¹ Elkenisat ta tehat aɤrem n Anteyoxeya ehân-tat ennebitan ed messeɤra emosnen Barnabas edc simɤon was itawannu ''Akawel'' ed Luqeyus wa n akal en Qerwan ed Manahin wa inamadwalan d emenokal Herod daɤ ahan iyyanda amaran ed Talut. ² Ezel iyyan ad emminayan eɤbâdan Emeli ezuman deɤ ,inn-asan Infas wa zeddigan : «Sewerat-i Barnabas ed Talut aganna fel ad agin esseɤel was tan-d-eɤreɤ.» ³ Ezuman egan siwatrwen tezzar ,amaran essewaran Barnabas ed Talut ifassan-nasan egan-nasan siwatriwen ,deffer adi esseglan-tan ⁴ Issoka Infas wa zeddigan Barnabas ed Talut aɤrem en salukeya Eggazan daɤ-as aɤlal n aman ekkan akal imosan gerwetlan as itawannu Qibrus. ⁵ As osan aɤrem en Salamin ,ad emmâlan awal en Messina daɤ nan n alɤibada win kel-Elyehud,Iddew der-san Yaxya was itawannu Markus. Illil-asan idhâl-tan. ⁶ Ergan Qibrus sannaqqaban-tu har osan aghrəm ən Bafus.Den da ad əmmənayan ,igannin d aləs iyyan ən kəl-Elyehud igân esəm Bar-ghaysa n amassaghaw, igannin ənta ənnəbi. ⁷ Amaran osâgh ed Sarjəyus Buləs wa n ənaxkim n akal ,imosan awedan ilân əgərri .Issəgmay əmuzar wa Barnabas əd Talut fəlas ikna əsənnehəl ən tara n ad aslu y awal ən Messina. ⁸ Misan inkar Eləymas wa n amssaghaw-awen da a imosan almaghna n esəm-net dagh təlyunant-iqqal əllid-nasan,ad igammay d ad igdəl y ənaxkim wen əzəgzan ⁹ Tezzar ijajjanghal dagh-as Talut , as itawannu dagh Buləs ,igrâwan s iget Infas wa Zeddigan, ¹⁰ inn-as: «Agg Assaytan, azangaw n arat kul wa oghadan. wər t-illa əzzənəf ən təkərras a kay-wər-nəha ,əmekkerrəs n ənallabus a təmodagh.Eməli Messina? ¹¹ Emərədda ənəy, a fall-ak assanu Eməli əfusnet , taddarghala .Ad tagagh azzaman wər təlesagh anay n ənnur ən təfuk.» Tamazayt ten da a fall-as əganat siyyay,idalammat fall-as amadal, təzzar ad iddâz,igammay i t-ilwayan . ¹² As inay ənaxkim wen awa igan den ,izzəgzan.Isimaklal sər-əs əsəssəghri was isla dagh batu n Eməli. ¹³ Iggaz Buləs aghlal n aman ənta ed midawan -net dagh Bafus ,əkkan aghrəm ən bərge ihân akal ən Banifiləya .Den da der-san immezzay Yaxya was itawannu Markus ,iqqal Yerusalam. ¹⁴ Entanay amaran əgmadan Bərge ,əkkan aghrəm n Antəyoxəya wa n akal ən Bissidəya. As iga əzel wa n təsanfawt ,əggazan ehan n əlghibada ən kəl-Elyehud , əqqimqn . ¹⁵ As tawaghran daggan daə Ettəwret d Elkəttaban win Ennebitan sa hadan ,ennan-asan -in muzaran n ahan n əlghibada wen:<< Imedrayan-nana ,kud təll-ay batu as za təsəssuhet ezegzan n aytedan , tagim-tat.» ¹⁶ Ibdad Buləs ,isaddagan-asan s əfus-net ad affastin,amaran inna: «Meddan win kəl-Israyil əd kawanay win miksadan