¹ As itaggu awen,talut harwada isamahad fel igi man en nettulab n Emeli ɤaysa. ikka Elimam wa zewweran, ² igmay daɤ -agu sira es nan n elɤibada en kel-Elyehud win eɤrem en damas emosen sira a t-etgfânen turagat s as ,as igraw aytedan ,ger za meddan wala sidoden ,win ehanen tarrayt ta n ɤaysa, a tan-ikred ilwey-tan-du es u yerusalam. ³ Ikkâ za aɤrem en damas ,as t-in-ihoz ,wer isla igan as fall-as ibalazzat ennur a d-igmâdan ijennawan ⁴ Ifataqqat ,isla y emesli wa das-innan : «Talut,talut mafel as di-tezaɤazzaba?» ⁵ Inn-as Talut : «Ma tesaɤ, Emeli?» Isla i wa das-innan : «Nak ɤaysa wa tezaɤazzaba. ⁶ Ebded eggez aɤrem a dak -attamal awas kay-iwar igi-net.» ⁷ Meddan win eddewnen ed talut ebdâdan,tegdal-asan teremmeq awal ,sallan y emesli misan wer henneyan awedan waliyyan . ⁸ Ibdad-du Talut ,ora sittawen-net ,misan indar-as anay en wala .kundaba as ebazan ,midawan-net ,elwayan-tu har der-es eggazan Damas. ⁹ Har iga karad adan wer ihenney arat ,wer itsa za wer iswa. ¹⁰ Amaran Damas ih-êt enalkim en ɤaysa igân esem Ananeyâs.Iɤray Emeli daɤ terget inn-as : «Ananeyâs!» Ikkewan-as inn-as : «nak da , Emeli!» ¹¹ inn-as Emeli : «Enker ,tessewela ed tarrayt tas itawannu" ta toɤadat",takkaɤ ehan en Yahuza ,tessestenaɤ d ¹² ales n eɤrem en tarsa igân esem Ananeyâs as t-id-osa .issewar-tu ifassan-net fel a-t-id-iqqal asawad-net. ¹³ Tezzar inn-as Ananeyâs : «Ya Emeli aytedan aggoten egân-i isalan n ales di ,ed talbast tagget taissekna imizdagan-nak win ehanen Yerusalam ¹⁴ Da da ila turagat n abbaz n aytedan kul win tattarnen s esem-nak ,amaran imuzaran en limaman a t-ekfanen turagat ten.» ¹⁵ Misan inn-as Emeli : «Aglu ,ales di nak a t-isannafran fel a di-imel y aytedan wer nemos kel-elyehud ed menokalan-nasan ,imal-i deɤ ikel-Israyil ¹⁶ Nak iman-in as das-z-agaɤ ezeɤɤezzeb kul wa t-iwaran fel eddelil-in.» ¹⁷ Teezar igla ananeyâs har din-isa ehan ,iggaz-tu ,inay Talut ,issewar-tu ifassen-net ,inn-as: «Amadray-nin Talut ,Emeli ɤaysa wa dak-inafalalan daɤ tarrayt ta du-tegeɤ,enta a di-d-izammazalan fel a kay-d-iqqel asawad-nak ,idney-nak ,idney-kay Infas wa zeddigan.» ¹⁸ Tamazayt ten da a daɤ d-ertakan aratan olanen ed teferenkawen daɤ sittawen en Talut ,tezzar iqqal-t-id asawaad-net .Ibdad ,itawasalmaɤ daɤ aman, ¹⁹ Deffer awen itsa,eqqalnat-t-idu teɤurad-net . Iga arat n adan ɤur nalkiman en ɤaysa win ehanen Damas. ²⁰ Tarmâd as ikka talut inan n elɤibada win kel-Elyehud a daɤ-san immàl as ɤaysa Barar en Messina a imos. ²¹ Isammakal awen s aytedan ad gannin : «Ak wergeɤ enta ,as kala ibbenbay daɤ aytedan win tattarnen s sesem en ɤaysa daɤ yerusalam ihallak-kan ?wergeɤ wer t-id-eway s eɤrem wa ,ar a tan -abez ,ilwey-tan es muzaran en limaman ?» ²² Misan Talut enta itisuhit ezezgzan -net .wer essenan kel-Elyehud win Damas a das-ennan daɤ esekni waan-itaggu as ɤaysa enta a imosan