¹ Eslan nemmuzal ed medrayan daɤ ezegzan win ehanen akal wa n yahudeyya as , ellân-tu aytedan wer nemos kel-Elyehud ezzigzannen entanay da s awal em Messina . ² Alwaq wad iggezzay Butros es Yerusalam ,essewalan fall-as inalkiman en ɤaysa win kel-Elyehud win ettafnen alɤadat-nasan ta n emenked ³ Ennan-as : «Manemmek as tetaggaza ehan n aytedan wer nemmenkad ,wala tedarraw der-san imensewan.» ⁴ Tezzar issoɤal-asan Butros awa igan kul, wa n enetti v, inn-asan: ⁵ «Tattara daɤ eɤrem en yaffa as di-tobaz tarna n Infas wa zeddigan ,inafalal-i-aray iyyan. Arat wa ,itawasaras-du daɤ jennawan ,olâ d efer zewweran itiwattafan s ekkozat teselkad-net, har dat-i d -imal. ⁶ Eswada daɤ-as ,zaggazdaq-qu ,enayaɤ daɤ-as eharay , ed tewaqqast ed demerdemaran ed gedad. ⁷ Tezzar esleɤ y emesli wa di-innan: "Butyros ,enker,tegzema ,tatsa!" ⁸ Misan enneɤ-as: "kala kala Emeli ,id imi-nin wer kala t-iggaz arat xaraman wala iyyan immidsan.' ⁹ Elasa tesalay y emesli en as inna daɤ jennawan :"Awa issexlal Messina, wergeɤ kay a tu-z-agin i xaraman !" ¹⁰ Har iga emesli en y awen karadat tennawen,amaran itawarkab-in awen ketnet es jennawen. ¹¹ Tamazayt ten da a d-ebdadan karad meddan s ehan wa daɤ essegana ,ser-i d-emmozalnen daɤ eɤrem en Qaysareya. ¹² Tezzar inn-i Infas wa zeddigan a der-san idawa eddi da .Ad wer ezleyaɤ aytedan Eddewa deɤ ed medrayan-nana sedis win ,har neggaz ehan n ales wa di-d-issegmeyan. ¹³ Issoɤal-ana emmek was das-inafalal angalos daɤ ahan-net ,ibdad dat-es inn-as :"zemmizel awedan s eɤrem en yaffa y a dak-d-idaw ed simɤon was itawnnu Butros. ¹⁴ Adak-agu amagrad a ser-ek du-z-aweyan efsan kay d aɤaywan-nak ketnet ." ¹⁵ Harwada wer ehoga essewala as fall-asan d-iga Ingas wa zeddigan ezebbi wa fall-ana d-iga nakkanay daɤ tizarat. ¹⁶ Tezzar ekteɤ-du tenna ta iga Emeli: ''Yaysa ,aman a daɤ isselmaɤ aytedan , misan kawanay, Infas wa zeddigan a daɤ za teteweselmeɤan .'' ¹⁷ Daɤ adi ,dad zamas ig-asan Messina tehekkut zun ta danaɤ-iga as nezzegzan s Emeli ɤaysa Elmesix , ma em, osa nak as gaddalai Messina iogi n awa ira ? ¹⁸ As tesla aljamaɤat i salan win ,teffesta,tezzar ad temmal Messina tegannu: «Daɤ adi aytedan win wer nemos kel-E4lyehud ,da issefrak-kan Messina ad utaban ,egrawan temeddurt ta teɤlalat.» ¹⁹ Inalkiman enɤaysa win izawwazawaz alɤazab wa d-izrayan etewenɤa n Estefanos ,eglam wiyyad har osan akal wa feniseya,wiyyad osan akal imosan gerwetlan as itawannu Qibrus ,wiyyad osan aɤrem wa n Anteyoxeya.Emmâlan awal en Messina ,eges i kel-Elyehud ɤas ²⁰ Der iga awen da ya ,wiyyad daɤ-san n akal wa n Qiburs ed wa n Qerwan,as din-osan aɤrem wa n Anteyoxeya essewalan y aytedan win wer nemos kel-Elyehud win essewalnen telyunant ,emmâlan-asan isalan n Elinjil n Emeli ɤaysa. ²¹ Tedhal-tan tarna en Messina daɤ awa taggin,tezzar ezzegzanan aytedan aggotnen es ɤaysa Elmesix ,etuban,elkaman y Emeli imosan emenokal-nasan. ²² Isalan n awen ewadan-in Elkenisat ta tehat yerusalam.tezzar tezammazal Barnabas s eɤrem n Anteyoxeya . ²³ As din-osa inay arraxmat en Messina ta du-tezzebet den ,iddewat. tezzar ig-san ketnasan ennesixa imosan ad elkeman y Emeli ²⁴ Enta iman-net Barnabes ,ales olâɤan a imos , itkân Infas wa zeddigan , issohat deɤ ezegzan-net. Ezzegzananan aytedan wiyyad aggotnen s Emeli ɤaysa. ²⁵ Amaran ikka Barnabas aɤrem en tarsa,isaggad i Talut . ²⁶ As t-igraw ,iddew-du der-es s Anteyoxeya . Egan daɤ-as awatay iɤrâdan osâɤan ed nalkiman en ɤaysa win ehanen Elkenisat ten,sasaɤrin aytedan aggotnen.Aɤrem wen da n Anteyoxeya en a daɤ essentan aytedan teɤaray nalkiman en ɤaysa s esem wa n «elmesixitan» ²⁷ Adan en da a daɤ egmadan ennebitan wiyyad yerusalam ,erasa s eɤrem wa n Anteyoxeya . ²⁸ Ibdad iyyan daɤ-san igân esem Agabus ,imal dat alwaq es tarna n Infas wa zeddigan as,ilkâm ad agu laz labasan daɤ eddenet ketnet. Laz en da deɤ osa-du s emmek was t-imal daɤ azzaman n emenokal klawdeyus Qaysara. ²⁹ Tezzar namardan nalkiman en ɤaysa win Anteyoxeya fel tanat temosat ad ireg akkiyyan daɤ-san awa ifrag sessiweyan tadhelt ta i medrayan-nasan daɤ ezegzan win ehanen akal en yahudeyya. ³⁰ Egan awen da ,egan sirgitan-nasan daɤ efus en barnabas ed Talut y a tanat-aweyan i muzaran n Elkenisat ta tehat yahudeyya.