ən Messina ,səsəmat-i ! ¹⁷ Messina di n Eməli ən tamattay ta da n Israyil a isannafranan imarawan-nana ,təzzar issəgat-tan dagh əmosan inaftaghan dagh akal en Masar ,dəffər adi ikkas-tan-du dagh-as əs tarna n əfus-net. ¹⁸ Iga edag n əkkozat təmərwen awatay,sin əgan dagh taneray,izizaydar dər-san. ¹⁹ Ikf-en as ərzan əssayat tawseten dagh akal ən kanan ,ikf-en akal-nasan ,iggaz təkasit-nasan . ²⁰ Awen ketnet ,ədag n əkkozat təmad n awatay əd səmmosat təmərwen a daə iga, Dəffər awen a dasan-izuzir əlqalitan taqqalan-asanm imənokjaln har azzaman n ənnəbi Saməwel ²¹ Azzaman en da a dagh əgmayan əmənokal,təzzar ikf-en Messina Talut ag kis wa n tawset ta n Benyamin .Iga əkkozat təmerwen n awatay ixkâm fall-asan . ²² Dəffər adi ikkas-tu Messina da taghmar ,iga Dawəd daə adag-net s ənta a fəl inna Messina :''Egrawa Dawəd ag Yasay ,imosan aləs ilkâman i tara-nin ,wa z'ammazalan əs tara-nin ketnet .'' ²³ Ihayawan-net a dagh d-ikkas Messina ghaysa s ənta a imosan Emaəlas was iga arkawal-net i kəl-Israyil ²⁴ Dat assa-net ad iga Yaxya i tamattay n Israyil ketnet isalan əmosnen ad utaban ,təwəsəlməghan dagh aman ,assaknu adi tətubt-nasan. ²⁵ As ibuk Yaxya y əsəndi n əssəəel-net ,ad igannu :''Ma təghilam ,ma əmosagh ? Wər əmosagh za awedan was təghilam . kala ,kala ! Ilkâm-i-du,nak wər əweda wala arra ən sughan ən ghateman-net.'' ²⁶ Imədrayan-in kawanay win hayawan n Ibrahim əd kawanay win wər nəmos kəl-Eləhud təksudam Messina ,isalan n əlghillas wa , nakkanay as tan-d-issoka Messina. ²⁷ Amaran aytedan ən Yerusalam əd muzaran-nasan wər əgren awa imos ghaysa ,wər egren degh wala dagh awa ənnan ənnəbitan dagh Elkəttaban win tawaghrinen akk əzəl wa n təsanfawt dagh nan n əlghibada ,əssəndan awa ənnan ənnəbitan win di s annaz wa t-əgan s əssərigha. ²⁸ Wər əgrewan arat waliyyan a t-issiwaran tamattant,misan harkid awen ,əgmayan dagh Bilatəs a dagh-as təwəkkəsan man ²⁹ As əssəndan arat kul awa fall-as ənnan Elkəttaban , əkkasan-t-idu fəl təgəttawt ,əgan-tu dagh əzəkka. ³⁰ Misan issənkar-t-idu Messina dagh tamattant. ³¹ Iga adan aggotnen itinəfilil y aytedan win dər-əs d-əddawnen dagh akal ən Galilaya əgəzzayyan s əghrəm ən Yerusalam .Entanayb a əmosnen əmərədda sigəyyawen-net ghur tamattay n Israyil ³² Amran nakkanay da, nətagg-awan isalan n Elinjil,əmosnen isalan wion as itawagga arkawal-nasan i marawan-nana . ³³ Arkawal wen issəndanaq-qu Messina nakkanay win hayawan-nasan s əsənkər wa d-iga ghaysa s əmmek was iktab dagh təsarnat ta n sanatat n Azzabur,as inna dagh salan ən Messina dagh tamattant , ³⁴ da