¹ Ba pangi ba zola, kwikidiku kosu pefi. Kasi swasikisenu pefi mukuzaya ni zeyi za Nzambi, khiau pefi zingi za balongi ba mbi zisa mu tsia thootu. ² Tala bufwani wa zaya pefi ya Nzambi - pefi yoosu yi yizaya ni Yesu-Khlisitu kisa mukimutu yena ya nzambi. ³ Pefi yoosu yisiku muzaya Yesu khlisitu yeku ye Nzambi. Yena pefi ye ba mbeni ya khlisitu, yi lwayuki ni ya kwisa mu tangwa diadi ye yisa kedi mutshia thotu. ⁴ Lwena ba Nzambi, bana bau, ye pi lwa nungeza, khiau wuna wena mukati dia benu wuhiti ngolu wuna wena mukati tsia thotu yayi. ⁵ Bena batu ba tsia thotu; hakana bosu ba bizonza mena ma tsia thotu, ye tsia thotu ba yukila. ⁶ Betu twena ba Nzambi wusu wuna tu muzayi Nzambi ki tuyukila. Wuna keku wa Nzambi kisiku tuyukila tala butu zayini pefi ya masonga ye pefi ya luvunu. ⁷ Ba pangi ba zola, tuzola nenu betu ye betu; khiau zola dia tuki kwena Nzambi; woosu wuna wa zolaka kabutuka mu Nzambi ye muzayi Nzambi. ⁸ Mutu wuna kisiku zola kamuzayiku Nzambi, khiau MNzambi kena zola. ⁹ Mu kuma kia kina, zola dia Nzambi dia monika mu kati die betu: hakana Nzambi kahitika mwan'andi mosi ha tsia thotu mu pila ni tu zingila mu yandi. ¹⁰ Diadina zola, heku ni betu twa mu zodi Nzambi kasi yandi wu tuzodi pi wohitika mwanandi kisa ditambika bwosu mbisi a makabu mukuma kia masumu metu. ¹³ Ba pangi ba zola, yuka Nzambi katu zola bwingi, betu pi tu fweti zolana betu ye betu. ¹¹ Kweku mutu wa mumona kedi Nzambi. Yuka twa zolana betu ye betu, Nzambi kena mukati kia betu ye zola diandi dia kala dia mboti mukati kia betu. ¹² Mu bwabu tuzaya ni betu twena mukati kia yendi ye yandi kena mukati kia betu khiau watuheka peefiandi. ¹⁴ Mu bwabuna twa moni pi twea kwikidi ni Tata kahitiki mwan'andi kisa kala ngulusi ya tsi thotu. ¹⁵ Woosu wuna wuzaya ni Yesu kena mwana Nzambi, Nzambi kena mu yandi, ye yandi kena mu Nzambi. ¹⁶ Yi buna twa tamwasa, pi twa kwikila mu zola dia Nzambi di kena diau mu kuma kia betu. Nzambi kena zola ye woosu wuna wu hweni mu zola dina kena mu kati dia Nzambi ye Nzambi kena mu yandi. ¹⁷ Mukuna kia mambu mama, zola diadi dia monika dia mboti mu kati dia betu mu pila ni twa kala ye vuvu mu kilumbu kia lusambisu, khiau bwosu kena yandi bwosu twena betu pi hatsi thotu. ¹⁸ Mu zola mwakaloku boma. kasi zola dia kieleka dia katulaka boma , khiau boma bu songa ndola. Ye wosu wuna wu banga keku wa mboti mu zola. ¹⁹ Tu zola sambu yandi Nzambi wa tuzola wa theti. ²⁰ Yuka mutu kazonza ni: "Yi mu zola Nzambi" kasi ki menga pangi'andi, kena mutu wa luvunu. Khiau wuna kisiku zola pangi'andi ki mona ya mesu, kalendoku zola Nzambi wuna kisiku mona. ²¹ Yi buna tala tsiku yi katuheka: wuna wu zola Nzambi, kafweti zola pi pangi'andi