¹ Mu kumanisa, ba phangi, two lu heka kikesa pi tulu longisila mu zila dia pfumu yesu bwosu two lu longikiki, khie pila lwo feti kadila mukuma kusepedisa Nzambi; pi lwena mu ku tambula mboti, lwenda ku thwala. ² Khiawu lwa zayi malongi ma tutu hekiki ma matukiki kwena pfumu yesu. ³ Khiawu mama mena luzolu lwa Nzambi: twa kala ya longo, tu sadiku kindumba, ⁴ mutu wosu mu kati kia benu ka zaya khie pila ka feti tanina lutu lwandi mu kati kia busantu ye mu lu kumu. ⁵ Lwo kaloku ti bikalulu bia mbi bwosu basalaka ba pakanu ba bazayiku Nzambi. ⁶ Pi kamutuku ka huna to kasala mambi kwena phangiandi mu mambu mama. Bwosu tulusamwani, pfumu ka heka ndola mukuma kia mambu mana. ⁷ Khiawu nzambi katu tediki mu kuma ni twa zingiku luzingu dia mvindu, kasi ma busantu. ⁸ Mu bwabuna, wosu wuna ka losa malongi mama, ka losiku batu, kasi Nzambi, yandi ka tuheka pefia santu. ⁹ Ma matadidi zola dia ba phangi, dieku pfunu mutu ka lusonikila mukuma kia yawu, mudiambu yandieni Nzambi, kalulongiki, mu kuluzolana benu ye benu. ¹⁰ Hakana, mena mboti ma lusala kwena ba phangi bosu ba bena ku macedoine. Kasi tululongisila, ba phangi, mu kusala dihika ngolu. ¹¹ Mu pila mosi tu lulongisila mu kuzinga luzingu lwa ngemba, mu kusala mambu ma benu mosi nana, mu kusala ye mioku za benu mosi, bwosu twa lu sonikila. ¹² Salenu mambu ma mu pila ni lwo tambula ye masonga mu kati kia luzitu kwena ba beku ye lukwikilu, mu pila ni lwo kaloku ye pfunua kima. ¹³ Twisiku kuzola, ba phangi, ni lwo kala ti mawa kwena ba binimba, mu phila ni lwa kaloku ya kiadi kingi bwosu ba benoku ye kivuvu ku mambu mi kwisa ku thwala. ¹⁴ Khiawu, yuka tu kwikila ni yesu kafi pi kafutumuk, mu phila mosi pi, Nzambi ka futumuka ye yesu ba bosu bena ku kilu mu kati kia yandi. ¹⁵ Talenu, two llusongiku mu nzila ya ndinga ya pfumu, ni betu thwena mu luzingu, tu kingala kuvutuka kwa pfumu, twa kwendoku ku thwala ba bena ba kunimba. ¹⁶ Sambu pfumu yandieni ka kwisa mu ziulu. ka boka ngolu, ye ndinga ya pfumu wa ba wanzio, pi ye musipu lwa nzambi, pi ba bafwa mu khidisitu ba mutumuka ba theti. ¹⁷ Mu manima betu twena ye moyu, two tombuka betu bosu ye bawu mu matuti mu kwenda kutana ye pfumu mu ziulu, pi hakana twa kala kimakulu ye pfumu. ¹⁸ Hekenu kikesa benu ye benu mu nzila ndienga yayi.