¹ Ba yubuka badi kulumusaka kwena ba twadisi ti kwena ba pfumu, ba balemvukila pi bakala bakuyilama mu mambu ma mboti. ² Ba yubuka ba vwenziku mutu, batina thembi, bakala ti luzitu luingi kwena ba hika, pi ba dikulumusaka ku thwala batu bosu. ⁴ Kasi mu thangwa mamboti ma Nzambi ngulusietu ti zola diandi mukuma kia batu dia moniki, ⁵ yuka ka tuhulusa, keku mukuma bia bisalu bia mboti twa sadiki, kasi mukuma kia mawa mandi. Katuhulusa mu nzila mbotika ya kubalula thima. ⁶ Nzambi ka mwangi mu thalu ya bumbidi phefi ya Santu kwena betu mu Yesu-Khlisitu mvulusietu. ⁷ Ka sadibwa mu pila ni twa kuma ba mboti mu mawa mandi, twa kuma pi bana bandi mu nzila ya kulemvuka mu luzingu lwa mvula ya mvula. ⁹ Kasi yambulenu paka za pamba za ndandana zi nata matata ye khabwana zi tadidi tsiku. Biena bima bia bifwaniku ti bia konda pfunu. ¹⁰ Katuka mu lweka dia ngeyi, kunima dia kukebisa mbala yayi ya theti ti ya zodi, batu bosu bi nata khabwana mu kati dia benu. ¹¹ Khiawu luzaya ni mutu wa mutindu wuna ka baluka mu nzila ya mboti ye kena mu kusumuka ti ku lu sambisa yandieni. ¹² Thangu ya kutumina Artemasi ti Tishiki, sasuka mu kwisa ngwana ku Nicopolu, ku ya yindudi ni kwa yakala mu mbangala. ¹³ Sasuka mu ku thumina Zenasi, longi dia mitsiku ti Apolos, mu pilani ka kondiku kima.