Elmesix ²³ .As irew Talut daɤ Damas ,namaggan kel-Elyehud eɤaf fel ad agin ima-net , ²⁴ misan ittemal-as awen .Ewadan daɤ tara en tenaɤay -net as das-enkadan ehad ezal ɤur mawan n eyrem. ²⁵ As ahad iyyan ,enkaran nettulab-net egan-tu daɤ ezmam zewweran , erdafan daɤ-as aɤan ,zazzabben-tu fel aganna wa hadan n aɤalla wa iɤalayan aɤrem ²⁶ As osa Talut Yerusalam ,igmay d ad irtey ed nalkiman en ɤaysa ,misan ewfan-tu ketnasan felas harwa da wer ezzegzanan as iyyan daɤ-san a imos ²⁷ Ibaz-t-idu Branabas eas man-net ,iddew der-es nemmuzal ,tezzar ig-asan isalan kul n emmek was inay Talut Emeli ɤaysa daɤ tarrayt en Damas d awal wa das-iga ,imal-asan deɤ igi wa iga isalan n Emeli ɤaysa daɤ Damas wer t-illa i as tu-teha tasa-net ²⁸ Alwaq wedi a der-san irtay ,itidaw der-san daɤ Yerusalam .itaggu isalan n Emeli ɤaysa si wala tasa en waliyyan ²⁹ Itimesiwil talut ed kel-elyehud win essewalnen telyunant ,itamazaɤ deɤ der-san ;ad gammayan d igi en man-net ³⁰ As eslan medrayan-net daɤ ezegzan awen ,eddewan der-es wiyyad daɤ-san s eɤrem en Qaysareya,amaran essokan-tu wa n Tarsa. ³¹ Azzaman en ,egrâwan daɤ-san nalkiman en ɤaysa d Elkenisaten alxer daɤ akal kul wa n yahudeyya ed wa n Galilaya ed wa n samareya .Itasahat ezegzan n Elkenisaten,tagginat essiɤmarnen Emeli,titteynat deɤ es tilat n Infas wa Zeddigan ³² Illil za Butros akal ketnet har iras taɤremt ta n ludda fel ad iney imizdagan win daɤ-as exsarnen. ³³ inn-as Butros : «Eneyas ,ebded tada tessut-nak ,ɤaysa Elmesix izzozay-kay» ³⁴ Ibdad Eneyas tamazayt ten da ³⁵ Enayan-tu aytedan kul win teɤremt en lidda ed win azawaɤ wa n saron ,tezzar ehdan-du s Emeli ³⁶ As itaggu awen en aɤrem en yaffa texsâr daɤ-as tenalkimt en ɤaysa tegât esem Tabita , almaɤna n esem wa daɤ telyunant Dorkas ,almaɤna «tenert» wer tegmed ar s igi en mazalan olaɤnen ed tekutawen i maddararan. ³⁷ Adan en da a daɤ terin ,abat-tat .Tetawasarad ,tetawasansa daɤ ahan wa n afalla wa n afalla en suu ³⁸ Dad imos as ludda wer teggug yaffa ,as eslan nalkiman en ɤaysa win ehanen yaffa as Butros iha ludda ,zammazalan ser-es essin meddan fel ad t-anseyan a t-anseyan a tan-d-akku tarmâd . ³⁹ inkar Butros iddew der-san .as din-osa ,ewayyan-tu es suru wa tehat teɤessa en tentut, ekkanat-idu tedoden sin as wer edderan meddan-nasasnat hallinat,sakninat-tu sikadkaden ed selsa wiyyad a dasnat-tega Dorkas harwa teddâr ⁴⁰ Isserdaɤ Butros awedan kul,igaraffat ad itattar. As issenda tewatray-net ,imalallay-du taɤessa en tentut ta aba ,inna : Tabita ,enker-du» ,tezzar tora sittawen -net ,tenay Butros ,teqqim-du ⁴¹ Izzal-as-in efus-net ,illil-as es tebadday ,amaran iɤra-du imizdagan ed ⁴² Itawasla awen daɤ-eɤrem en yaffa ketnet ,tezzar ezzegzanan aytedan aggotnen s Emeli ⁴³ Iha Butros yaffa har irew ,illa ɤur ales iyyan igân esem simɤon as imos esseɤel-net esifel en geskan.