¹ Yesu katuki kisika ki ye wendi ku thotu ya Yudea kututa nzadi Yordani, ye kibuka kisi hika kwena yandi. ka ba longiki dihika, bwosu kia kalaka ki kalulu kiandi. ² Ba farizi bisi kwena yandi, mu kumumeka ye ba hiudi: "keti tsiku yituma kwena yakala ka honda wala ti mukhetu'andi?" ³ Yu vutudi: "khi ka lusonikina mose?" ⁴ Ba vutudi: mose ka hani tswa kwena yakala ka sonika mukanda wa kuhonda makwela, kunima ka muyambula". ⁵ "Mu diambu za mbundu zenu za ngolu ba lusonikini tsiku yayi" wu ba vutwedi Yesu. ⁶ Kasi ku luyandiku ya thotu, "Nzambi ka ba sadi yakala ti mukhetu". ⁷ Mu kikuma kina, yakala ka yambula tatandi ti ngudiandi ye wu kangami kwa mukhetu andi, ⁸ ye ba bodi, kasi mutu mosi. ⁹ Yi bwabuna, ki kakavukisi Nzambi, kweku mutu ka kabulekia. ¹⁰ Tangwa bakadi mu nzu, ba longuki ba muhiudihika mambu mama. ¹¹ Wu ba vutwedi: "wuna wukabwani ti mukhetuandi ye wukwendi mukhetwahika, kasadi bizumbu ti yandi. ¹² Eyuka wu kabwani ti yakala diandi pi wu vukani ti yakala dia hika, ka sadi bizumba". ¹³ Kunima batu ba munatini bana ba khunda mupila ni ka ba simba, kasi balonguki ba ba nga nini. ¹⁴ Kasi thangwa Yesu kamoni buna, ka kadiku ti kiesi ye ba samwana: "hekenu nzila kwena bana bakhunda bisa kwena meni, lu ba kangisiku, khiau kipfumu kia nzambi kiena kia bayina bena bwosu bawu. ¹⁵ Mukiedika, yilu samwanebwa, wosu wuna ka yambaku kipfumu kia Nzambi bwosu mwana khunda, kakotoku mu masonga. ¹⁶ Ebuna, wumongi bana ha moku mandi, ye ba sakumuni mu ku ba sia moku. ¹⁷ Ye mu thangwa nzietelu, mutu mosi wendi thinu kwena yandi, wufukami ku thwala yandi, ye wu hiudi: "longi wa mboti, khi fweti tsala mu ku monga moyu wa mvula ye mvula?" ¹⁸ E Yesu vutudi: "khia kikuma wu thela ni yena wa mboti? Kweku mutu wa mboti, kakka Nzambi yandi hika. ¹⁹ Wu zayi tsiku: "wu hondiku, wu sadiku bizumba, wu yibi ku, wu tiku kimbangi kia luvunu, wu tambudiku bima, zitisa tataku ti ngudiaku." ²⁰ Mutu vutudi: "longi ya lemvu kaka mu mambu mama mosu banda kileki kiama." ²¹ Yesu wumu tadi ye wumu zodi. Wu musamwani: "kima kimosi ki kukonda. Wu fweti teka biosu biawena biawu ye kuhanekia ku zulu. Kunima wisa ye ndanda." ²² Kasi wukumi ye kiadi kingi mukuma kia ndinga yayi, ye kunima wendi ya kiadi khiawu ka kadi ya bima bingi. ²³ Yesu watadi munzinga ye zonzi kwa balongoki bandi: "bwena pasi mukuma kia ba mvwama mukukota mu ki pfumu kia Nzambi". ²⁴ Ba longuki ba kadi ba ku yituka mukuma kia ndinga yina. Kasi Yesu wu ba samwani dihika: "bana, bwena pasi mu ku kota mu ki pfumu kia Nzambi! ²⁵ Bwena khonda pasi kwena punda mu ku hioka mu nzila dibulu dia thunga, ke kwena mvwama muku kota mu ki pfumu kia Nzambi." ²⁶ Ba yituki bwingi penza ti ba dihiudi wuna ye wuna: "ebuna nani fwani ka huluka?" ²⁷ yesu wu ba tadi ye zonzi: "bu fwaniku kwena batu, kasi loni kwena Nzambi. Khiawu mambu mosu ma salama kwena Nzambi." ²⁸ Petelu yandiki ku mu samwana: "Tala twa yambudi mosu, pi twa kulandi." ²⁹ su zonzi: "mu kieleka, yisi bwa lusamwana, kweku