4 ¹ Avane Yesu abege gu mbure kumu ne diniuni gué mangu ne muvinitsi. ² Akukuè kambise ne nzale gu megumi mane me wisi ne megumi mane me mebeti, avana akulu nzale. ³ Mumangitsi aku dute ve yandi aku muambilere gere ngenze wu mwane Nyambi ve diniange re memani mane me kalugi pembi. ⁴ Tumbe Yesu kumuagulere nesi nzagu kinze mba Nyambi ayambile murendure mutu asa benze denge moniu kane pembi, tumbe ne musamu wotsu wa vudugi gu munu Nyambi. ⁵ Ka mbeni negu mubegu Jérusalem, musiengi wu Nzambi. Akué musunze ve mbure yube yi nanguge viagunu yi ndagu Nyambi. ⁶ Ne gu muambile gère ngenze wu mwane bumi gu nfudu, wusa gu némine mba di rendure ve diniange gu bianze biagu guku bandekene. Be guku nangule mu mekake mawu, beguku bandekene mba wu kore gurle gieru mu dimani. ⁷ Tu Yesu ku muagulere nesi nza gulobuge mba direndu guandi gu gisangumu gi Nyambi rewu ya mange fumu re Nyambi agu. ⁸ Mbeni negu mubegu yulu mukongu negu murigitse misiéngi ne buviandi. ⁹ Aku muambilere niguku vé bivave biotsu bine. Mbagere wuse kuteme gu ndembige. ¹⁰ Yesu aku muambilere yende tage mbeni, mba direndure lembige fumu re Nyambi negu mudianzile ka yandi. ¹¹ Ava mbeni negu musise ka bianzi ne gudute ve yandi gumu dianzile. ¹² Ve Yesu ayibilange gu musiengi Judée be bingitsi be Jean Baptiste berugu tse muambilere kanangu Hérode avere Jean gu nzugu avane Yesu ne gugabuge gu Nazareth gu musiengi Galilée. ¹³ Avane yandi ne gusuge Nazareth ne gwe tsagene Capernaum ayubange ve bébéli ne nzube Galilée gu musiengi wubange wu gifumbe gi Zabulon ne Nephtali. ¹⁴ Motsu merugange nonge mambu mambile mubigitsi Esaie me kuelmine. ¹⁵ Mutambe Zabulon ne mutambe Nephtali, nzile nzube ve yulu Jourdain. Galilée, bulongu bu batu be sabange juive. ¹⁶ Dibundu di batu be tsage gu diviseme bema labe giyale gi neni nemu be tsibange metsagene gu misiengi negu gidunze gi gufu giyalele gia rambuge. ¹⁷ Pakilile ve gigumbi gine Yesu gu capernaum apakile gu ve musamu Nyambi ne guambilangere kalulanu monienu sisanu guvage mambu mabi mba fumu beli. ¹⁸ Neve ayendange mugogu nzube Galilée akulaba bane be nguye be beyi Simon yi nengungure Pierre ne André mwane nguyandi. Wu punga mbuse gu nzube mba babange belobitsi. ¹⁹ Yesu ku bambilere ruganu ve nzimami nigu nuvage belobitsi be batu. ²⁰ Vane ne vane be sise mbuse tsiawu negu mubinge. ²¹ Ve yesu a dutilange aku bene bane be nguye be beye be susu Jacques mwane zébédée ne Jean mwane nguyandi gu bwatu ne zébédée tayawu babange ne gulondange mbuse tsiawu akube nenge. ²² Vane ne vane beku sise tayawune bwatu negu mubinge. ²³ Yesu akunange Galilée yotsu ne bane gwé ne nenza batu mu ndagu tsiawu tsi Nyambi ne guene vega musamu Yesu guene belusa mibélu miotsu ne batube ne bière ve gari dibundu. ²⁴ Didume diandi diku niambegene ne Syrie yotsu, beku mubegila botsu be belange, nebe nionga neke pagere mubelu, nebe pupisungu ne meniani, ne babange ne meniuniu mabi, bisi melogi ne bisi membogelotu Yesu akube belusa yawu botsu. ²⁵ Mebundu me neni me binga Yesu gu Galilée, gu Décapole, gu Jérusalem gu Judée gu disimu dine di Jourdain.