7 ¹ Vu ya vé batu mbéle yenu guandi nu sa gu vegu mbele. ² Be gu nu ve mbele munongu mosi ne ve yenu mua vegili be mbatsi ne mududu wu yenu nua guetsi gili. Mududune wu gubangu gu guetse gilu yenu beni. ³ A gié wa gengisili mué gipépeli gi digunze gu disu di mbatsi. Wu sa babi dikutu di gu disu diagu? ⁴ A wu benze guambilile mwane nguyagu tsiè. Nzisi niusuli gi pépéli gi dugunze gu disu diagu ndiabeni wu ne dikutu gu disu diagu. ⁵ Yiviangi wu kuisule dikutu di gu disu diagu nane wu gu labe giyalele wu kusule gipépéli gi gu disu di mwane nguyagu. ⁶ Nu ya vé mondi biva biboti. Nu ya bume misauge ve wusu ngulu be tsatse mi tsarile a kore nu ligile nzime li a ka nu tsunguli. ⁷ Yuvulanu be gu nu vége kébanu be gu nu denge. Dukitsanu be gu nu tsibulile. ⁸ Mba mutu wotsu wa rombi a ga dengi. Wotsu wa kebi a ga dengi mutu wotsu ya dimbi a gu tsibule. ⁹ A nié va garienu pagene mwanandi a ga muvuli pembi a ku muvége dimani. ¹⁰ A va ga muvuli gisonlyi a ku muvé nioge. ¹¹ Yilembutsi mune wubi wu nenu mua yabiguvege bane benu bivave biboti ne qué ne vagere tayenu yi gu yulu a benze buse gu nu vé bivave bi nua muvili. ¹² Kinzilanu be mbatsi mambu motsu me nua rondi re be nu kinzili mba re nane gisangumu gi migage mi nyambi ne bedukitsi gia nenzili. ¹³ Yingeninanu gu munendagu gegi mbare munendagu neni nzila ya begi gu gu tsiemuge mbili ba viogile vane. ¹⁴ Mba wu gegi munendagu yi gegiane nzile ya begi gu moni be se fune be gu be ragene. ¹⁵ Nu bankene bedukitsi be gufure, be gu ru gu yenu, be gu dnare bi Kate bi kate bi tabe labe megu ngenza mekoyu. ¹⁶ Nu gubeyabe mu milunde miawu. Ne gu ngenze ba suki tsungubali mu mebake me ne tsiendi? A va mingesiege mu melindi? ¹⁷ Mbare miri miotsu mi boti mia buri ka milunde mi boti tumbe muri yubi ya buri ka milunde mibi. ¹⁸ Yu sa miri mi boti mia buri milunde mi bole wu sa guandi muri bole wa buri milunde mi boti. ¹⁹ Miri wotsu wu sa buri milunde mi boti wa tabulu là wu ku veru gu suvi. ²⁰ A vana nu miyabilange ka mu milunde miawu. ²¹ Sa botsu ba nia mbibine fumu, fumu be guingene gu yulu, givengule ka ba va tondeni yi toyetu yi gu yulu. ²² Mbili batu be gu niambile wisi wu gu ru Yésu re fumu, fumu, du vega botu pegi tsi rugila gu nyambi gu dine diagu, du se sanza meniuni mabi gu dine diagué du se va mambu me duviogililanga? ²³ Avane ni gu nuambile ne sangia re me nze nu yabi! Ragemanu nami yenu nua kinzi mabi. ²⁴ Ka mutu wotsu wu gulu musamu Yésu ne gu me kinza a gube gère mutu ginami wu runge ndaguandi ve yulu dimani. ²⁵ Nfule ne gu noge, giningu ne gu pande mukunge ne gu vuge ndaguandi, yi se yitige, mbare yi rungu mu dimani. ²⁶ Mutu wotsu wa gulu musamu Yésu wa busi kinze mambu meni a yi muno. Ngu mosi ne mutu wu sa ne pikile runge ndagu ve musiegi. ²⁷ Nfule ku noge, giningu ne gu pande mupunge ne gu vuge. Ndagu yi kwitige a ku tsiemuse bivave biotsu. ²⁸ Ve Yésu ne gu mane guambile mambu mane, dibundu di ku mame ne ve a nenzilange. ²⁹ Mbare a be nenza gére mutu wu ne diniange. Sa ne batu be rendange migage be nengungu re scribe.