mutu wu yambudi nzu, to ba pangi ba ba yakala, to ba bakhetu, to mama, to tata, to bana, to tseki, mukuma kia meni ye mu kuma kia tsangwa bukheti, ³⁰ ka khonda monga mbala khama ha tsi thotu: nzu ba pangi ba yakala ti ba bakhetu, ba mama, bana, ti tseki, ye mbangika, ye ku thwala luzingu lwa konda tsuka. ³¹ Kasi bingi bena ba theti, ba kala ba tsuka, ye ba tsuka bakala ba theti. ³² Ba kadi mu nzila ba tombukiki ku tYelusalemi, ye Yesu kendiki ku thwala bawu. Ba longuki bakadi bakuyituka, ye bana ba landiki bunima bakadi ya boma. Hakana Yesu wulukatudi dihika ti bawu kumi ye bodi, ye yandiki ku ba samwana ki kia mu yisila bu thwena. ³³ Yukenu! tu tombuka Yelusalemi ye mwana mutu bamu hana kwa ba mbuta ba nganga Nzambi ti kwa ba soniki. ³⁴ Ba mu zengila ndola lufwa ye ba mu hana kwena ba mipani. ³⁶ Yakobi ti Yowani, bana ba Zebede, bisi kwena Yesu ye ba musamwani: "longi, tu zola ni wa tu sadila kimaki tu ku lomba." ³⁵ Wu ba samwani: "khi lu zola ni ya sala mukima kia benu?" ³⁷ Ba vutudi: "hana tswa ni twa zakala ti ngeyi mmu lukumu lwaku, mosi diaku dia kikhetu." ³⁸ Kasi yesu wu ba heki mvutu: "lwisiku zaya kima lu lomba. Keti lwa kuka ku mwa dikopa di ya nwa meni to kukanga mbundu lwa monga mboika yi ba mbotiba meni?" ³⁹ Bamu vutwadi: "twa kuka " Yesu wu ba samwani: "dikopa di ya nwa, benu lwa nwa. Ye lwa botama mbotika yi ba mbotiki meni. ⁴⁰ Kasi mukima ki kitadidi nani wa zakala ku koku dia meni dia kikhetu, ke meniku ya hana, kasi ma bayina baba yidikilema kedi." ⁴¹ Thangwa ba longuki bahika kumi ba bayuki bwa, ba yandiki kuyuka khabu kwena Yakobi ti Yowani. ⁴² Yesu wu batedi ku thwala yandi, ye basamwani: "lu zaya ni baba bimonga bwosu ba twadisi ba ba poni, bi bayala, ye bambuta mukati dia bawu bisonga kipfumu kwena bawu. ⁴⁴ Kasi mukatidia benu, bu fwetiku kala buna wosu wuna wuzola kakuma mbuta mukati dia benu ka fweti kala tsadi dienu, ⁴³ Ye wosu wuna wuzola kakala wa theti mukati dia benu, ka fweti kala mu hika wa benenu boosu. ⁴⁵ Khiawu mwana mutu kisoku mukuma ba musadisa, kasi kusadisa, ye kuhana luzingu lwandi bwosu makabu mukuma kia batu bingi." ⁴⁶ Ba kumini ku Yediko ye bwosu ka katuki ku Yediko ti ba longuki bandi ti kibuka kia nene, mwana timeyo, Bartime, kifwa mesu ka kadi wazakadi mulweka lwa nzila mu kulomba lomba. ⁴⁷ Thangwa ka zayi ni kena mwisi Nazareti wu kadi mu nzila, yandiki kuboka ti kuzonza." Yesu, mwana Davidi, ngiukila mawa." ⁴⁸ Bingi ba nganiniki kifwa mesu, ba musamwaniki ka yaambula malokesi. Kasi wu boki bwingi: "mwana Davidi, ngiukila mawa." ⁴⁹ Yesu telemi ye hani tswa ba mutela. ba mu tedi kifwa mesu, ba musamweni: "monga kikesa! telema ! ki kutela". ⁵⁰ Wu losi kazaka kandi mu lweka, sotuki, ye wendi kwena Yesu. ⁵¹ Ye Yesu wu muheki mvutu ye zonzi: "khi zodi ya sala mu kima kia ngeyi? " Kifwa mesu zonzi: "pfumu,yi zola mesu mama ma mona". ⁵² Ye yesu wu mu samwani: " wenda, lukwikilu lwaku luku beludi." mbala mosi wu moni diaka, ye wu mu mulandi mu nzila.