¹ Tala, thangwa ba kumi mu bela bela dia Yeluzalemi; ba kadi mu belabela ti Bethiphage ti Betani, ku mongu miamitia mia Olive, Yesu wu hitiki bodi mu kati dia balonguki bandi. ² Ye wu ba sammwani: "lwenda ku hata di diena ku thwala betu thangu yi lwa kota, lwa mona mwana punda wa kukangisa, ata mutu ka khaku muzanza kedi. Mukangulenu ye mundatilenu. ³ Yuka mutu ka hiula: "mukuma kia khi lusala bwabuna?" mu vutualenu, "pfumu kena yawu pfunu" ye kayambuleya mbala mosi yisi haka". ⁴ Bendi ye ba moni mwana punnda ba mu kangisi ha nzila ku kielu mu nzila ya neni. ye ba kangudiya. ⁵ Batu bahika bakadi hana ba samuni: "nki lusala mu ku kangula mwana punda yayi?" ⁶ Ba ba vutwadi mvutu bwosu Yesu ba ba samwani. Ye batu baba ba bayambudi bendi. ⁷ Ba longuki ba bodi banati mmwana punda kwena Yesu, ye ba si mvwela za bawu ha thandu mwana punda mupila ni Yesu kazanza ha zulu diandi. ⁸ Batu bingi bayadi nvwela za bawu mu nzila ye bahika ba tandi mihandi ba bukuni mu bilanga. ⁹ Bana bendiki ku twala ti bana ba mulandiki ba bokiki: "Hosanna! yambula ka sakumuka wuna wisi mu zina dia pfumu. ¹⁰ Yambula kia sakumukka ki pfumu kina ki kuisa kia tatietu David/ "Hosanna mu bisika bia zulu!" ¹¹ Kunimma Yesu kakoti ha Yeluzalemi, wendi mu nzwa Nzambi, ye tadi bima biosu. Kilumbu kiakadi kiendi mona, ye wendi ku ¹² Betani ti ba longuki bandi kumi ya zodi. Kilumbu kia landa tangwa di ka katuki ku Betani, wu yuki nzala. ¹³ Ye bu ka moni mu kiana miti wa figuier wakadi ti matiti, wendi tala kana fwani kamona kima. Kasi ka moniku kima kaka bisaka, khiawu ya kadiku tsungi ya ba figue. ¹⁴ Wu mu samwana: "ata mutu kadiku mbuma ngeyi." Ba longuki bandi ba muyuki haka zonzi. ¹⁵ Ba kumi ku yeluzallemi, ye wu koti mu nzwa Nzambi pi wu yandiki ku kula ba mikhiti ti ba sumbi mu nzwa Nzambi. ¹⁶ Wu losi mesa ma ba sabi mbongu ti biti bia bateki pizio. Ata mutu mosi ka mu sisiku mu nzwa Nzambi ka zangula kima kia kuteka. ¹⁷ Wu balongi ye basamwani: "keti ba sonikoku: "Nzwa meni ba telaya nzwa ya bisambu mukuma kia tsi zosu?" kasi benu, benu lwa kituleya nzwa ya ba bandi". ¹⁸ Ba mbuta za ba nganga Nzambi ye ba mi soniki ba zayi kima kina ba zonzi ye ba dingiki bweyi fweti muhonda. Khiawu, ba muyukiki kiesi mu malongi m'andi. ¹⁹ Masika bu misi ba katuki mu mbanza. ²⁰ Bu ba hitidi hakana musuka, ba moni miti wa figuier waku yumuka ti kumi sodi. ²¹ Petelu wu yubuki ye zonzi: "pfumu, tala! miti wa figuier wu wa singi wa yumuki." ²² Yesu wu ba vutwadi: " kalenu ti lukwikilu mwena Nzambi. ²³ Mukieleka, yisi bwa lusamwana, wosu wuna wa zonza ku mongu wu: "telema ye dilosa mu mbundwandi, kasi ka kwikila ni nina ka zonzi kia salama, kiakina Nzambi ka sala. ²⁴ Bwabuna, yi lu samwana, kosu kima kina lwa lomba mu bisambu, kwikilenu ni lwa mongikia, yekia kala kia benu. ²⁵ Thangu lwena ba kutelelma lwena ma wu fweti lolula mosu mama lwena mawu kwa pangi, mukuma ni tatiena wenu ku ma zilu ka lulolula pi masumu menu. ²⁶ Kasi yuka luisiku lolula, tatienu wena ku ma zilu ka lulululeku pi masumu menu. ²⁷ Bisi vutuka hikaku Yeluzalemi. Thangu dina Yesu ka tambudiki mu nzwa Nzambi, ba mbuta ba nganga Nzambi, ba soniki, bisi kwena yandi. ²⁸ Ba musamweni: "ti khi kiyeka wu sala bima biabi? nani wa kuheki kiyeka wa salebia?" ²⁹ Yesu wuba vutwadi: "yalu hiula kiuvu kimosi. Pekenu mvutu, ebuna ya lusamwana mu khi kiyeka yi sala bima biabi. " ³⁰ Mbotika ya Yowani yakatuki ku zilu to kwena batu? Pekenu mvutu." ³¹ Ba si paka bawu ya bawu mu kuzonza bwabu: "yuka tua zonza", "ya katuka ku zilu", ka zonza, "mukuma kia khi lwa kuikidiku mwena yandi?" Kasi yuka ta zonza, "yakatuki kwena batu". ³² Ba bangiki ki buka khiawu batu bosu bakwikidiki ni Yowani kakadi mbikudi. ³³ Ye ba vutudi mvutu kwena Yesu wu ba samwani: "Meni pi ya luswamwana ku mu khi kiyeka yi sala bima biabi.