¹ Iga Buləs əd Barnabas dagh əghrəm n Ikonəyum arat wa da taggin fawda , at-omosan iguz a ahan n əlghibada ən kəl-yəhud ;təzzar əgan dagh-as awal a d- ewayan as əzzəgzanan aytedan aggotnen dagh kəl-Elyəhud əd kəl-Elyunan əs ghaysa ² Misan ənkaran kəl-Elyəhud win ugaynen s əzəgzan əs ghaysa ,əgan fagh aytyerdan win hadatnen wər nəmos kəl-Elyəhud bark-man əs məzzəgzan əs ghaysa ³ Harkid awen iga Buləs əd Barnabas tamert tagget dagh Ikonəyum.Taggin awal a daq-qan wər təha tasa,tagayyen fəl Eməli .Ikf-en Eməli fərregat n igi ən təlməghjujaten əmosnen aləalamaten d aratan simaklalnen sataddinen tidət a mosan salan win əqqalnen arraxmat-net ⁴ Misan təzun tamattay n əghrəm .wiyyad əwaran aganna wa n kəl-Elyəhud wiyyad aganna wa n nəmmuzal ⁵ Enkaran aytedan win wər nəmos kəl-Elyəhud əd kəl-Elyəhud əd muzaran -nasan sammarkasan ad agin tarsexsad labasnen i Buləs əd Barnabas ,anghin-tan kərəz əs təgur ən təhun. ⁶ As isla Buləs əd Barnabas awen ,əgmadan aghrəm wen ,əkkan Lustra əd Derbe əmosnen ighərman nakal wa n lukawnəya əd kallan win tan-əghlaynen, ⁷ a dagh-san əmmalan isalan n Elinjil ⁸ Aghrəm ən lustra ih-ay aləs n anbdon a as d-ihew da ,əmmutan daran-net wər kala təwer takkolt-net amadal. ⁹ As əzəl iyyan ad issisam i Buləs issewal,idak-tu Buləs s asawad ,inay dagh-as as ,ila əzəgzan a t-izzozayan ; ¹⁰ təzzar inn-as afalla: "Enkər, taghəda tebadday-nak !" Iggad aləs ,iggaz sin teklay. ¹¹ As tənay tamattay təgget awa iga Buləs den ,ad gannin aytedan s afalla dagh awal wa təlukawnəysat: "Imalan əhânen sasselan an aytedan ,a fall-ana d-əzzebbtnen." ¹² Egan i Barnabas əsəm n iyyan dagh əssənaman-nasan as gannin "Zus", Buləs əgan-as əsəm n iyyan as gannin "Hərmes" fəlas ənta a imosan əməssewəl. ¹³ Inkar əlimam nəssənəm wa igan "Zus" âs ehan n əlghibada-net iha imi n əghrəm,isassalway-du əs mawan n əghrəm izəgran əd tətəltəla ən təjigay ,ira ənta əd tamattaytagget a tan-agin sizəgzan i Buləs əd Barnabas. ¹⁴ Misan as əslan nəmmuzal win əganen BarnabaS əD BULəS AWEN , ZAZZARREN SIKADKADEN-NASAN FəL MAN-NASAN ,OZALAN əs tamattay təgget ədkâlan imaslan-nasan s afalla gannin . ¹⁵ "Xa meddan! Ma tətaggim da ? Nakkanaywər nəmos ar aytedan ən silaten-nawan.Isalan n Elinjil a dawan-du-neway fəl ad tammazzayam d əlghibada n əssənəman,tutabam əs Messina di n Amaghlol a d-ixlakan ijənnawan d amadal əd gərwan d awa tan-ihan kul ¹⁶ Dagh elan win ərəwnen,oyya simattiwen kul,əlkamnat i tara en man-nasnat ¹⁷ Misan dər iga awen da ya ,iga i ma-net təgəyya id issəkna əllugh-net imosan :əsufəy wa dawan-d-itaggu akonak dagh jənnawan ,ihakk-iwan simeren olghnen əd sudar, isifəliwis-kawan." ¹⁸ gərrid as sahhadarren aytedan əs batu ta əgan den,əgdalan-asan a dasan-agin sinagzamen ¹⁹ Osan-du kəl-Elyəhud wiyyad a d-əfalnen aghrəm n Antəyoxəya əd wa n Ikonəyum,əssewalan y aytedan har tan-əssəwaran aganna wa-nasan ,Ad əggaran Buləs əs təhun ,dəffər adi zarorawn-tu har dər-əs əgmadan aghrəm ,əghilan aba-tu. ²⁰ Misan as sər-əs d -əddewan nalkiman ən ghaysa, ghalayghalayan-tu, ibdad-du iqqal aghrəm, As affaw ,iddew əd Barnabas əkkan aghrəm ən Derbe. ²¹ As əmalan isalan n Elinjil dagh əghrəm wen ,əlkaman aytedan aggotnen i ghaysa : iqqal Buləs əd Barnabas aghrəm ən lustra əd wa n ikonəyum əd wa n Antəyoxəya ²² ad gammayan dagh nalkiman ən ghaysa win ghərman win ad zəzzəwen dagh tarrayt-nasan .Sâwalan -asan , talaman-asan fəl man s ad zəzzəwen dagh əzəgzan-nasan,gannin-asan, "Illikan as, iguz ən Taghmar ta n Messina,iddew əd təssust tagget." ²³ Ekkulluk n Elkənisat sinafranan-as imuzaran ,əssedawan awen əd təwatriwen d əzum,amaran agin-tan dagh təghlift ən Messina di as əzzəgzanan ²⁴ Dəffər awen əragan akal wa n Bissidəya ,okayan,əs wa n Banfiləya. ²⁵ Emalan isalan n Elinjil dagh əghrəm wa n Bərge ,amaran ərasan əs wa n Attaləya ²⁶ Eggazan aghlal n aman dagh attaləya, ənnəmadan Antəyoxəya ,aghrəm was ənta as kala dagh-as tawaggan, dagh təghlift ən Messina y əssəghel wa əssəndan den. ²⁷ As din-osan, sassaghran-du aytedan kul n Elkənisat,təzzar əssoghalan-asan isalan n arat kul was tan-ikfa Messina turagat n igi-net , d əmmək was olam Messina tarrayt n əzegzan i təmattiwen sin wər nəmos kəl-Elyəhud . ²⁸ Dəffər awewn əmalan ghur nalkiman win den har əgan tamert tagget.