6 ¹ Nubande kène nu ya labisse dusungumu duénu ve missu me batu re nonga batu be ku nuronde passi nu sevage nana, nu sa gudenge diboti gu mbu tayénu yi guyulu. ² Nessi passi wu Kavégi pagu wu ya sige Mumbade ve wusuagu, nevu Biviangi ba Vagili mu Ndagu Tsi Nyambi ne mu mimbambe Nonga wu Kugobissu ne batu. Nia nuambili buréti yawu bana be mamane denge duawu dukabu. ³ Tumbe yénu nu yavage né yawu, passi nu Kavagi Pagu yi Bigayi, nu ya sisse bembatsi gu diyabe. ⁴ A Vana nu se vége bigayi gu Tsuéminine Ginu gudénga, Tayénu gu yulu wa nuéni a gu nuvége diboti. ⁵ Passi nu ka lémbi nu yabe nê biviangi Mbare yawu ba rondi Lèmbe metéli gu Ndagu Tsi Nyambi ne mu kodu Tsi mimbambe Nonge batu be ku bène. Ne gungenze nia nuambili ba mane dènge duwu dukabu. ⁶ Tumbe Ndiawu passi wu ka lémbi yingene gu gari Ndaguagu, Tsibige munendagu la ku lèmbe. Tayaguyigu mbure suéma, ne tayagu yia kuéni gu Tsuéminia a gu ku vega diboti. ⁷ Passi nua lémbi nu ya funisse Mbili Mambu me sa ne gidumu nevu batu be sayabi Nyambi ba vagi Mbare Bapikili re Nyambi a gubagula Mba ba guambili vévéni. ⁸ Gu va dikéngi nu ya bagunu nawu Mbare Tayénu agayabi gi nua Rondi némi. Nu gu muivule. ⁹ Kabe yēnu lémbilanu nane: Tayétu ya gu yulu dine diagu dibi réréri. ¹⁰ Bufumu buagu bu rugi tondeniagu yi vagu gutsi ne guyulu. ¹¹ Duvégi wissi wotsu Biguyi. ¹² Du niéssi gu mabi métu, nevu yetu guandi duaniéssi batu ba duvagi mabi. ¹³ Du bandekéni, duya benige gu dumangu. Duobuli gu meguge. ¹⁴ Niéssanu batu ba nwagi mabi passi nua vagi nana Tayiénu yi guyulu a gu nu niesse yandiguandi mabi menu. ¹⁵ Tumba passi nu sa niéssi batu, tayénu guandi a sa gunu niésse. ¹⁶ Passi nu a sindili Nzale nu ya detse niuru nevu biviangi ba vagili, ba sanzi binéngu biawu nonge batu ba béni be ku yabangere Nzale ba sindili ne gungenza Nia nuambili ba mane dénge duawu dukabu. ¹⁷ Tumbe yénu passi nua sindili Nzala, gunganu binéngu nu ku singe matsi. ¹⁸ Nonge batu be Tsatse yabe ra nua sindili Nzale. Tumba Tayiénu vika wi vana gu Tsuéminina. Ne tayiénu ya nuéni gu Tsuéminina a gunuvege meboti. ¹⁹ Nu ya gukige Mbili meboti mu butambe me pambu ne mali be gusielesene. Gu midagi be benze guingene gué dage. ²⁰ Gukiganu metobi menu me yulu a gu pambu ne mali ba sa benze sièlesène ne gu midagi be sa benze guingene gué dage. ²¹ Mbare ve bukiti buagu re ve murimagu guandi. ²² Dissu re lambi niuru. Kaba gère dissu di diboti Duyuru duotsu du basse ne giyalele. ²³ Tumba gére dissu disadiboti duyuru duotsu duabassu ne divissement. ²⁴ Gusandi mutu wu bènze dianzile fumu béyi Mbare a guvine yimossi a kuronde yine. A gudianze dina a kuvugisse dimossi. Nu sa benze dianzile Nyambi nu ku dianzile guandi meboti. ²⁵ Re dibandu nia nuambili ra: nu ya dume gu kiélu moniunu, bi nuguye, bi nu gunu nessi gu kiélu duyuru duénu, bi nu guduare Mbare moniu a sa kibi biguya? Duyuru a sa kibi bidarua? ²⁶ Gènisanu nionitsi yulu be sa vari be sa guendi mubiambe be sa suégi biguya mu mubu mayu Tumba Tayiénu yi yulu a ga bevégi biguye nu sa ne digobe viagunu nawua? ²⁷ A ve gariénu nié bènze negine muépesu gitsingu gi monuandi ne pikile Tsi nanoli. ²⁸ A Gié nu a dumini gu kiélu biduaru pikilanu biriri né bukulu bu biambe nevu bua béndili, busadianzi, bu sa londi. ²⁹ Tumba nia nuambile ra: néssi kanangu Solomon gu bundumbe buandi buotsu a se duare né biriri bine. ³⁰ Gère nyambi ga duarissi biriri bi biambe bi nétu ne muni, mugessa bi gutabulu bi kué goku guruvi. Nyambi sa benze nu duarisse dibantu gié lémbutsi batu be sa ne gitu vévéni. ³¹ Kaba nu ya duma gu kiélu re a duguye gié? Du gunu gié a vo a dugu duare gié. ³² Bivave bina bia kébu ne batu be sa yabi Nyambi. Tayénu gu yulu gayabi biotsu bi nua rondi. ³³ Regilanu gukébe bundumbe bu yulu ne dusungmu duandi bivave biotsu bi gu nuwégu. ³⁴ Nu ya duma di mugesse mbare mugéssa wu gu denge bissussu wissi wotsu Nyambi sa kulibegére.