¹ Khiawu luzaya benwenu, ba pangi ni ku kwisa kwa betu kwena benu kwa kadiku kwa pamba. ² Luzaya ni twa moni pasi mbala yihiti ye ba tu niokuni titsoni zoosu ku mbanza Filipu. Twa mongi kivuvu mu Nzambi etu, mu kuluzayisa tsangwa mboti ya Nzambi mukati dia mavuanga mingi. ³ Khiawu ndongisila ya betu ya katukiku mu kifu, to mu mvindu, to mu luvunu. ⁴ Kasi, mupila ya yina Nzambi ka tu tambwasi mu kutuheka tsangwa bukheti, yibuna tuzonza. twisiku zonza mu kusepidisa batu, kasi mu kusepidisa Nzambi. Kena yandi wa talaka mbundu zetu. ⁵ Khiawu, ata thangu mosi ku twa sadidi ndinga za kuleba bwosu luzaya, to bwosu luvunu mukuma kia nzala bima, Nzambi kena mbangi, ⁶ to twa dingi lukumu lwa batu, lwa tuki kwene benu to kwena batu bahika. Twa fwani mu kulomba thswa bwosu ba thumwa khidisitu ⁷ Kasi, twakadi pima mukati di benu bwosu mama wuheka bana ba yandieni mosi kikesa. ⁸ Hakana, twa kadi ti zola mukuma kia benu. Twakadi ye kiesi mu kukabisa tibenu, loni kaka tsangu ya mboti ya Nzambi, kasi pi ba luzingu ba betwetu, khiawu lwa kumi batu ba mbalu kwena betu . ⁹ Khiawu luyubuka bapangi kisalu kia betu ti pasi za betu. Piba ti mwini twa sadiki mupila ni tu kadiku mu kizitu ata kwena mosi mukati dia benu mu tangwa di twa lulongiki tsangwa bukheti ya Nzambe. ¹⁰ Lwena ba mbangi, ti Nzambi pi, khia pila twa tambudiki mu busantu, ti mu mansonga ye kukonda kifu ku thuala benu lu kwikila. ¹¹ Pila mosi pi, luzaya khia pila ti kosu mutu mukati dia benu bwosu tata ti bana bandi, twa lu hekiki ndongisila ti kikesa. ¹² Twa ti kimbangi ni lufueti tambula mopila mosi ya kufuana mu Nzambi, wu walutela mu ki Pfumu kiani ti k u lukumu lwandi. ¹⁴ Khiawu benu, bapangi, lwa kumi bana bilanda mbandu zama bundu dia Nzambe mena ku Yuda mu Khidisitu Yesu, khiawu lwa moni pasi za pila mosi za ba pangi benu ba tsi mosi, pasi za pila mosi ba bamonisi ba Yuda. ¹⁵ Bawu ba Yuda ba hondi Pfumu Yesu ti ba mbikudi. Bawu ba Yuda ba tu kudi. Ba mu sepedisa koku Nzambi. Kasi, bena ba mbi kwena batu bosu. ¹⁶ Bi tu pekisa tu longiku bana beku ba Yuda mupila ni ba huluka. Hakana, bi kumisa masumu ma bawu mosi mingi. Khabu za Nzambe zaba bwila ku tsuka. ¹⁷ Twa kadi ba ku kabwana ti benu, ba pangi mu thangwa dia fioti mu kimutu kasi ke mu mbundu ku. Twa zodi bwingi twa lumona. ¹⁸ Khiawu, twa kadi ya nzala twisa kwena benu. meni Polu, mbala zingi; kasi satana ka tu kambiki nzila. ¹⁹ Khiawu, khwe kena ki vuvu kia betu ku thwala, to kiesi kia betu, to musinga wa kiesi ku thwala Pfumu etu Yesu mu ku kuisa Kwandi? keti benu ku pila mosi pi ti bahika? ²⁰ khiawu, benu lwena lukumu lwa betu ti kiesi kia betu