¹ Polu, tsadi wa Nzambi, ye thumwa wa Yesu khlisitu mu lukwikilu lwa ba baba kasola Nzambi ti nzayilu yina yi wakana ti kinzambi. ² Lukwikilu ti nzayilu ya masonga mazakadi mu kivuvu kia luzingu lwa mvula ye mvula lwa Nzambi wuna kahuna koku kasila banda thangwa kiana. ³ Mu tangwa dia mboti katadisi ndinga ndi mu nzila malongi ma ka mpeki ya samuna. Ya zodi ya salema mu tswa ya Nzambi ngulusi yetu. ⁴ Kwena nge Titi, mwana wa kieleka mu lukwikilu lwetu lwa kimvuka. Ma mboti ti ngemba yikatuki muna Nzambi Tata ti Yesu Khlisitu ngusi yetu. ⁵ Mu kikuma be kina, ya ku shishidi ku mbanza Kreti, mu pila ni wu shia mu ndonga mambu mana makhaku kuyilama kedi pi wa shia mubiyeka ba mbuta badibundu konsu mbanza mu pila ndongisila dia meni. ⁶ Mbuta dibundu ka fweti kala kukonda kifu, pi yakala wa mu khetu mosi pi wena ti bana bi tambula mboti, beku khabu, bakadiku bana ba konda bulemfu. Bwena pfunu yingi mu kuma kia ngungudi wena nganga Nzambi kakadiku ye kifu. ⁷ Kafwaniku kakala lulendu to bifu bia mbi. Kafweti ku kala mutuakhabu, to kadihana mu malafu, to mutwa mavuanga, to mutu wizola mbongu. ⁹ Kasi ka feti kala mutwa kuyamba, nduku wa mambu ma mboti. Kafweti kala mutu wa kusasumuka, wa masonga, wa longwu pi kakala ti kudikitisa. ⁸ Ka fweti kala wa kukwikama mu ndinga ya Nzambi bwosu bisiya longa, mu pila ni ka kala wuna wu heka batu bahika kikesa ti malongi ma mboti pi kusungika bana bimutedimina. ¹⁰ Sambu kwena ya batu bingi bena mutwa ngolu, thetia theti bana ba balula mbundu. Ndinga za bawu zena za pamba. Ba hanaka tsoni pi ba nataka batu mu nzila mbi. Bwena pfunu baba kangisa. ¹¹ Bilonga mambu mana bafwaniku balonga mukuma ba monga lufutu lwa tsoni pi bishia kisakasaka makanda ma batu. ¹² Mosi mukati kia bawu, mutu mosi wa mayedi mukati kia bawu kasamuni ni: "batu ba tsia Khreti kaka batu ba bungumba, ba mbi, ye ba kingosa kia mbi, mavumu ba bumolu". ¹³ Kimbangi kiaki kiena masonga. Yi bwabuna ba nganina ngolu mu pila ni ba kala ti lukwikilu lwa kusiama. ¹⁵ Mu bana bena ba kusiama mosu mena ma bukheti; kasi kweku kima kia mboti mu bana bena mvindu, ye bisiku kwikila khiawu mabanza ti mbundu za bawu zena za mvindu. ¹⁶ Bi songisa mukisalu kia bawu ni ba muzayi Nzambi, kasi bisalu bia bawu bisonga pila hika. Bena batu ba pamba ye ba lemvuka koku. Bisiku kuka basala ata kima kia mboti kimosi.