¹ Aɤrem en Qaysareya ih-ay ales iyyan en kel-Errum igân esem Kornileyas ,imos iyyan daɤ kabtanatan win azzarnen y agan en sojitan was itawannu «Iteleya ». ² Imos ales iksudan Messina ,iɤbâd-tu enta d aytedan n ahan-net ketnasan ,itaggu sikutawen aggotnen i kel-Elyehud ,faw deɤ itattar es Messina. ³ As ezel iyyan ɤur amadal en karad alwaqan win tazzar ,inafalal-as -du angolas en ,Messina inay-tu as d-iggaz ehan-net,inn-as : Kornileyas !» ⁴ Irmay Kornileyas,igar sittawen daɤ angolos : « Ya Messi ,ma tareɤ ?» Inn-as angolas :«siwatriwen -nak ed tekutawen eggezzaynat es Messina ,iqbâl-tanat . ⁵ Daɤ adi emeredda ,Zemmizel meddan s eɤrem en Yaffa a dak-d-idawan d eles iyyan igân esm simɤon as itawannu Butros , ⁶ inniftaɤan i simɤon wa isafalan igeskan s ehan-net ihâ tagadamyt n agaraw.» ⁷ Ifal-tu angolas wa das-issewalen ɤas ,iɤra-du imassaɤalan-net essin d iyyan daɤ sojitan win isasɤal imosan awedan iksudan Messina ⁸ issoɤal-asan awa igan kul,amaran izammazal-tan es yaffa . ⁹ Ehôzan-in aɤrem ezel wa hadan ,as iwar Butros afalla en taɤazamt attayan n ammas n azal fel ad agu siwatriwen ¹⁰ Itattar den da as t-iggaz gelek,isaddran a itsa.Tawaggin-as-du mensewan as tu-tobaz tarna n Infas wa Zeddigan ¹¹ Ogga ijennawan as emmoran, itawasaras-du daɤ-san arat olân d efer zewweran itiwattafan s ekkozat teselkad-net ,har dat-es imal ¹² Ehân-tu ezzenefan en mudaran kul win jawankatnen fel amadal ed demerdemaran ed gedad. ¹³ Tezzar isla y emesli iyyan as das-inna: «Butros ,enker ,tegzema,tatsa !» ¹⁴ Misan inn-as Butros : «kala kala Emeli ,id wer kala ad etseɤ a xaraman wala a immidan.» ¹⁵ Ilas tesalay y emeli en as inna : «Awa issexlal Messina ,wergeɤ kay a tu-z-agin i xaraman !» ¹⁶ Har iga emesli en y awen karadat tennawen ,amaran immedkal efer en es jennawan. ¹⁷ Harwada iqqân awen eɤaf en Butros ,isamadran daɤ awa z'iqqel almaɤna-net n awa das-d-inafalalan den,as d-ebdadan meddan win d-izammazal kornileyas daɤ emi n ahan en simɤon,deffer as essistanan ed dad illa ¹⁸ Eɤran-du messawes n ahan,essestanan-tan kud den da ad izzebbat simɤon was itawannu Butros. ¹⁹ Harwada isamadran Butros daɤ awa z'iqqel almaɤna n arat wa das-d-inafalalan as [das]-inna Infas wa zeddigan : «Eney ! Meddan den karad a der-ek sastannen ²⁰ Ad wer tezleyaɤ aytedan, ebded, tazzabbeɤ, tidawa der-san; id nak a tan-d-izammazalan.» ²¹ Tezzar izzebbat-du ser-san Butros inn-asan : «Nak da as tesaggadam.Ma imos eddellil wa kawan-d-ewayan da?» ²² Ennan-as : «Kornileyas wa n kabtan en kel-Errunm a dana-d-izammazalan , imosan ales oɤâdan ,n emiksad en Messina ,essiɤmaran-tu kel-Elyehud ketnasan . Enta as inafalal angalos Zeddigan en Messina omar-tu s a kay-issegmey,tasaɤ-in ehan-net fel ad aslu yawa za tanna .» ²³ Amaran izzogaz-tan-du Butros ,isammagarat-tan .As affaw ,iddew der-san.Eddewan der-es arat daɤ nalkiman en ɤaysa win nn eɤrem en yaffa. ²⁴ As ezl wa hadan ewadan aɤrem wa n Qaysareya. As din-osan da ,iqqâl-asan kornileyas enta ed marwan-net d aytedan win der ikna temmidwa s enta a tan-d-iɤran ²⁵ As zama din-iggâz Butros ehan , isselkad-as-du kornileyas , igaraffat ɤur daran-net ,issejad-as ²⁶ Misan issebdad-tu Butros ,inn-as : «Ebded! Nak aggadem ɤas a emosa.» ²⁷ Eggazan ehan misawalan ,os-in daɤ-as Butros aljamaɤat