¹ Mutangwa yayina ma matadila tangwa ti nsungi, pangi, kueku pfunu ni bakusonikinema. ² Yibwabuna luzayibwa kibeni ni kilumbu kia pfumu kisi bwosu mwifi muna piba. ³ Mutangwa ba zonzi: "ngemba pi lukengulu." Mu bwabuna lufwa lwa kintulu mukima kia bakwisila kwena bawu. dia kala bwosu pasi za kubuta kwena munketwa vumu. ba kukoku kutina mu pila zosu. ⁴ Kasi benu pangia yakala, lweku mu pipa, mu pila ni kilumbu kia kina kia lu bwila bwosu mwifi. ⁵ mu diambu lwena benu bosu bana ba mwini pi bana ba kilumbu. Betuntweku bana ba mupipa pi ki wata wata kia pipa. ⁶ bwabuna pi, tu sundadiku bwosu bisi zala bahika, kasi tu kalenu mbanda pi tu kadiku kukidiya. ⁷ Kasi babisundala, basundala muppipa, pi babi la wuka malafu, ba lawuka mu pipa. ⁸ Kasi, bu twena bana ba ku mwini twa kala mbandu, tuvwatenu mu kaba wa lukwikilu pi wa lutondu, ya mpi tokikoti kia kivuvu kia luhulusu lwa kwisa. ⁹ Mudiambu nzambi ka katutu moku mu nkabu, kasi mukumonga luhulusu mu nzila pfumwetu yesu khidisitu. ¹⁰ Kena wu wafwa mu kikuma kia betu mu pila ni ata twena ba kutelema, mi ba ku nimba, twisi zinga kumosi ya yandi. ¹¹ Mu pila yina, longanenu benu ya benu, pi simbanenu benu ya benu; bwosu lwa salakebwa kedi. ¹² Twisi lulomba, pangia yakala, mu kuzaya bisala mukati kiabenu pi bana bena ba kutombuka muzina dia pfumwetu pi bana bi lu longa. ¹³ Twisi lu lomba pi lwa ba monga ya luzitu lwa moni ki kuma kia bawu pi kikuma kia bisalu bia bawu. Kalenu ya ngemba benu ya benu. ¹⁴ Twisi lulongisila: ba samwenu bana bisi zinga mu mavuanga ba hekenu kikesa ba beku ya kikesa; sadisenu ba beku ya ngolu; kalenu ya kukanga mbundu kwa ba bosu. ¹⁵ Kalenu ya mayele, ata mutu ka vutwadiku, mukwe mutu nki ku mbi. ¹⁶ Kasi landanu tangwa zosu mana mena ma mboti mukati kia benu ya benu pi benu bosu. Kalenu ya kiesi tangwa zosu. ¹⁷ Sambenu kulembwa lo. ¹⁸ Vutulenu matondu ku bima biosu, yibwabuna bwena luzolu lwa Nzambi mu kidisitu yesu kikuma kia benu. ¹⁹ Luzimiku pefi. ²⁰ lunganiniku to lukangisi malongi. ²¹ Kasi talenu mambu mosu. ²² Kangamenu mu mamena ma mboti. Tinenu ku mosama kwosu kwa mbi. ²³ Yambula nzambi wa ngemba kalukumisa ba santu kimakulu. ²⁴ yambula pefienu, moyuenu, pi lutuenu lwa kala lwa kukengidila nkatu kima kia mbi ti ya kuna ka kwisa pfumwetu yesu khidisitu. ²⁵ Pangia yakala sambanu pi kikuma kia betu. ²⁶ bapangi bosu ba hekenu mboti pi lwa yambana kwa kinzambi. ²⁷ Yilulomba mungolu za pfumu ni mukanda wawu batanga wa kwa ba pangi bosu. ²⁸ Yambula mamboti ma pfumuetu yesu khidisitu ya kala ya benu.