¹ Hakana, thangwa twa moni ni thwisi bwoku kuka hika, twa yindudi ni bwakati mboti twa hwena betu hika ku mbanza Ateni. ² Twa hitiki Timote, pangi etu ye pangi mu kisalu kia Nzambi mu tsangu ya bukheti ya Khidisitu, mukuma kia kuluheka kikesa ti ku luheka ngolu mukutala lukuikilu lwenu. ³ Twa sadi mambu mama mu kikuma ni ata mutu ka kadiku kisaka saka mu pasi zasi, khiawu luzayi benwenu ni twa solama mukuma kia bwabuna. ⁴ Mukiedika thangwa twa kadi ti benu, twa lusamwaniki ku thwala ni twa hioka mu pasi , ye ma salemi pi bwosu luzayi bwa. ⁵ Mudiambu dia kikuma kiaki, thangwa ya moni ni ya kuka bwoku hika mu kuhingila, ya tumi mu kumonga tsangu za lukuikilu lwenu. Fwani bwa kala ni wuna wa mekaka ka meki mu pila mosi ni kisalu kia betu kia kala kia pamba. ⁶ Kasi Timote, wakatuki kwena benu, katunatini tsangu za mboti za yubuka kwena betu mambu ma mboti, ye ni luzola lwa tu mona bwosu betu pi twisi bwa zola; ⁷ mukima kia bwawu, ba pangi, mukati dia kiadi kingi ti pasi, twa mongi mgolu mu nzila benu mukuma kia lukwikilu lwenu. ⁸ Khiawu butwena tu zinga, yuka lwa simbidila ngolu mu kinzambi. ⁹ Khiawu khia pila twa fwani twa vutula matondu kwa Nzambi mukuma kia kiesi ki lu tuheka ku thwala yandi? ¹⁰ pipa ti mwini, tu musamba ti ngolu zina ka tukangwala nzila twa mona kilunzi kienu ye twa yika kina kikonda mu lukwikilu lwenu. ¹¹ Yambula nzambi etu ye tata, yandieni, ti pfumuetu yesu, katwadisa nziletu kwa benu. ¹² Yambula Nzambi ka lu yedisa ye ka lukumisa bwingi mu zola, bana mukuma kia ba hika ye kwena batu bosu, bwiosu twisibwa sala pi mukuma kia benu. ¹³ Kasala bwabubu, mukuma kia kuhana kikesa mu mbundu zenu mmupila ni za kala konda kifu mu bulongu ku thwala nzambi etu ye tata thangwa kuvutuka kwa pfumuetu yesu khidisitu ti ba santu bosu.