ sasaghrinen aytedan alghadaten as nakkanay kəl-Errum wər nəla turagat ən tərəddawt sər-əsnat wala ləkkum y-asnat." ²² Tənkar tamattay ənta da təzzan əs Buləs əd silas.Ennan naxkiman a fall-asan təwəzəzərren səlsa,omaran s a dasan-təwəgginat təwit. ²³ As tan-əyyəwanan siwwit, əgaran-tan dagh kasaw,omaran əmuzar ən kasaw s a dasan-agu aggaz olâghan ²⁴ Emuzar ən kasaw degh as das-itawanna awen ,inkar ig-en dagh adangaya ən kasaw, inday idaran-nasan dagh siləlt ²⁵ As isaggaraygaray ahad ,ad itattar Buləs əd silas sihaken imaslan-nasan taggin degh təmmalen i Məssina ,əssisaman-asan məskəsa win hadatnen ²⁶ Wala a ihogan iga amadal ənəgəynəgəy s awa iga dagh assahat har inagaynagay ahan ən kasaw ketn et,ənnolamnat təsəhar ən kasaw kul tamazayt ten da ,zalabben sassaran dagh məskəsa kul. ²⁷ Inkar-du əmuzar n ahan ən kasaw dagh etəs . As inay sisəhar ən kasaw ənnolamanat, ilbay-du takoba-net y sər-əs anghu iman-net fəlas a ighil iməskəsa əddəggagan. ²⁸ Misan isagharat-as Buləs inn-as : Ad wər tanghagh iman-nak ,ketnana nəlla da. ²⁹ Inna əmuzar ən kasaw ad d-ammawaynat fətəlaten,iggaz ammas ən kasaw tarmad igla har ewad adangaya-net təndaw-tu taysəst har issəjad i Buləs əd silas ³⁰ Təzzar ikkas-tan-du inn-asan : "Meddan ,mas di-iwar igi-net əgrəwagh əlghillas?" ³¹ Ennan-as: "zəgzan s Eməli ghaysa ad təghləsa kay d aghaywan-nak." ³² Amaran əmalan-as awal n Eməli ənta d aytedan kul n aghaywan-net. ³³ Eway-tan alwaq wen da adawannay n ahad ,issorad ibusan-nasan. Den da ad itawasalmagh dagh aman ,ənta d aytedan n aghaywan-net ketnasan. ³⁴ Təzzar iddew əmuzar ən kasaw əd Buləs əd silas s ahan-net ,isammagarat-tan.Isidawat-tu wəllen ənta d aghaywan-net ketnet əzəgzan wa əgan əs Məssina ³⁵ As affaw, zammazalan naxkiman sojitan s əmuzar ən kasaw y a das-annin ad ikkəs Buləs əd silas. ³⁶ Imal əmuzar ən kasaw əmazal wen i Buləs, inn-as: "Inaxkiman əghrəm ənnan-du ad tətəwəkkəsam. Dagh adi əgmədat, taglim dagh alxer. ³⁷ Misan inna Buləs i sojnitan : "A danagh-agin siwwit dat awedan kul da wala əssətigha,ənta nakkaanay nəmos kəl-Errum;əgəran-ana dagh kasaw,amaran əmərədda iren a danagh-əkkəsan wər t-illa i issanan! kala ! Asinet-du iman-nasan,əkkəsan-ana." ³⁸ Eqqalan sojitan əssoghalan batu ten i naxkiman. As əslan as Buləs əd silas kel-Errum a əmosan ,ərmaghan ³⁹ Osan-tan-du a tan-talaghden ,təzzar əkkasan-tan dagh kasaw, a sagh-san gammayan ad əgmədan aghrəm-nasan. ⁴⁰ Ifal Buləs əd silas kasaw,əkkan ehan ən Lidəya. As əmmənayan əd mədrayan dagh əzəgzan,əssewalan-asan,olaman-asan fəl man,amaran əglan.