tagget. ²⁸ Tezzar inn-asan: «Tessânam kawanay iman-nawan as issixram elqanun en kel-Elyehud y iyyan daɤ-san tassaq madeɤ iguz n ahan n awedan wer nemos iyyan daɤ kel-Elyehud. Misan nak issosan-i Messina daɤ as ad wer agaɤ y awedan waliyyan iduf n as i xaraman wala immidas . ²⁹ Adi da felas ,as di-tessegmayam ,ekkeq-qawan-du eddi da wer egey asarew walliyyan. Amarran emeredda emelat-i eddelil wa fel di-tessegmayam. ³⁰ Inn-as kornileyas : «Ezel iyyan tattara daɤ ahan-in,ila adi emeredda kared adan ,wer esleɤ a igan as dat-i ibdad ales ilsân iselsa bilazlaznen ³¹ Tezzar inn-i :"kornileyas! tewatray-nak teqbâl,sikutawen-nak deɤ iqbâl-tanat Messina . ³² Daɤ adi ,zemmizel es yaffa ,tessegmeya simɤon was itawannu Butros .Inniftaɤ y ales igân simɤon wa isafalan igeskan ihân tagadamayt n agaraw ." ³³ Tezzar essegmayaqqay tamazayt tedi da ,olâɤ deɤ as du-toseɤ .Amaran emeredda ketnana nella da dat Messina,fel ad nesseasem y arat kul was kay-omar Emeli s a danaq-qu-tana.» ³⁴ Issewal butros inna : «Emeredda egreɤ as , tidet daɤ a imos as Messina wer izlay aytedan ³⁵ kalar awedan kul wa t-iksudan,itaggu awa oɤadan,awedan wedi ,ad t-iqbel Messina ,a teqqal tawset-net . ³⁸ Issewal Butros inna : «Emeredda egreɤ as ,tidet daɤ a imos as Messina wer izlay aytedan 35 .Kalar awedan kul wa t-iksudan,itaggu awa 0ɤadan,awedan wedi,ad t-iqbel Messina ,a teqqal tawset-net. ³⁶ Issoka-du kel-Israyil awal-net imosan isalan n Elinjil, emmâlnen isalan n alxer wa ihakku ɤaysa Elmesix, enta wa n Emeli n awedan kul ³⁷ Tessânam daɤ awa igan daɤ akal kul en Yahudeyya ,int â-du adi daɤ wa n Galilaya deffer telxutbat ta iga Yaxya y aytedan daɤ batu n alamaɤ daɤ aman d emmek was issekna Messina aytedan as ɤaysa wa n Nazaret a issannafran es tahakkay ta t-iga Infas wa zeddigan ed tarna.tessânam deɤ daɤ tilalt ta iga akal itamazal elluɤ ,izuzey aytedan kul win daɤ innoda Iblis ,id tarna en Messina a igraw . ³⁹ Nakkanay inemmuzal neggeyat awa iga ketnet daɤ eɤrem wa n Yerusalam d akal sa sa haden wa n kel-Elyehud .Enta wa itawataytayan fel tegettawt ,aba-tu ; ⁴⁰ kar-t-idu Messina ezel wa n karad deffer ibanet , ikf-ay turagat n ad iteweney âr. ⁴¹ Wergeɤ aytedan kul a t-enaynen , kalar wer t-inay ar sigeyyawen sin isannafran Messina harwa dat alwaq,a tanat-imosan nakkanay win der-es edrawnen tettay ed tassay deffer tanakra ta d-iga daɤ tamattant ⁴² Tezzar omar-ana ɤaysa s ad nemel Elinjil y aytedan ,naggayyat-asan as ,enta da , a isannafran Messina ig-ay emasraɤ n id t -illa awedan ,ger za win eddarnen wala win aba ⁴³ Enta en da as eggeyyen ennebitan kul as ,i ser-es izzegzanan ad igrew tesureften bakkadan-net s esm-net.» ⁴⁴ Harwada issewal Butros as d-izzebbat Infas wa zeddigan fel aljamaɤat ketnet ta tessesamat i telxut-net. ⁴⁵ Ikna awen esemmekel es nalkiman en ɤaysa win kel-Elyehud win d -eddewnen ed Butros , âs , wala aytedan win wer nemos kel-Elyehud da garrawan s iget tehekkut ta n Infas wa zeddigan. ⁴⁶ Flas sallan-asan essewalan awalan wer netawazday ,emmâlan adkul en Messina .Tezzar inna Butros: ⁴⁷ «Awak ma z'igdelan y aytedan egânen y Infas wa zeddigan agarraw wa das-nega ad teweselmeɤan daɤ aman?» ⁴⁸ Amaran omar s ad teweselmwɤan daɤ aman s esem en ɤaysa Elmesix .Deffer awen egmayan daɤ Butros a ɤur-san agu adan.