wər tərka təghəssa-net dagh əzəkka imâl-tu Messina dagh Elkəttaban əs təməwit ta ,as inna:''Akawan-akfa arraxmaten zaddognen ,ətiddanen sin as əgey arkawal-nasnat i Dawəd .'' ³⁵ Iktâb dagh as :'' Wer za tayya Emizdag-nak arku dagh əzəkkz'' ³⁶ Dawəd amaran,dəffər as immozal dagh azzaman-net s aratan win ixtas Messina ,aba-tu ³⁷ ,itawanbal dəgma ən marawan-net,tərka təghəssa-net . ³⁸ Dagh adi imədrayan-in əssənat as təsureft ən bakkadan ,təttimal-awan əs tarrayt-net ;amaran i sər-əs ³⁹ izzəgzanan ad igrəw tədarfit dagh aratan kul win as wər ifreg tədarfit dagh-san əs tarrayt ta n tənkədam y a kawan-igrəw awa əmalan ənnəbitan,as ənnan ⁴⁰ Adi a fəl za tnkədam y a kawan-igrəw awa əmalan ənnəbitan , as ənnan : ⁴¹ ''Enəyat kawanay win nujaban ;səmməkləlat,təhlekam;fəlas-net kul da ,wər das-za-təzzəgzənamb.'' ⁴² Igammad Buləs əd Barnabas as dagh-san əgmayan aytedan ad d -ələsan tewaghlay əzəl ən tesanfawt wa d-izayan fəl a dasan-essitin dagh igi ən salan win den ⁴³ As təwazawaz ələmaghat ,əddewan kəl-Elyəhud aggotnen d aytedan wiyyad ad d-əhdânen s əddin wa n kəl-Elyəhud əd Buləs əd Barnabas .Masawalan der-san ,gammayan dagh-san ad zəzzəwen dagh arraxmat ən Messina ta əgrawan. ⁴⁴ As d-ighlay əzəl wa n təsanfawt ,təddew-du tassam n əghrəm kenet y ad issəsəm y awaln Eməli ⁴⁵ As ənayan kəl-Elyəhud igət ən tamattay, əggaznat-tan təsmiten labasnen,ad sabahawan Buləs, rabbadan-tu ⁴⁶ Təzzar inn-asan Buləs ed Barnabas wər təha tasa ən wala : "kawanay a iddəraran s a dawan-attamal awal ən Məssina əs tizarat ,misan dad zamas tugayam sər-əs,wər təssəharam iman-nawan əd təməddurt ta təghlalat,wədi ad nəmələlləy s aytedan win wər nəmos kəl-Elyəhud ⁴⁷ fəlas awen da as danagh -omar Eməli Messina s əmmək was inna dagh Elkəttaban as ənnan: ''Egeq-qay ənnur itawseten sin wər nəmos kəl-Elyəhud fəl ad tawəyagh isalan n əlghillas har d a du-təraz əddənət''. ⁴⁸ As əslan aytedan win wər nəmos kəl-Elyəhud y awen,.əddəwen,əzzəzwəran awal n Eməli Məssina ,əzzegzanan aytedan kul winm as itawatas ad əgrəwan təmuəddurt ta təghlalat ⁴⁹ Ad itiwəziwiz awal n Eməli dagh ketnet ⁵⁰ As əslan aytedan win wər nəmos kəl-Elyəhud əgan ark-man dagh tədoden siyyad tiwasasaghmarnen əhânen əddin ən kəl-Elyəhud əd muzaran n əghrəm, ewayan-du əs Buləs əd Branabas ətəwədgaz labasan ,təzzar əstaghan-tan ,əkksan-tan dagh akal-nasan ⁵¹ Ebbbəkbakan abboqqa ən daran-nasan dagh batu n əghrəm wen ,təzzar əkkar aghrəm wa n Ikonəyum. ⁵² Inalkiman ən ghaysa win d-oyyan dəffər-san dagh Antəyoxeya amaran ,əknân təfalawist,idnay-tan degh Infas wa zəddigan.