¹ Kasi ngeyi zonza mana ma fwana ni ya maalongi ma mboti. ² Minunu bafweti kala batu ba kulembama, ba luzitu, bi yindula, ba kulunga mu lukwikilu, mu zola ti mu kukwamina. ³ Pila mosi, ba khetu ba beka ba mbuta mu mvula ba fweti tambula kosu mbala bwosu batu ba luzitu, kukonda mbonzi. Ba fwaniku ba dihana ku malafu ma ngolungolu. ⁴ Ba fweti longa ma mena mboti; mu pila ni ba longa ba ndumba ba bakhetu mu kuzola ba yakala ba bawu ti bana ba bawu. ⁵ Ba fweti ba longaka ba kala mayela, bukheti, mu kuyidika mabuta ma bawu, ye kukala ti bulemvu kwa ba yakala ba bawu. Ba fweti sala mambu mama mu pila ni ndinga Nzambi ba vwenzi yoku. ⁶ Pila mosi, hana kikesa kwena ba ngunza ba bayakala bakala ti mayela. ⁷ Mu mambu mosu songa mbandu mu bisalu bia mboti ye mu thangwa di wu longa songisa masonga ti luzitu. ⁸ Mwanga nsangu ya bukheti ti ya kukonda kifu mu pila ni mutu wuna wu shia paka kakala mu tsoni, mu diambu ka kadiku ti kima kia mbi kia kuzonza kwena betu. ⁹ Ba pika ba fweti lemvuka kwena ba pfumu ba bawu mu mambu mosu. Ba feti ba sepidisa keku ni ba siaka paka ti bawu. ¹⁰ Ba fweti ku kuyiba kasi ba fweti songa luzolu dia mboti, mu pila ni ba hana luzitu mu malongi metu ma tadidi Nzambi ngulusi'etu. ¹¹ Khiawu mamboti ma Nzambi ma monika kwena batu bosu. ¹² Mi tulonga mu kubwisa ki mupani ti nzala za thotu. Mi tu longa twa zinga mu mayela, mu makiedika ti muki Nzambi mu thangu yayi twena. ¹³ Mu tangwa di tu hingila twa monga vuvu dia lusakumuku, ku monika kwa lukumu lwa Nzambi wa neni ti pfumu wetu Yesu Khlisitu.